Вака се крадат љубичици

"Вест" улови скопјанец среде бел ден како откорнува цвеќиња од жардиниера на Партизанска, спроти бараките на Општина Карпош

Љубичиците од жардиниерите на булеварот Партизански одреди ги снема. Секој ден се краде по едно ќесе цвеќиња што Општина Карпош ги посади во тревникот. Место цвеќето да се згуснува, жардиниерата веќе целосно е проретчена.
"Вест" улови скопјанец како среде бел ден краде љубичици. Друштво на крадецот му правеше една жена, која му чуваше стража додека тој си правеше букет.
Градоначалникот на Општина Карпош Стевче Јакимовски вели дека љубичиците често ги снемува, но тој нема намера да се откаже.
"Овие граѓани не можат да украдат толку колку што јас можам да посадам. Според планот кој го имаме до крајот на годинава, во Карпош ќе има посадено 100.000 цвеќиња од различни видови и бои", вели Јакимовски. (А.А.)

1. Крадецот седнува на жардињерата на Партизанска и ги набљудува љубичиците, а жената што го придружува ја разгледува околината



2. Откако се сигурни дека на пешачката патека нема минувачи, крадецот скокнува во тревата, го шири ќесето и почнува да го полни со љубичици



3. Жената го остава крадецот сам да преброи колку цвеќиња успеал да собере



4. Задоволен од остварениот план, заминува



http://vest.com.mk/default.asp?ItemID=AACF49240A89734C9BDAEE78341C5D47

Немам слики, ама новите чешмички низ парк веќе се во голема мера уништени. За срамота сме.

Понекогаш се прашувам каква култура имаат овие луѓе.

Стока!!!!!!!!!!!!! И јасно е зошто е ова вака, некои луѓе си ја оставиле културата од кај што дошле, а овде се осеќаат како да можат што сакаат да прават. И не само во парк и на други места се уништени новите чешмички, клупи се превретни, а приметив и дека и кантите им сметаат. Само се дигаше помпа за законот, кој очигледно веќе не се применува. За такви не 50, 500 евра треба казна.

„Пресушија“ новите италијански чешмички Италијанските чешмички што пред десетина дена екипите на ЈП „Водовод и канализација“ ги поставија, веќе се расипани и не функционираат Водата или постојано е пуштена или воопшто не тече. Некои од новите славини во Градскиот парк се отстранети, некој си ги присвоил. На чешмичката во Капиштец, близу трговскиот центар „Беверли Хилс“, автоматското копче е извадено и водата тече постојано. А целта на поставување на новите чешми беше да се намали загубата на водата, која постојано течеше со старите чешмички. - Не можеш да се напиеш вода од новите славини на фонтаните. Нема доволно притисок. Водата се слева низ славината и мораме да се наведнуваме до славините за да се напиеме, што е непрактично и нехигиенски. Баш добро што ги променија, но не можеме да ги користиме - вели Соња Јакимовска од Центар. Надлежните од претпријатието апелираат до несовесните граѓани оваа негативна појава да престане. - За поставување на новите вентили добивме позитивни реакции од страна на граѓаните. За жал, на неколку локации некои од чешмичките се оштетени, а на некои места се украдени од некои несовесни граѓани. Сега дополнително формиравме еден наменски тим, кој секојдневно ќе врши поправки, контроли и интервенции на сите чешмички што се во наша надлежност - изјави Светлана Димитрова, портпаролка на ЈП „Водовод и канализација“. ЈП „Водовод и Канализација“ набавија 200 вентили од лиено железо со релјефен стил и со автоматско копче за временско користење на водата за да ги вратат сите чешмички во градот во функција. Вентилите се изработени од италијанската фирма „Марио Цирино Помицино“, а целата инвестиција чини 626 илјади денари. http://novamakedonija.com.mk/NewsDetal.asp?vest=531193348&id=14&prilog=0&setIzdanie=22270

Na momenti se prashuvam dali navistina zasluzhuvame sloboda ili treba edno 5 do 10 godini da se vovede policiska drzhava kade na sekoj kjosh kje ima policaec koj kje bide avtomatski kaznuvan ako ne go fati storitelot koj go izvrshil vandalizam vo negoviot prostor.

со други закони се покажа дека луѓето се помали од законот и можат лесно да бидат спречени во нешто барем во одредена мера, навистина кај нас живеат доста нецивилизирани луѓе кои уништуваат се што не е во нивна сопственост, ама се знае како се решава сето тоа, зошто властите не посветат внимание на сето тоа, зарем пријатно има е да гледаат како некој им ги уништува остварените проекти?
да не збориме што после секоја вандализација, градот е олжен да реновира, чисти и средува, а ние досега како да не сме чуле за такво нешто!

