Такси превоз

Советот на Град Скопје на својата триесетта седница ја донесе Одлуката за авто-такси превоз на патници во Скопје со што конечно почнува воспоставувањето ред во оваа дејност. Со оваа одлука детално се утврдуваат сите аспекти на такси превозот во Скопје, како локацијата и капацитетите на такси-станиците, обележувањето, опремувањето и начинот на нивно користење, бојата на такси-возилата, тарифата за такси превоз, максималниот број такси-возила во Скопје, како и други аспекти од оваа проблематика. Со одлуката се предвидува да се обележат и опремат 152 такси-стојалишта(станици) коишто ќе бидат достапни за користење за сите лиценцирани такси-возила. Станиците ќе бидат опремени со корпи за отпадоци и со друга опрема, а за нивното обележување, премување и одржување ќе биде задолжен Градот Скопје. Во одлуката е прецизиран и начинот на којшто такси–возилата ќе ги користат такси-станиците, како и максимално утврдениот број возила за секое стојалиште одделно. Со оваа одлука се утврдува максималниот број такси-возила во Скопје, којшто се ограничува на 3.000 возила, со можност овој број да се зголеми со до- полнителни 300 возила, доколку истите се еколошки такси-возила со ниска емисија на штетни издувни гасови. Со одлуката се регулира и унифицира изгледот на такси-возилата, при што сите ќе бидат со иста боја, а таблите ќе бидат со унифициран изглед и димензии.

Информативно гласило на Град Скопје, стр. 17

Edited by гитардемон - 19-Nov-2010 at 19:11

Можам да кажам дел од вината што има толку диви таксисти е и кај граѓаните, не само кај властите, бидејќи многу логично, ако немаше побарувачка, немаше да има толку таксисти.

Во државите каде што се занимаваат со многу понапредни работи од кај нас (една од тие понапредни работи е зачувување и унапредување на животната средина) многу луѓе внимаваат на нивниот carbon footprint, но со ниски финансиски можности како кај нас разбирливо е тоа да не ни е врвен приоритет (плус автобусите испуштаат повеќе CO2 по патник отколку новите такси возила).

Мислам дека кога (односно ако) се среди јавниот автобуски превоз дека ќе има напредок на полето на користење на такси наместо автобус.

Па сме разговарале многу пати дека таксито треба да престане да биде лесно вработување за финансиски загрозената категорија на граѓани, и треба да почне да биде скапа алтернатива на автобускиот транспорт. И јас сум за покачување на цените, и тоа не минимално, туку значително, но има такви кои тврдат дека со сила не се прави ништо, и дека тоа се насилни методи, и бла бла бла...

А демек тие што се водат од нивниот carbon footprint гледаат да поминат и поевтино?

Тоа природно и вештачко покачување не знам како го дефинираш. Има и таму комисии за цените на јавниот превоз, не растат цените туку така по желба на превозниците. Нормално прво треба да проработи автобускиот јавниот превоз кај нас па да се мисли на покачување на цената на таксито, ама не гледам што има тука вештачко?

Дивите таксисти ги припитомија градските власти

Освен хаосот во сообраќајот, дивите таксисти создаваат проблеми оти ги узурпираат такси-стојалиштата кои се предвидени исклучиво за оние возила што работат според Правилникот на Градот

Возењето со такси секаде во светот се смета за луксуз, а и возилата што ги превезуваат патниците се речиси луксузни. Во Скопје, пак, такси може да биде секое возило што се тркала по улиците.

Иако Градот има правилник според кој такси-возилата треба да се унифицираат и да исполнуваат одредени услови, нема кој да ја спроведе таа одлука на терен.

Пет такси-компании од Скопје, кои велат дека ги исполнуваат сите услови што ги предвидува правилникот од Градот, деновиве, за да се заштитат од нелојалната конкуренција, го формирале здружението „Асоцијација“, здружение на легални такси-превозници. Во него членуваат Наше такси, Лотус транспорт, Сити -такси, Вардар бип и Гламур сити.

Преставници од овие компании велат дека дивите такси-превозници што не го почитуваат правилникот од Градот и немаат никакви давачки, освен за гориво во возилото, се нездрава конкуренција.

- Нашите возила се нови, сите возачи се вработени и осигурани, возилата се регистрирани, имаат фискални апарати и низа други работи кои им се во служба на градските власти и на патниците. А, цената за возење е иста со сите оние што се нарекуваат такси, а возат нерегистрирани возила, кои се стари и по триесетина години. За жал, никој не води сметка или, пак, не се гледа ефектот од контролите на сообраќајните инспектори и на полицијата за искоренување на такси-криминалот. Ние, кои многу вложуваме во овој бизнис и ги почитуваме сите законски обврски кон Градот и државата, имаме проблем да опстанеме - велат одговорните од „Лотус транспорт“.

