Автопат Скопје - Блаце

Завршен проектот за изградба на автопатот Скопје – Блаце

Проектот за изградба на автопатот Скопје – Блаце во должина од 13 километри е завршен и во моментов е на ревизија, информираше вицепремиерот Кочо Анѓушев. Според него, оваа делница која што ги поврзува Македонија и Косово ќе биде главен приоритет во наредниот период и ќе работат на обезбедување на финансиска конструкција за да почне изградбата.

„63 милиони евра е неговата вредност и тоа е една од инфраструктурните и приоритетни проекти на Владата, бидејќи со Косово, Македонија има значителна трговска размена и срамота е во 21 век дистанца од 90 километри да ја возите два часа. На косовска страна знаеме дека властите и институциите се при крај со автопатот. Македонија ќе биде посветена да таа делница од 13 километри да се направи што побрзо. Немаше техничка документација. Техничката документација е веќе завршена. Ревизијата е во тек и парите ќе бидат одредени и детерминирани како приоритет“, рече Кочо Анѓушев, вицепремиер на Владата.

http://www.alsat-m.tv/mk/%D0%B7%D0%B0%D0%B2%D1%80%D1%88%D0%B5%D0%BD-%D0%BF%D1%80%D0%BE%D0%B5%D0%BA%D1%82%D0%BE%D1%82-%D0%B7%D0%B0-%D0%B8%D0%B7%D0%B3%D1%80%D0%B0%D0%B4%D0%B1%D0%B0-%D0%BD%D0%B0-%D0%B0%D0%B2%D1%82%D0%BE%D0%BF/

13km е од обиколница до граница. Треба паралелно да се работи и на некое решение до Момин поток, во спротивно мал ќе биде ефектот.

Лесно е да се каже да се најде солуција за делот од обиколницата до хотелот Александар Палас, но тоа во моментов е речиси неизводливо. И од лева и од десна страна се дозволи да се изгради индустриската зона Визбегово. Некаде ќе треба да се рушат паркинзи, ѕидови на објекти, па дури и сами објекти на приватни сопственици за да изгради ваквата траса. Можеби треба да се размислува за обнова на асфалтот на оваа траса, со евентуално уште една лента плус за излез од Скопје кон Блаце. На влезот во Скопје, возачите ќе ја имаат обиколницата како избор за да стигнат до било кој дел на градот.

Нема потреба од зеленило, а тротоар може и само од едната страна + велосипедска патека (тука често возат велосипеди по коловозот, а тоа е навистина опасно). И осветлување да се стави, навечер е темно и непрегледно.

По мое мислење во 90 отсто од трасата не би требало да има никаков проблем со проширувањето. Во 10 тина отсто можеби ќе се јави потреба од експропријација и евентуално рушење на некоја ограда. Во спротивно што ќе ни е автопат од Блаце до обиколница кога мал процент на возила ќе ја користат обиколницата. Сепак, најголемиот дел од возилата кои доаѓаат од правец на Блаце продолжуваат право кон Визбегово/Јадранска Магистрала а чинам дека и надвозникот кој е предвиден кај касарната Илинден затоа е и наменет, тој експресен пат од обиколница до касарна Илинден да не е попречен туку возилата слободно да продолжуваат кон пластичарска.

Јас, сепак како жител на Визбегово, освен подобриот проток на сообраќај, во целава работа најбитно ми е да се направат тротоари и вело-патека. Следејќи ги активностите на Општина Бутел и скорешното расчистување на околината околу аквадуктот и најавата дека ќе направат пешачка и вело-патека на кејот на река Серава т.е. ќе ја доуредат регулацијата на реката и вело-патеката ќе се поврзе со онаа на Вардар од левата страна во непосредна близина на планираниот надвозник кај касарната, го гледам како најсветла точка бидејќи за да стигнам со велосипед или со пешачење до градскиот парк е еднакво на самоубиство. Доколку и просторот кај аквадуктот се уреди како парк, тука ќе никне едно многу добро катче за Скопје коешто сега практично е зона на самрак.

Edited by Влатко - 07-Mar-2018 at 13:11

Originally posted by FoSsiL Не гледам зошто не би се заобиколила цела индустриска зона од западна страна, а сегашниот пат да биде сервисен. Има место западно од зоната да се гради автопатот, и ниви се, ваљда нема да оди многу на експропријација.

Колку што знам, нели треба Словенечка да продолжи во тој западен правец како булевар Црна Гора или слично така што пак ќе дојде до некој пресек иако како опција би било одлично доколку има можност да излезе директно кај раскрсницата кај Хубо маркет.

Originally posted by FoSsiL Не не, Словенија ќе си продолжи накај Бардовци и после Ѓорче ќе се поврзе со Црна Гора.... Јас зборувам за паралелен автопат на Јадранска магистрала, западно од индустриската зона, едноставно да ја заобиколи.

Точно тоа ти велам........дека пак ќе се пресекуваат двата правци - Словенечка кон Ѓорче и евентуалниов твој пример. Но колку што знам, во потегот југо-западно од индустриската зона Делта (Визбегово) кон локалитетот Скупи се планира некоја станбена населба така што повторно експресен пат не би дошол во предвид.

Здраво форумци, јас ја имам трасата во dwg формат и би сакал некако да ја постирам овде, но не знам како. Долго сум на форумот но ретко постирам и коментирам, па молам за инструкции или начин како да го сторам истото.

Направив printscreen-ови во jpg формат, само не знам како да ги закачам.

Скриншотови од @Dukac, доколку имаш нешто за појаснување околу нив, пиши