УНИШТЕНА СИМБОЛИКАТА ЗА НЕДИСКРИМАНЦИЈА

Новиот саат во Градски парк без стрелки

Министерството за труд и социјална политика, кое пред една година го постави часовникот, најави негова поправка и преселба во затворен простор

Новиот часовник во Градскиот парк, поставен симболично за да ги потсетува скопјани дека дискриминацијата мора да заврши, е уништен. Стрелките се извадени, а искршено е и внатрешното стакло. Столбот на кој е закачен саатот е исчкртан со вулгарности, а разни натписи има и на бетонската подлога околу него. Место да покажува точно време, часовникот зјае како стар украс. Скопјани го загледуваат, коментираат меѓу себе што, всушност, тој симболизира, а многумина ги протнуваат и главите во празниот отвор.
"Не знаев дека е часовник, бидејќи не сум слушнала дека поставиле саат за симболично мерење на дискриминација меѓу луѓето. Ова не личи на ништо, а најмалку на часовник. Ако веќе е демолиран или нека го поправат или пак нека го преселат на друго место", коментираат минувачите во парк.
Симболичниот часовник е поставен пред една година од страна на Министерството за труд и социјална политика, како почеток на кампањата"Не дискриминирај! Еднакви можности за сите."
Но поради неговото уништување, од Министерството најавуваат поправка и преселба наскоро.
"Размислуваме да го заштитиме на некое друго место. Сè уште не знаеме каде, но најверојатно ќе биде некаде на затворено", објаснуваат од Министерството за труд и социјална политика.
Часовникот требаше да придонесе за подигнување на јавната свест за важноста и значењето на антидискриминацијата.

http://www.vest.com.mk/?ItemID=A2D685211D0A90458E3648807AC3D1D7

Очигледно на градскиот парк му е потребна 24 часовна контрола инаку подобро ништо нека не ставаат, затоа ова е залудно трошење на пари ако некој цело време уништува нешто и го сквернави паркот.

И ПОКРАЈ НАПОРИТЕ НА ГРАДСКИТЕ ВЛАСТИ ЗА РАЗУБАВУВАЊЕ НА ГРАДСКИОТ ПАРК

Новите чешми не поживеаја ни 10 дена

Вандалите кршат се што ќе им дојде под рака, а пишуваат и графити со срамна содржина

Од четирите нови чешми во Градскиот парк, што пред само неколку дена ги постави Град Скопје, функционираат само две. Онаа што беше поставена во близина на паркингот на Град Скопје и таа кај детскиот лавиринт се целосно демолирани. Славините им се откорнати и останати се само цевките од кои непрестано тече вода.

Чешмите кои беа поставени за да го разубавуваат ликот на првиот дел од Градскиот парк денеска само го нагрдуваат ликот на градското катче. За нив од градската каса беа потрошени околу 1,2 милиони денари.
- До вчера сите се жалевме дека нема каде да се напиеме вода во паркот, а денеска откако Градот ни го постави, сами си ги откорнавме. Му нема крај на вандализмот, се жалат граѓаните и се чудат кому му пречеле, па го сторил тоа.
- Навистина не можам да ги разберам оние кои уживаат во такви работи. Треба да разберат дека чешмите се поставени за пиење вода, а не за некој да се изживува. Сега и да сакам да се измијам раце или пак да се напијам вода, не можам, бидејќи некој паметен кој немал друга работа решил да ја искрши чешмата и на неа има ставено ѓубре, се жалеа граѓаните кои вчера ги затекнавме како шетаат низ паркот.

Се сомневаат дека вандализмот го направиле препорадавачите на старо железо или пак групите млади кои се собираат во Градскиот парк во вечерните часови, пијат алкохол, а потоа се изживуваат врз инвентарот.

Една пензионерка се пожали и на графитите со недолична содржина кои се испишани на клупите, на спомениците и на фонтаната Лотус, што неодамна беше реконструирана.
- Ова е уште еден срамен чин што го прават неразумни луѓе, вели една жителка.

Градските власти не знаеја дека чешмичките се оштетени, но не беа ни зачудени. Велат дека секојдневно се соочуваат со истиот пролблем. На ваквите недолични однесувања не можат да им стават крај ниту чуварите кои редовно патролираат во паркот. Сепак, велат дека ќе ги поправат чешмичките за вода, но апелираат граѓаните да престанат со уништување на околината, потсетувајќи ги дека тие се прават токму со нивни пари.

http://www.vecer.com.mk/?ItemID=1F5A1A1EF532E548B27F2AB6BB6DD590

Edited by dule - 05-May-2011 at 14:48