Возен парк (ЈСП - двокатни автобуси)

Bidejki se imam vozeno vo dvokatnite avtobusi vo Berlin, od slikite od vnatreshnosta na dolniot kat na avtobusot mozham vednash da zabelezham deka vo berlinskite dvokatni ima barem 10 mesta povekje za stoenje. I nema tolku mnogu sedishta kako vo ovie od jutong.


Edited by mirakuliks - 18-Apr-2011 at 21:40

Може и во Скопските да се намали бројот на седишта, ако тоа се увиди дека е проблем. Сепак квалитетот на услугата јавен транспорт е ПРЕМНОГУ битна, да се решава со решенија „бутни повеќе патници на метар квадратен“ како што гледам сугерираат доста од форумашиве.

 
Е па тогаш значи, ова е некаков експеримент на државата, што е подобро, капацитет или удобност ?
 
Капацитет си имаме колку ни душа сака во старите канти, и речиси ич удобност.
 
Сега во овие новиве двокатни градски автобуси од кинески Југонг очигледно повеќе има удобност отколку капацитет.
 
Што е подобро, ќе оставиме да покажат времето и скопјани.

Originally posted by krale Во горниот дел е предвидено само седење. НО дали во долниот дел можеби е подобро да се намали бројот на седиштата, на сметка на повеќе места за стоење?

Originally posted by krale Може и во Скопските да се намали бројот на седишта, ако тоа се увиди дека е проблем. Сепак квалитетот на услугата јавен транспорт е ПРЕМНОГУ битна, да се решава со решенија „бутни повеќе патници на метар квадратен“ како што гледам сугерираат доста од форумашиве.

И јас се прашував дали нема да е попаметно барем на долната платформа да има помалку седишта за да вкупниот капацитет му се зголеми. Ама очигледно двокатниов е на ивица на регулативата која ја ограничува масата на возилото па конфигурацијата со мал капацитет е изнудена. Еве ја математиката:

Маса на празното возило 12.500kg
80 патници x 70kg = 5.600kg

Тоа е вкупно 18.100kg, а максимално дозволена тежина на возилото е 18.000kg.
Претпоставувам дека просечен патник се рачуна ~69kg со што двокатниов Јутонг би бил во рамки на регулативата, но не остава простор за никакво зголемување на капацитетот.


А за квалитетот на јавниот превоз, бројот на седишта во едно возило е прилично занемарлив фактор во однос на редица други, многу побитни параметри. Впрочем ти посочив во една друга нишка, апсолутно доминантни модели на градски автобуси во Европа се:
- 12-метарски едноделни со ~30 седишта и ~100 вкупен капацитет
- 18-метарски зглобни со ~45 седишта и ~170 вкупен капацитет
а во никој случај не се:
- 10-метарски ретро двокатни со 60 седишта и вкупен капацитет за 80 патници
Така да не ми е јасно по кој основ токму ние чив јавен превоз толку лошо функционира и толку лошо ги обавува најелементарните функции, наместо да ги средиме основните работи, сега требало да измислуваме нови полуксузни стандарди.

Originally posted by Dexter26 Капацитет си имаме колку ни душа сака во старите канти, и речиси ич удобност.

Па ниту со старите канти не би рекол дека имаме капацитет колку што ни сака душа. А со новиве за жал многу помалку...
Околу „удобноста“, мислам дека било кој современ автобус (со нив треба да споредуваме, не со старите канти) обезбедува доволно удобност. А зголемената „удобност“ на двокатниве (на штета на многу побитни фактори) е само случаен нусефект на други мотиви и идеи...



-------------------------------------------------------------------------------------------------------------------------------


Вчера се повозив со двокатниов и тоа два пати. Да ви кажам право, како и на повеќето други овде и мене ми беше мерак, АМА меракот ќе помине за 2-3 недели, а потоа долги години ќе си останеме да си ја чукаме главата со овој неекономичен и непрактичен модел на автобус. Така да не ги разбирам оние коментари „супер е“ „топ е“, капацитетот не бил битен, битно слатки биле... Прашањето е како да гледаме на овие автобуси. Како на играчки? Или како на есенцијална потреба за функционирање на градот и економијата. Искрено сум разочаран од бројноста на површните коментари. Овој модел на автобус за скопскиот градски превоз е очигледно мега-промашување. Наназад во нишкава е изнапишано многу на таа тема и нема да се повторувам, туку ќе ги споделам моите денешни впечатоци кои (минливиот мерак на страна) ме прават уште пореволтиран од оваа зделка.