Таксистите работат со загуби и бараат повисока цена.

Освен хаосот во сообраќајот, дивите таксисти ги узурпираат и такси-стојалиштата кои се предвидени исклучиво за оние возила што работат според Правилникот на Градот.

Неодамна Градот усвои и Одлука за такси-превоз која е надеж за средување на досегашниот хаос со легалните и со дивите таксисти. Сметаат дека ако успеат да исклучат од сообраќај околу 6.000 диви таксисти, наспроти 3.000 легални, ќе се намали метежот по скопските улици. Тоа, велат, ќе се постигне само со поголема соработка со сообраќајната полиција.

Од 2012 година ќе стапат во сила одредбите што таксистите кои конкурирале за лиценца се обврзуваат да се унифицираат по надворешниот изглед, како и да стават табла и лента издадена од Градот. На овој начин, сметаат надлежните, полицијата полесно ќе ги препознава дивите превозници и ќе може да ги казнува.

- Спроведувањето на мерките, како што се бојосувањето, лентите и таблите, ќе ги спречат нелегалните таксисти да се вклучуваат во сообраќај и со тоа да ја загрозуваат безбедноста во сообраќајот, интегритетот на патниците, како и егзистенцијата на оние што имаат соодветна документација за такси-превоз - изјавија од кабинетот на градоначалникот Коце Трајановски.

Градските инспектори ќе поднесуваат прекршочни пријави против оние што се вклучени без лиценца или не ги исполнуваат условите од одлуката. Дел од инспекцискиот надзор ќе го спроведат сами, а дел со сообраќајната полиција.

Од Градот додаваат дека одлуката за такси-превозот ќе стапи во сила постапно. Сите одредби, освен таа за бојосување на возилата, веќе се во важност. Делот за бојосување на возилата со жолта и бела боја ќе стане правосилен од јануари 2012 за да имаат доволно време такси-здруженијата да се приспособат на новите правила. Старата цена беше 50 денари за старт, во кои влегуваа два километра, а 22 денара чинеше секој изминат километар.

Од октомври 2010 година цената на такси-превозот е 20 денари при влегувањето во возилото и секој следен километар по 25 денари. Од Градот се оптимисти дека конечно ќе го средат хаосот што владее со години на скопските улици, односно ќе се знае кој треба, а кој не да вози такси.

Марија ТАСЕВ

Таксистите како за на модна писта

Градот одреди и дрес-код, па така такси-возачот мора да е чист, потстрижен, избричен, со чиста облека и културно да се однесува. Тој, не смее да пуши во возилото, а лете не може да вози со шорц или маичка без ракави. Од јануари 2012 година, најверојатно такси-возилата во Скопје конечно ќе добијат унифициран изглед: жолто-бели со ленти на страните од возилото.

http://www.dnevnik.com.mk/?ItemID=0451E29E2A73E64B971A5550816AFAC0

НАЈАВА ЗА СРЕДУВАЊЕ НА ХАОСОТ

Унифицираните светлосни ознаки ќе ги набркаат дивите таксисти

Светлосните реклами и страничните ознаки бесплатно ќе ги добие секое лиценцирано такси-возило

Унифицирани такси ознаки, единствена цена и возила во добра кондиција се првите три услови за надминување на долгогодишните проблеми во такси-превозот.
- Само со квалитетна услуга може да се постигне целта. Се надевам дека градските власти набрзо ќе почнат да ги доделуваат унифицирани ознаки за такси-возилата, како и за големите табли на кои ќе стои ознаката "ТАКСИ". Очекувам дека на средбата што е закажана за вторник ќе се договориме и за единствена цена за возење, вели Митко Миленков, директор на новата такси-компанија Авто куќа", чиј знак на распознавање се возилата шевролет круз.

За воведување на единствен тарифен систем на наплата градските власти велат дека ќе бидат разгледани сите опции, но дека секој нов договор треба да биде изгласан на Советот на Град Скопје. Во моментов важи одлуката што ја донесоа советниците во октомври, а таа е 20 денари од старт и 25 денари за секој изминат километар. Но, новите цени ги практикуваат само брендираните такси-компании. Останатите возат по стари цени - 50 денари во вклучени 2 километри и 20 денари за секој изминат километар.

Од Градот информираат дека тендерот за избор на фирма која ќе ги изработува унифицираните ознаки е затворен, но не прецизираат детали, бидејќи постапката се уште трае и договорот се уште не е потпишан.

