Ова е веќе нешто. Ситна работа но многу битна. 

Отпад на секој чекор - виновни нема

Преполни контејнери, ѓубре по улиците, кал и диви депонии е сликата на главниот град од која се крева коса на глава. И додека надлежните си ја префрлаат вината едни на други, градот личи на големо буниште
Околу контејнерите сé и сешто Ниту вработените во јавното претпријатие „Комунална хигиена“, ниту, пак, сезонските работници ангажирани од општините, ниту високите казни за фрлено ѓубре на јавна површина не влијаат на подобрата хигиена во градот. Преполни контејнери, ѓубре расфрлано по улици и тревници, кал, неисчистени пазари, диви депонии се наше секојдневие. Како Скопје да не е главен град. Скопјани велат дека е страшно и срамно што главниот град е вака запуштен. Некои од нашите соговорници велат дека имаат чувство како да живеат во некоја запуштена област. - Среде центар, на десетина метри од Канцеларијата за врски со Грција, има дива депонија. Кога и да поминам од таму купот ќеси е сé поголем. Среде центар дива депонија и никој ништо не презема. А и онаму каде што има контејнери сликата не е ништо поарна. Од контејнерите смрди. Мислиш градот е огромно буниште. Невидена работа. Мислам дека ниту еден друг град во земјава не е толку валкан како нашиов - се жали Васко Столев. Одговорните од „Комунална хигиена“ вината за ваквата состојба не ја лоцираат само во претпријатието и велат дека на скопјани им треба дисциплина. - Редовно ги чистиме улиците и јавните површини, а и контејнерите. Од кога ги добивме новите возила за празнење на контејнерите, ја проширивме работата и во руралните средини. А конкретно за дивата депонија кај Канцеларијата за врски со Грција виновни се жителите од околните објекти. На таа локација пред да се изгради новата станбена зграда имаше контејнери, кои пред нецела година се дислоцирани, подолу на булеварот Партизански одреди. И покрај тоа што станарите беа известени каде во иднина да го фрлаат отпадот, тие не знам од кои причини го оставаат на улицата - ни изјави Катерина Лаова, портпаролка на ЈП „Комунална хигиена“. Општинарите, пак, се оправдуваат дека, и покрај тоа што ангажираат сезонски работници, а и нивните комунални инспектори дење-ноќе се на терен, резултатите се малку видливи, скопјани немаат ниту трошка свест за јавната хигиена. Од општината Аеродром велат дека 100 сезонски работници, плус четворица раководители, ја одржуваат чистотата. - Ова е оптимална бројка на лица што ја одржуваат чиста нашата општина. Мислам дека постигнавме да бидеме една од најчистите општини во градот - велат од одделението за односи со јавност во Аеродром. Во Центар, пак, која го носи неславниот епитет на една од највалканите општини, велат дека за хигиената се грижат 50 сезонски работници, кои се малку, па планираат да ангажираат уште. (Не)хигиената на општината е едно од прашањата што советниците најчесто му ги поставуваат на градоначалникот Владимир Тодоровиќ. - Секојдневно добиваме поплаки од жителите на центар, дури и од наши соседи што гласаа за нас на локалните избори. Затоа на секоја седница го прашуваме градоначалникот што ќе преземе за подобрување на хигиената. Лекот е и во ангажирањето што поголем број сезонци, но и во јакнење на јавната свеста за тоа што значи чисто опкружување - објаснуваат некои од советниците на општината Центар. За скопјани центарот е непоимливо валкан, а единствена предност да живееш тука е тоа што се е блиску. Најчисти и најубави населби за живот според нашите читатели се општините Аеродром и Карпош. - Последниве година-две Аеродром блесна. Градоначалникот Ивица Коневски заслужува почит, затоа што за кратко време ја направи општината пријатно место за живеење - вели Кристина Смилевска, вработена во трговскиот центар „Бисер“

http://www.novamakedonija.com.mk/NewsDetal.asp?vest=2161189476&id=14&prilog=0&setIzdanie=22208

Комуналците не ја чистат ромската населба

Ромите од Тризла не плаќаат сметки додека не се однесе отпадот

Моника Талеска



ПРИЛЕП - Жителите од три улици во ромската населба Тризла во Прилеп реагираат и го обвинуваат ЈКП „Комуналец“ дека ги тужи за неплатени сметки, а од друга страна, не им го собира отпадот пред куќите. Домаќинствата на улиците „Стибера“, „Дравска“ и „Мавровска“ тврдат дека неколку пати реагирале и побарале од комуналците редовно да се отстранува сметот, но велат не знаат од кои причини возилата не влегуваат во нивните улици. Ромите се исплашени за своето здравје зашто сметот се распаѓа, а непријатен мирис се шири на сите страни.