Бев решен да го проверам каков е автобусов во акција, па на сајтот на ЈСП го проверив возниот ред за линијата 15а и отидов да го чекам двокатниов. Линијата ја опслужуваат две возила кои во еден правец ја комплетираат трасата за 45 минути, па во најлош случај бев спремен да изгубам 45-50 минути доколку прво ми наиде другиот, односно „обичниот“ автобус. За среќа не наиде прво обичниот автобус, ама за несреќа сепак изгубив над 20 минути, бидејќи двокатниот толку доцнеше. Не знам дали двокатниот едноставно не може да се држи до постојниот возен ред, или пак возниот ред бил корегиран, ама ретро-кинезов сепак не можел да го оствари ниту него. Како и да е, се потврдува она што можеше лесно да се претпостави. Двокатниов Јутонг има помала комерцијална брзина, што ќе донесе големи последици. А разликата во брзина при движење во кривини се гледа и со голо око. Во некои кривини има и бонус чуден звук како гребење, чија генеза не ја знам, но ми побудува дополнителни сомнежи за моделов. За воља на вистината не е постојано, го слушнав само во 3-4 наврати, а како што кажав се извозев два пати. Не забележав некое правило, понекогаш и во пооштри кривини со поголема брзина немаше гребење, а понекогаш и при благо свртување или влечкање како полжав сепак се слушаше гребењето. Еве чујте го и сами (на 0:05 и на 0:30)
http://www.build.mk/docs/users/cloverstack/JAVEN%20PREVOZ/MVI_8728.AVI

Го почуствував и „спуштениот плафон“. За каква поголема „удобност“ зборуваме, кога висината на плафонот не само што на горниот кат е 170cm туку и на долниот е мизерни 190cm? Што треба да прават повисоките од 190 (а не се баш толку ретки), да стојат и да се движат искривени? За горниот спрат ајде некако поминува условно, ама за долниот е катастрофа. Претпоставувам дека ова е последица на нашата инфраструктура која никогаш не била планирана за превисоки возила, па нашиов ретро-кинез со своите 4,2m висина е во групата најниски современи двокатни автобуси. Ама ете некој сакаше да ги купиме по секоја цена. И патем, на горниот кат 170 е максимална висина, а странично и напред плафонот се спушта, па мој совет е дополнително да си внимавате на главите бидејќи многу луѓе си ги исчукаа.

Единствен позитивен впечаток: иако се далеку од Мерцедеси, внатре делуваат прилично поквалитетно сработени од ЛАЗ-овите. Но останува времето да покаже дали зад формата има и суштина.

Со оглед на конфигурацијата на предниот дел на автобусот, додека не се воведе смарт тикет, купувањето и понишувањето на билетите ќе биде уште еден проблем, но ајде тоа е минливо, да се надеваме дека конечно ќе ги придвижат работите со смарт тикетот бидејќи тоа веќе почна да личи на neverending story.

И конечно, внатрешноста е дури и „потесна“ отколку што мислев. Ги издвоив овие три слики кои го прикажуваат целиот патнички простор на долниот спрат. Што е ова побогу, комбе? И патем, од 20-те седишта долу, се испостави дека нормални се 16, додека 3 се на преклоп, а едно е со сила напикано под чудно поставениот клима уред. Очигледна импровизација - и клима уредот и седиштето. Но така ни е, кога по секоја цена мораше да имаме двокатни автобуси, па уште и со ретро „хауба“.











И на крај сакам да искоментирам за безобразлукот на властите околу капацитетот на двокатниве, кој го демонстрираа минатата недела при промоцијата. Јасно им е колку слаба точка е тоа со капацитетот, ама ете мора да го фалат автобсов како да е чудо невидено. Прво смешниот говор на Миле Јанакиески, кој го спомна дури и возачкото седиште кога го правеше збирот на седишта. А потоа не знам кој беше што мртов ладен го фалсификуваше капацитетот на ЛАЗ-от (спомна некоја смешна цифра за стоење 20-30), пред да го каже капацитетот на двокатниве. Очигледно се игра на картата на игнорантност на народот, чие мнозинство логично мисли дека двокатниот има поголем капацитет од обичните автобуси и тоа значително поголем капацитет.