Како што дознаваме, најдобра понуда имала охридската фирма ПАП, која ќе ги прави и светлосните реклами и страничните ознаки. Ознаките бесплатно ќе ги добие секое лиценцирано такси-возило. На тој начин, велат градските власти, и граѓаните ќе знаат да ги препознаваат дивите таксисти од легалните и нема да се случува да бидат изманипулирани при наплатата, како што беше досега. 


АВТОКУЌА
15777 нуди поволности за лојални клиенти
Брендираните такси-компании кои веќе си го најдоа своето место на пазарот и воведуваат новини кои им помагаат полека да ја истиснуваат нелојалната конкуренција. Новина на пазарот деновиве лансираше такси-компанијата "Авто куќа", која формира клуб на пријатели со воведување на картичка за лојалните клиенти според поминатите километри. Исто така, новина се туристичките тури со ангажиран возач со познавање на англиски јазик, како што се посети на винарии, културни и природни знаменитости, ВИП транспорт до аеродромите во соседните земји, а за деловните субјекти и нивните вработени плаќање на фактура и со кредитна картичка.
Се повикуваат на бројот 15777 или со титка на 076 215 777. Сите новини се објавени на веб-страницата www.avtokuca.com.mk.

http://www.vecer.com.mk/?ItemID=AC8217392C1CF94DB5829C4AE09430F9

И навистина... што фајде од било какви мерки и организација, што фајде ако сите детали бидат совршено средени, доколку остане нерешен главниот проблем - дивите таксисти.

Новата цена нема да ги скроти дивите таксисти Таксистите не се за зголемување на цената на такси-превозот, туку да се воспостави ред во дејноста со тоа што дивите таксисти ќе се отстранат од улиците Ако се расчисти со дивите таксисти, ќе се воспостави ред во оваа дејност, а тогаш дури и без покачени цени ќе може да се работи рентабилно. Вакви се коментарите на повеќето таксисти по одлуката на Град Скопје од 1 април да се воведе нов ценовник на такси-услугите - 40 денари старт и 25 денари за секој изминат километар. - Ние не сме за зголемување на цената, туку сме да ги нема дивите таксисти. Плаќам 250 евра за таксиметар, плаќам даноци, придонеси за здравствено и пензиско осигурување. Не сум на товар на државата, а има такви што не плаќаат. Ако ги нема дивите таксисти, такси-превозот ќе биде поевтин и би имале поубави возила. Сега тие ќе се договорат да возат по старите цени и на тој начин ќе ни бидат нелојална конкуренција. Скопскиот градоначалник Коце Трајановски треба конечно да го среди такси-превозот во Скопје, реагира Јован Ефремовски, од такси „Рива“. Поскапувањето ќе се одрази на заработувачката Такси-превозниците сметаат дека и новото зголемување на такси-превозот не е реалната цена за услугите, со оглед на тоа дека нафтата достигнала до 67 денари, а бензинот 77 денари за литар. Тие стравуваат дека ќе им се намали обемот на работа, со оглед на тоа што семејниот буџет на граѓаните е с` поплиток. Токму поради ова, некои од нив и не се зголемување на цената, туку да се воспостави ред во такси-превозот со тоа што дивите таксисти ќе се отстранат од улиците. Од такси-компанијата „Лотус“ очекуваат дека со новите цени во почеток ќе имаат помал обем на работа, но сметаат дека со текот на времето луѓето ќе се навикнат и на тоа. - Потребно е извесен период луѓето да се адаптираат на новите цени, иако за сегашниве услови тие се реални. Во поголемите градови надвор од државава, таксито е луксуз и го користат бизнисмени и луѓе што повеќе заработуваат. Кај нас досега во такси се возеа и деца. Ќе се собереа по неколку лица и ќе се возеа само за 50 денари. Им излегуваше поевтино и од автобус. Сега на средношколците им дадоа бесплатни слободни карти, нека се возат во автобус - вели Ѓокица Божиновски од такси-компанијата „Лотус транспорт“. Од такси-компанијата „Плава лагуна“ се скептични за можноста да се реализира последната одлука на Советот на град Скопје. - Со оглед на стандардот на нашите граѓани, тешко е остварливо дека тие ќе се возат во такси. Факт е дека тоа ќе се одрази и на нашата заработувачка. Тешко беше и досега, а сега ќе биде уште потешко. Со такси-дејност на диво се занимаваат и полицајци и пожарникари и чувари на државни институции, кои на тој начин си го дополнуваат семејниот буџет, а нас н` оставаа без работа - се жали таксист од „Плава лагуна“. Претседателот на Групацијата на автотакси-превоз при Стопанската комора на Македонија, Сашо Рајчановски, вели дека ќе ја почитуваат одлуката на Советот, иако толкавото зголемување на цената не било нивно барање, туку на поголемите такси-компании, како „Наше такси“, „Лотус“, кои имаат нови возила. - Освен членовите на нашата Групација, сите други бараа поголемо зголемување на цената. Дури некои од нив бараа цената да биде 40 денари старт и 30 денари за секој изминат километар. Нашето барање беше цената да биде 50 денари старт со изминат километар и 22 денара за секој изминат километар. Нема да ја бојкотираме одлуката, но прво ќе чекаме сите други да ги штелуваат таксиметрите. Не сакаме да бидеме кочничари - објаснува Рајчановски. Тој не е против поскапувањето, но смета дека треба да биде прифатливо. - Факт е дека требаше да има поскапување, бидејќи 5,5 години возиме со иста цена од 50 денари старт за два километра и 20 денари за секој изминат километар. Згора на тоа, расте цената на горивото и на резервните делови. Но, не требаше одеднаш толку да поскапи - дециден е Рајчановски. Лиценци за легален такси-превоз И претседателот на Синдикалната организација на автотакси-превозниците при Регионалната комора на Град Скопје, Марјан Спасовски, вели дека станува збор за неправилна одлука. - Денеска ќе имаме состанок со нашите членови и ќе дефинираме став. Со новата цена нема кого да возиме, бидејќи знаеме каква е платежната моќ на граѓаните во моментов - заклучи Спасовски. По покачувањето на цената на такси-услугите, граѓаните велат дека ќе го редуцираат возењето со такси. - Отсега поретко ќе се возам со такси, зашто тоа не можам да го дозволам со моите приходи. Ќе мора да се преориентирам на јавниот градски превоз, кога веќе имаме нови автобуси - изјави скопјанката Ивана Димовска. Ова е втора одлука за зголемување на цената, откако претходно со Одлуката за такси-превоз, усвоена пред неколку месеци, беше утврдена цена 20 денари за старт и 25 за километар, но и други правила за воспоставување ред во дејноста. Од Градот велат дека веќе се подготвуваат за примена на тие правила и во практиката. - Веќе од април ќе почнат да се им се даваат на лиценцираните таксисти таблите на кои пишува * таџи. Договорот за нивната набавка е пред склучување. При крај е тендерската постапка за црно-белите ленти, кои треба да се стават од страните на возилото. Ќе ги повикаме таксистите да дојдат и да си извадат лиценца и со неа ќе им се дадат и таблата и лентите. Така ќе може да се одвојат легалните од дивите таксисти. Исто така, шест сообраќајни инспектори ќе бидат постојано на терен и ќе контролираат во соработка со полицијата. Кон крајот на април ќе почне и бележење на такси-станиците - најави Неделчо Крстевски, портпарол на Градот. Анела Петрова #