„Речиси сите сме социјални случаи и живееме со минимални средства. Сепак, тоа нема да биде проблем, ќе кратиме од храната и ќе ги платиме сметките. Но, додека не видиме трактор да дојде по ѓубрето, нема да плаќаме. Ако треба, ќе одиме на суд, ќе се тужиме“, најави Рамиз Ахмедоски, еден од жителите.

Жителите тврдат дека поради овој проблем и затоа што целата населба нема канализација, децата често им се разболуваат од жолтица и од други заразни болести. „Измет тече по улиците. Ова е чиста зараза. Внучето се разболе од жолтица. Треба ли сите деца да се заразат?“, прашува Атиџе Ајроска.

Овие граѓани тврдат дека досега не им биле доставувани сметки за комуналии. „Никакви белешки немаат пратено, туку директно тужби. Не се надевавме на ова, зашто сме социјални случаи. Го замолуваме ‘Комуналец‘ да дојде и да го отстрани ѓубрето. Има средства од ромската декада, ама улиците не се средени. Кој е виновен за тоа? Треба да се постави канализација, а не вака да се давиме во нечистотија. Зарем не сме граѓани и луѓе што сакаат да живеат во чисто“, истакна Неат Усеиноски.

Наспроти нивните реакции не успеавме да добиеме одговор од „Комуналец“, зашто директорот Златко Ристески бил службено отсутен.

http://www.utrinski.com.mk/?ItemID=4919F08D07441E4D8ACC80BDE28F116F

Stavi dvajca policajci da patroliraat i da pisuvaat kazni pa ke vidis dali ke bide deponija.
Dzabe zakoni ako nikoj ne gi implementira...
Narodot stoka ke si bide...

На улиците во Бутел и во Чаир игра метла само двапати годишно

Во Скопје Север и во Топанско Поле се натрупало едногодишно ѓубре од сите годишни времиња

Снежана Калабакова


Да се метат двапати годишно станбените и сервисните улици во општините, а еднаш месечно оние поголемите. Со толку е задолжено ЈП „Комунална хигиена“, тврдат од претпријатието и додаваат дека динамиката е утврдена со програмата донесена од градските советници. Главна преокупација им се главните градски улици. Споредните ретко некој воопшто ги третира.

Степенот на хигиена на сервисните и на станбените улици е различен во населбите. Тоа е така затоа што некои општини ја одржуваат комуналната хигиена со помош на сезонски работници, додека други ги ангажираат сервисите на своите општински комунални претпријатија. Таму каде што не функционира ниту една од двете опции, хигиената е на најниско можно ниво. На тие улици се натрупало едногодишно ѓубре од сите годишни времиња и од ветрови што дувале.

Таков е примерот со некои населби на општините Бутел и Чаир. Претрупани со ѓубре се улиците во Топанско Поле во Чаир и во Скопје Север во општината Бутел. Есенски лисје, хартии, разноразна амбалажа, пластични шишиња и што ли уште не се нашло на улиците „Боро Менков“, „Гоце Стојчевски“, „Тале Хрисов“, „Лазо Москов“ во населбата Скопје Север. Иста е сликата и на улиците „Август Цесарец“, „Кемал Сејфула“, „Павле Илиќ“, па дури и на градските улици „Лазо Трповски“ и „Џон Кенеди“ во општината Чаир. За некој што прв пат ќе помине во овие општини и ќе ја види сликата, ќе остане нејасно дали за ваквата глетка повеќе се виновни граѓаните што не внимаваат каде го фрлаат ѓубрето или, пак, комуналците што ги посетуваат населбите еднаш годишно.