Edited by Cloverstack - 20-Apr-2011 at 06:30

 phenomenon

Originally posted by Supervisor Па кај нас е нормално и по 100 луѓе во еден автобус. Овие автобуси се помодерни, и истите се направени за помалку луѓе. Не знам како тоа очекувате да биле "исти со капацитет" како крниите? Каква ви е таа споредба, кога е нормално и самиот патник да се осеќа поудобно се работи за нова генерација на автобуси.

Можеби не е нормално преголеми гужви ама кога веќе земаме нови автобуси во најмала рака треба да имаат капацитет како претходните. А и навистина ми изгледа дека е премногу тесно во долниот дел. Јас сеуште не сум се возел но ми личи како да не можат да се разминат двајца. Некој што се возел да каже може ли ?

Инаку анализа како таа на Кловер е потребна низ Македонските весници и други медиуми па може тогаш ќе им текне да ја преправата нарачката со нормални автобус. Треба некој медиум да направи ваква убава анализа па да му текне на народот дека вакви автобуси и не ни се баш потребни. Можеби и тие што го нарачаа полека ја увидеа грешката ама немаат храброст да признаат.

Edited by Tuvok - 20-Apr-2011 at 16:39

^
Да проблемот и тоа како е поопширен. Еве за почеток нели би било добро ан булеварите со 3 ленти третата да биде за автобуси. Така многу побрзо ќе се движат автобусите и транспортот ќе биде поефикасен. Но за да функционира тоа треба третата ленат навистина да биде чиста а тоа подразбира и да се забрани паркирање на тротоарите како не би се се случувало колите да пречат во третата лента. Навистина се е поврзано и ваквите работи се решаваат со подолгорочна стратегија која за жал кај нас порано кога требало да ја има ја немало а ја нема ни сега.

Да не користам потежок збор за возилово,само ќе речам еден куп железо.По сликите од Кловер ,внатре на изглед делуват и потесно од меѓуградски автобус (можам да замислам како е во најголемите гужви сабајле и попладне).Комбинирано со пензионерите кои оделе на втор спрат(WTF?) ,а порано нели не можеа да се качат и на обичен автобус - прав циркус.
*Капацитетот е мизерен ,со оглед дека е двоспратен,ама па неговата чудна должина е најверојатно одговор на тој феномен.(Стандарден автобус е со 12.00 метри должина,2.50/2.55 метри ширина и се надвор од овие граници е друга категорија).
*Моторот е еден од најнеекономичните,најголем дел од американските фирми ги користат овие мотори и дел од тие кои не се главни во автоиндустријата.
*Исто чудно е немањето официјални податоци од ЈСП(не е ни чудно од нив),ама па и на интернет е страшно тешко да се најдат податоци на оваа 'компанија' која произведувала не знам колку возила годишно    .Додуша можат да се најдат Јутонг со копиран дизајн од МАН,Неоплан,Ирисбус итн.

Во секој случај,како последен логичен обид за спасување на ситуацијата,би требало нашава Влада да побараат промена на договорот во смисла зглобни автобуси на местото на овие чуда.Доволно се 10-тина,чисто онака ради заљубениците во тој ретро стил.
    

Originally posted by Supervisor Па кај нас е нормално и по 100 луѓе во еден автобус. Овие автобуси се помодерни, и истите се направени за помалку луѓе. Не знам како тоа очекувате да биле "исти со капацитет" како крниите? Каква ви е таа споредба, кога е нормално и самиот патник да се осеќа поудобно се работи за нова генерација на автобуси.

100 луѓе во автобус всушност е нормално за секој 12-метарски класичен градски автобус, а кај нас можеби е „нормално“ 150 луѓе, ама тоа ќе биде случај и за двокатните, само не знам како физички ќе се изведе... истите оние патници кои сега во шпицовите се како сардини напикани во постоечките автобуси, ќе треба да бидат превезени во автобуси со значително помал капацитет. И затоа повеќето седишта (што е изнудено решение заради тежината на возилото, а е на сметка на вкупниот капацитет), нема да придонесат во толкава мерка ни за таа наводна удобност (која не е зависна само од бројот на седиштата, туку и од многу други работи), бидејќи гужвите ќе ескалираат можеби и до мерка на комплетен колапс на системот, па ќе мора да се крпи некое чаре на грбот на сите нас.