http://dnevnik.com.mk/?ItemID=9CE3D2DB19A2F347BBD9F7AB872BAFE2

Такси превозот нема да се среди додека не се среди јавниот превоз. Кога ќе има опција да чекаш 5-10мин автобус и да стигнеш кај сакаш во градов за 30-60ден (ако менуваш 2 автобуси), а истото со такси би те чинело 200-300ден тогаш луѓето ќе го користат повеќе јавниот превоз. Таксито треба да е луксуз, да неможе сите да се возат. Но исто треба и да се регулира какви коли смеат да се возат и со какви карактеристики.

Само за ова да се оствари, ќе почекаме додека стигнат сите нарачани автобуси + 2-3 години период на привикнување на истите.

И уште една забелешка. Во последно време се почесто се возам со такси, зошто релацијата ми е таква. И 99% од таксистите се против поскапувањето(освен новите компании ). Тогаш се поставува прашањето, дали некој ги прашува возачите или 2-3 луѓе одлучуваат за сите?

Не сум целосно запознат со коритото на Вардар и неговата длабочина, но гледајќи го јавниот превоз во Берлин, Њујорк и други градови од светот, се прашувам не е ли возможно да се воведе речно такси во Скопје? Не може да пловат малечки бродчиња? Најпрво дали би ги берело под мостовите, и второ дали може да се обезбеди доволна длабочина?

Кај автобуска станица врие од диви таксисти,никој не ги казнува,дури нашата полиција ги брка легалните,а некој сака да продава приказни за некој ред,за избричени таксисти(да не е забрането да се има брада како Коце градоначалникот?),приказни за иста боја на таксистите...
Толку ли е тешко да ги избркаат дивјаците од автобуска???Или имаат дил со нив?Имаат,тоа го знае секоја будала.Криминал и корупција.