Кино „Манаки“ - Битола

Удрени темелите на киното Корзо Денес, на Широк Сокак започна обновата на киното на браќата Манаки. Темелите беа удрени на местото каде што на почетокот на минатиот век функционирало киното Корзо. Обновата ќе се врши во две фази. -Во првата ќе се работи на инфраструктурата, електричната инсталација, водоводната мрежа, топлифицирање и друго, што треба да биде завршено во текот на оваа градежна сезона. Следната сезона ќе се работи на кино сала со капацитет од 150 седишта, како и две музејски простории, изјави градоначалникот на Битола, м-р Владимир Талески. Киното на Манаки работеше до 1939 година, кога изгоре до темел, зашто тогаш филмските ленти биле многу лесно запалливи. -Прво работеше со неми филмови, кои беа пропратени со музика, а потоа почнаа со проекција на тонски филмови. Во 50-тите се прави обид за обнова, летната бавча работеше неколку години и се прекина, ова е второ воскресение, вели Стеван Хаџиантоновски, Комуна на власи. Значењето на браќата Манаки се споредува со значењето на браќата Лимиер во европски рамки, потенцираше градоначалникот. Обновениот објект ќе биде на два ката. -Предвидува 9 на 14 основата, а вредноста е половина милион денари, во првата фаза ќе се потрошат 19 милиони денари. Киното нема да биде актуелно само за време на интернационалниот фестивал „Браќа Манаки", туку ќе работи 365 дена во годината и ќе биде опремено со најсовремената опрема за проекција.

Извор: http://www.tera.mk/aktuel/udreni-temelite-na-kinoto-korzo


Edited by Danielbtmk - 08-May-2013 at 17:39

Перипетии околу градбата на киното „Манаки“

Општина Битола постави камен-темелник за обнова на старото кино на браќата Манаки, „Kорзо“, кое на Широк сокак постоело пред 74 години. Истиот ден внукот на браќата, Милтон Манаки, до битолскиот суд поднесе барање за изрекување привремена мерка за да се стопира започнатата градба. Тој вели дека дел од земјиштето предвидено за градба било во сопственост на дедо му, снимателот Милтон Манаки, па како негов наследник има поднесено постапка за денационализација. Младиот Манаки побарува државата да му денационализира 900 квадратни метри од земјиштето каде што во минатото било киното.

- Ги имаме сите потребни документи, постапката е во тек. Во законот за денационализација стои дека имот кој е предмет на ваква постапка не смее да се оптоварува. Поднесовме предлог до судот за изрекување привремена мерка и ги доставивме сите документи дека се води постапка за денационализација, писмата до градоначалникот дека не е дозволено да се гради на такво земјиште за што немаме добиено одговор, писмо од катастарот, каде што известуваат дека е иницирана постапка, тапија што гласи на браќата Манаки, а ние сме наследници, скица од предметното земјиште - вели внукот Милтон Манаки.

Од Општина Битола велат дека земјиштето не е спорно и дека не ги разбираат мотивите на внукот поради кои се обидува да ја попречи градбата.

- Општина Битола е сериозна институција, ние имаме одобрение за градба и почнуваме со обнова на киното. Не знам кои се неговите мотиви, веројатно, само тој знае и жал ми е што единствено само тој не се гордее со овој настан. Не ги разбирам неговите мотиви и го поканувам и тој да се радува на настанот - рече градоначалникот Владимир Талески.

Kиното „Kорзо“, во кое во првата половина на 20 век филмови прикажувале браќата Манаки, изгорело во 1939 година од пожар предизвикан од филмските ленти.

- Kиното изгоре како резултат на тогашните филмски ленти што беа целулитни и лесно запаливи. Kиното не можеше да се спаси. Тогаш со киното стопанисуваше Ристо Зрде, објектот беше на Манаки, но тој во недостаток на средства го даде под закуп - вели Стефан Хаџиантоновски, филмски критичар.

Kиното ќе се гради во следните две години, а проектот чини 30 милиони денари. 19 милиони денари општински пари ќе се вложат годинава за реализирање на две третини од проектот, поточно инфраструктура, електрична и водоводна инсталација, санитарни јазли, климатизирање и градба на фасадата. Се очекува големината на киното да биде слична на старите димензии, а фасадата да биде како оригиналната.

Втората фаза ќе следува идната година кога ќе се заврши киносалата со 150 седишта. Ќе има и две музејски простории со две восочни фигури на браќата Манаки и дел од нивното творештво, кое е дигитализирано. Kиното ќе работи во текот на целата година.