„Се раководиме според оперативната програма што ни е донесена од Градот и со која сме задолжени двапати годишно да ги метеме сервисните и станбените улици. Се разбира дека се раководиме и според бројот на вработени што го имаме и квадратурата што треба да ја одржуваме. Затоа некои од општините, како што се Аеродром и Карпош, проблемот со метењето на улиците го решаваат со ангажирање сезонски работници. Во општините каде што нема помош од сезонци, работите се покомлицирани, а уште повеќе се усложнуваат и поради тоа што нема канти за ѓубре, па граѓаните нема каде да го фрлаат“, објаснува Катерина Лаова, портпаролка во ЈП „Комунална хигиена“.

Општините Бутел и Чаир немаат сезонски работници, ги ангажираат само во лето за чистење на јавните површини. А, немаат ни канти за отпад.

„Ние не метеме улици. Граѓаните не ни се пожалиле за нечисти улици, но се жалат за ретко подигање на ѓубрето од контејнерите“, вели Снежана Клинчарова, одговорна за информирање во Општина Бутел.

http://www.utrinski.com.mk/?ItemID=0E98E5B52B0E1840AE75B31277392114

ДЕПОНИЈА ВО ОПШТИНА ЧУЧЕР САНДЕВО

Водопад од ѓубре во Кучевиште

Кај и да се фрли поглед, нема место без ѓубриште, а особено плас­тич­ни шишиња

Општина Чучер-Сандево е претворена во втора Дрисла. Затрупани со ѓубре се скоро сите села под планината Скопска Црна Гора, сe до водениците во село Кучевиште. Кај и да се фрли поглед, нема место без ѓубриште, а особено пластични шишиња. Огромна депонија има и покрај Кучевишка Река, во која пливаат ќесиња, облека, апарати за домаќинство, железарија. Додека луѓето во близина избегнуваат да поминуваат од тука за да не се заразат од нечистотијата, кокошки секојдневно колваат по ќесите ѓубре. Со храна од тука се снабдуваат и кучињата скитници, кои ѓубрето го разнесуваат до средсело.
Градоначалникот на Општина Чучер Сандево Јован Пејковски вчера одби да даде изјава за натрупано ѓубре. По многуте обиди и инсистирања да го добиеме на телефон, од кабинетот кусо одговорија:
"Јас му пренесов на градоначалникот дека сте го барале, тој само ме погледна и, без коментар, излезе од зградата", изјавија општинарите.
Претходните власти во оваа скопска општина ја правдаа депонијата со немање пари за чистење.
Според изјавите на претходниот градоначалник Војислав Киранџиќ, Министерството за екологија никогаш не им префрлило ниту денар за одржување на животната средина.
Во меѓувреме општината си формира комунално претпријатие, но зошто не ја чисти депонијата останува нејасно.

http://vest.com.mk/?ItemID=EDBDE462864FC440A1388901BAF35288

ПОКАНА ЗА ПРОМОЦИЈА НА НОВИТЕ КОНТЕЈНЕРИ НА ЈП „КОМУНАЛАНА ХИГИЕНА“

Градот Скопје Ве поканува на промоција на новите жичани контејнери за ЈП „Комуналана хигиена“ којашто е закажана за утре /15.04.2011 година, петок/ во 11:00 часот во Рециклажниот двор на ЈП „Комуналана хигиена“, кај бензинската пумпа на Макпетрол на булаевар Илинден. На промоцијата ќе присуствува градоначалникот на Град Скопје, Коце Трајановски. http://www.skopje.gov.mk/ShowAnnouncements.aspx?ItemID=4157&mid=482&tabId=1&tabindex=0