И никој овде не се обидува да прави споредба на квалитет на двокатните со крнтиите, туку споредбата многу логично треба да биде другите современи автобуси, пред се оние кои се стандард во Европа. А за квалитетот на јавниот превоз, бројот на седишта во едно возило е прилично занемарлив фактор во однос на редица други, многу побитни параметри. Како што спомнав претходно (а не знам зошто толку лесно си го изигнорирал, не се работи за субјективно гледиште, туку за неоспорни факти), апсолутно доминантни модели на градски автобуси во Европа се и остануваат да бидат:
- 12-метарски едноделни со ~30 седишта и ~100 вкупен капацитет
- 18-метарски зглобни со ~45 седишта и ~170 вкупен капацитет
а во никој случај не се:
- 10-метарски ретро двокатни со 60 седишта и вкупен капацитет за 80 патници
И сега токму ние со толку елементарни проблеми во јавниот превоз и со толку ограничени финансии, се најдовме најпаметни да воведуваме нови стандарди на удобност?!? Мислам стварно... да бидеме малку посериозни.

Ах барем да беше капацитетот единствен проблем на двокатниве ретро кинези... Ама ја немаме ни таа утеха.

Originally posted by Тркало Во секој случај,како последен логичен обид за спасување на ситуацијата,би требало нашава Влада да побараат промена на договорот во смисла зглобни автобуси на местото на овие чуда.Доволно се 10-тина,чисто онака ради заљубениците во тој ретро стил.

Би ме радувал таков исход, но... Замена на автобусите дури и да имаше воља, не знам како би можела да се изведе. Тендерот си имаше услови, не може сега отпосле да се менуваат. За жал мислам дека секако ќе мора да го исркаме надробеното



@ Fossil
Искрено ти се восхитувам на позитивноста и како можеш на речиси секоја глупост на токмаците кои ги трошат народните пари, да одговориш со добра воља и оптимизам. Сепак, таквиот пристап не води никаде, само го потхранува штетното однесување.

Еве комплетно сум на иста линија со тебе дека јавниот превоз треба да се развива и во нов правец. Апсолутен поборник сум на ЛРТ мрежа. Но што во меѓувреме (а и потоа)? Зарем не е битно дали сме купиле 200 нормални, пред се максимално економични и практични автобуси или 200 ретро-двокатни автобуси за правење шоу?

Капацитетот не бил толку важен?!? Немам коментар...
За важноста на брзината апсолутно ќе се сложам, ама како стојат на тоа поле двокатните?
За наводниот совршен комфор на двокатните (со неадекватен капацитет, со ниски плафони, незгодни скали... или пак совршено комфорно ќе им биде на оне што ќе седат на седиштата на преклоп или тоа напиканото седиште под клима уредот...), нема да коментирам, само ќе потсетам (по 1000-ти пат) дека по обичај кај нас се мешаат приоритетите. Трагикомично е една сиромашна држава, со главен град во кој не се решени најосновните потреби на јавниот превоз, одеднаш да ги прескокне очигледните проблеми и да инвестира во наводен висок комфор, за кој барем на хартија можат да ни позавидат и далеку побогати од нас... ама ете тие побогатите се изгледа „глупави“ па малку потешко се впуштаат во измислување на топла вода. За такви изуми редовни пронаоѓачи станавме ние. Епа за таквиот ум ќе платиме висока цена и нема да се развиваме ни приближно на начин и со темпо какви што ни се потребни


Edited by Cloverstack - 20-Apr-2011 at 22:27

Колку што ме држи памтењето, од ЈСП уште пред нарачката рекоа дека ќе останат на улиците оние поновите саноси, од 97/98, така да постарите крнтии скоро со сигурност ќе се ичистат. Наравно, не е охрабрувачко тоа што постарите автобуси нема да ги гледаме, затоа што и понатаму дел од возниот парк ќе останат и 13-годишните автобуси. Моментот секако е нарачката на само 4 зглобни автобуси и ако се знае дека има само уште еден зглобен од поновите саноси, ондак со 5 зглобни не верувам дека нормално ќе функционира превозот. Единствен спас од овој хаос е да се пуштаа два автобуси напоредно еден позади друг од истата линија и да качуваат патници на секоја втора станица, што би било смешно, ама само така би се избегнале неподносливите гужви.