slucajno naletav na evrejski kulturen centar vo germanija. http://www.architizer.com/en_us/projects/view/jewish-community-center-mainz/19881/

Znaete da li ke bide zavrseno proektov za otvoranje na 10 mart?

http://utrinski.com.mk/?ItemID=BCFC725EC995F84E9CEDB0BFA86FB85A

Да се залечат еврејските рани



Трагедијата на Евреите ги обединува сите на планетава. Македонија дава планетарен придонес со Меморијалниот центар

Љупчо Поповски


На 10 март Скопје и Македонија ќе бидат вметнати на една важна мапа на светот. Тогаш Меморијалниот центар на холокаустот на Евреите од Македонија ќе ги отвори своите порти за да можат македонските граѓани и граѓаните на светот да ја видат тажната приказна за тоа како е можно нацистичкото лудило да ги убие речиси сите наши еврејски сограѓани.

Тоа ќе биде тажно сеќавање за мартовските денови од 1943 година, на бугарските окупатори, на занданите во Монополот, но и чувство на гордост дека Македонците никогаш нема да ги заборават своите Евреи, дека секогаш ќе се сеќаваат како на драгоцен дел на ова општество во кое заедно го делеле и доброто и лошото.

„Ова е само првата станица на долгиот пат што го почнавме пред десет години, кога се роди идејата за Меморијалниот центар и пет години откако беше ставен камен-темелникот. Големата работа – целосно да ја прикажеме вистината за Евреите од Македонија допрва не' чека“, малку изморено, но многу задоволно, зборува Лилјана Мизрахи, претседателка на Фондот на холокаустот на Евреите од Македонија.

Можеби е тоа првата станица, но овој Меморијален центар, кога ќе се отвори, ќе биде дел од светската четворка – заедно со Јад Вашем во Ерусалим, Меморијалниот музеј на холокаустот во Вашингтон и Холокауст меморијалот во Берлин. Има уште стотици музеи во светот што се инспирирани од трагичната судбина на Евреите, но само четири се меморијални центри. Скопскиот меморијал ќе биде различен од другите и по тоа што ќе биде прв за Сефардите, додека другите три се за Ашкеназите.

Има малку книги за историјата на животот на Евреите на македонските простори, но и од она што го има се' знае дека тие овде биле уште од времето на Александар Македонски (а веројатно и пред тоа); дека најстарата позната синагога надвор од Израел е во Стоби, од третиот век; дека кога Шпанија и Португалија со кралски декрети ги протерале Евреите во 1492 година, огромен број од нив го прифатиле гостопримството на турскиот султан Бајазит Втори и се населиле на балканските територии. Меморијалниот центар треба да го продолжи проучувањето на историјата и животот на овдешните Евреи, главно, населени во Скопје, Битола и во Штип.

Сета таа историја на преселбите и животот на Евреите ќе биде дел од големата постановка во Меморијалниот центар.

„Имавме неверојатна среќа човекот што ја направи постановката на музејот на холокаустот во Вашингтон, Мајкл Беренбаум, да ја прави и постановката во Меморијалниот центар во Скопје. Овој човек има 10 докторати, од кој посебно е ценет оној за концлогорот Треблинка“, вели Мизрахи. Сите 200 Евреи што живеат сега во Македонија беа одушевени зашто еден таков стручњак како што е Беренбуам со своите соработници ја направи постановката која треба да биде нешто сосема поинакво од сите други вакви центри во светот, која ќе го отслика животот и смртта на овдешните Евреи, но и да даде планетарна нишка во нашава земја за трагедијата која нема пример во историјата. „Беренбаум направи нешто што не е видено никаде во светот“, нагласува Мизрахи.

Од Фондот на холокаустот не сакаат да откриваат премногу детали како изгледа постановката, освен што е поделена во три фази. Некои детали се познати – ќе има дигитални рамки со фотографии како да се бараат исчезнатите луѓе, ќе биде направено симболичко погребување со три урни со пепел донесен уште во 1963 година од пеплосаните ниви во Треблинка (тие сега се во градските музеи во Скопје, Битола и во Штип), ќе има детски центар за едукација... Во Фондот велат дека сакаат постановката да биде изненадување за сите.

Трагедијата на Евреите ги обединува сите на планетава, сите сакаат да дадат свој придонес да не се заборави ниедно злосторство на лудилото што го зафати човекот. Затоа во 2009 година беше формиран Меѓународен борд од девет души за Меморијалниот центар во Скопје, во кој има неколкумина од најважните луѓе од еврејските заедници во светот. Претседател на бордот е Ендрју Бејкер, директор на Американскиот еврејски комитет, а негови членови се, меѓу другите, Авнер Шалев, први човек на центарот Јад Вашем во Израел, и Стефан Крамер, генерален секретар на Советот на Евреите во Германија. Сите деветмина, заедно со уште 150-ина други лица од 80 организации од целиот свет, ќе дојдат на отворањето на Меморијалниот центар на 10 март.

Лилјана Мизрахи вели дека воспоставиле одлична соработка со другите меморијални центри и фондации во светот: од Меморијалниот центар во Вашингтон добиле многу документи во дигитална форма; од американската фондација „Шоа“ им испратиле 40 сведоштва на Евреи што ги снимила во Скопје екипата на режисерот Стивен Спилберг; од Јад Вашем постојано добиваат совети. Особено се горди зашто во нивната акција за собирање стари фотографии за животот на Евреите во Македонија направиле една драгоцена колекција од околу 3.000 фотографии. Меѓу нив има 1.200 фотографии од жртвите од Македонија што ги снимиле бугарските окупатори кога ги испраќале во Треблинка. Во овој концлогор беа убиени 7.148 души (98% проценти од вкупната еврејска популација кај нас). „Ова е исклучително драгоцено сведоштво за нас“, вели Мизрахи.

Во Фондот се особено благодарни на сите луѓе во Македонија во овие 10 години откога се роди првичната идеја за изградба на Меморијалниот центар (идејата е тој да стане регионален центар) – од политичарите, преку историчарите, историските институти и особено на обичните луѓе без чија помош, поддршка и храбрење не ќе можеше да се стигне до отворањето на Меморијалниот центар. Центарот е сместен во срцето на некогашното Еврејско Маало, под скопското Кале. Проектот за него е македонски – автори се Мирко Андовски и Никола Бошку.

Овој Меморијален центар е еден од најсветлите придонеси на Македонија за светското наследство и треба да знаеме да го цениме.

Еве некој слики од нет:


www.skopje.gov.mk

www.netpress.com.mk

www.utrinski.com.mk

eve edna slika od del od fasadata

Eve uste edna slika od net 

Би било супер, останатиот дел да биде завршен што поскоро.

Слика седумнаесет кој е човекот? Слика дваесетиеден што е тој предмет? Конечно колку вакви музеи има? Што е со тој муабет?

Originally posted by lslcrew Слика седумнаесет кој е човекот? Слика дваесетиеден што е тој предмет? Конечно колку вакви музеи има? Што е со тој муабет?

17. Незнам на кој човек мислиш, на тој што му објаснува на претседателот?

Edited by UrbanFreak - 10-Mar-2011 at 20:49