Edited by dule - 14-Apr-2011 at 19:48

Нови жичeни контејнери за ЈП „Комунална хигиена“ Петок, 15 Април 2011 14:23 Градоначалникот на Град Скопје, Коце Трајановски, и директорот на ЈП „Комунална хигиена“, Ракип Дочи, денеска ги промовираа новите жичeни контејнери што Градот ги набави за ЈП „Комуналана хигиена“. - Градот Скопје за потребите на претпријатието набави 116 жичeни комбинирани контејнери, за селектирање на ПЕТ амбалажа, лименки и хартија. Контејнерите се долги 3,2 метри, високи 1,3 метри и широки 1 метар. Со поставувањето на овие контејнери на територијата на градот Скопје, ќе им овозможиме на граѓаните да вршат селекција на отпадот и да придонесат за почиста животна средина со намалување на количеството отпад што ќе завршува на депониите, бидејќи дел од селектираниот отпад ќе може да се рециклира - изјави градоначалникот Трајановски. Набавените жичeни контејнери ќе се постават во осум скопски општини на подрачјето на градот, на 116 локаци според минипроектот што е изработен од ЈП „Комуналана хигиена“. Според проектот контејнерите ќе бидат поделени на: општината Ѓорче Петров 10 контејнери, Кисела Вода 15, Центар 16, Карпош 10 контејнери, Аеродром 21 контејнер, Гази Баба 14 контејнери, Чаир 14 контејнери, Бутел 11 контејнери, а во општината Сарај ќе се поставaт 5 контејнери на 3 локации, на Матка, кај езеро Треска и во Спортско рекреативниот центар Сарај. За Набавка на контејнерите за селективно собирање на отпадот, што ќе ги подобри капацитетите на ова јавно претпријатие, Градот издвои 3 милиони денари. Следејќи го светскиот тренд, но и потребата, сите ние да ја чуваме животната средина во којашто живееме од загадување, Градот од буџетот за 2011 година издвои 3,5 милиони денари за набавка на уште 150 жичени контејнери за селективно собирање отпад. Директорот на ЈП „Комунална хигиена“, Ракип Дочи, ги информираше присутните дека имаат потпишано меморандум за соработка со фирмата ПАКОМАК, којашто има добиено лиценца од Министерството за животна средина и просторно планирање за рециклирање хартија, пластика и лименки. Досега Градот за потребите на ЈП „Комунална хигиена“ има набавено 130 жичени контејнери за собирање пластика.

http://kurir.mk/republika/skopje/26372-Novi-ziceni-kontejneri--za-JP-Komunalna-higiena

Edited by toasumjas - 15-Apr-2011 at 14:25

60.000 корпи ?????- -да не е некоја грешка со бројкиве.

Почна распределбата на 60.000 пластични канти за домаќинства од Скопје Петок, 29 Април 2011 13:45 Скопските власти денес започнаа со распределбата на 60.000 нови пластични канти за отпад кои бесплатно ќе ги добијат индивидуални домаќинства. Вредноста на инвестицијата е над 880.000 евра, средства обезбедени од Светска банка преку Министерството за финансии. На промоцијата присустуваа вицепремиерот и министер за финансии Зоран Ставрески и градоначалниците на Град Скопје и на општина Кисела Вода Коце Трајановски и Маријан Ѓорчев. Проектот, според Ставрески, е уште еден добар пример како треба да се работи во корист на граѓаните. - Се работи за подршка на секое семејство во износ од 800 денари колку што чини една канта, која е обезбедена бесплатно, истакна Ставрески. Тој појасни дека прокетот, кој ќе се комплетира со набавка на возила за Јавното претпријатие „Комунална хигиена“, ќе овозможи подобрување на ефикасноста на работењето на претпријатието. - Тоа е една од функциите на централната власт и на Градот Скопје да создадат добри услови на возниот парк, за подобрување на комуналната хигиена и за подобар квалитет на јавните услуги за граѓаните, рече Ставрески. Делењето на кантите кои се со капацитет од 120 литри, почна од општината Кисела Вода, а ќе продолжи во сите скопски општини. Реализацијата, како што информира градоначалникот Трајановски, ќе оди преку ЈКП „Комунална хигиена“, а предвидено е да бидат поделени за два до три месеци. - Вистинскиот ефект ќе се почуствува кога ќе дојдат малите камиони за собирање отпад со што целосно ќе се заокружи проектот. Со тоа ќе се овозможи поголем степен на комунална хигиена и поголема диспциплина, рече Трајановски, додавајќи дека ќе бидат опфатени и населбите што се надвор од Генералниот урбанистички план. Општина Кисела Вода преку овој проект ќе добие 6.000 канти, информира Ѓорчев. Тој нагласи дека канти за отпадоци ќе добијат домаќинства кои немаат.

http://kurir.mk/republika/skopje/27848-Pocna-raspredelbata-na-60000-plasticni-kanti-za-domakinstva-od-Skopje

Edited by toasumjas - 29-Apr-2011 at 13:56