Наколна населба Градиште

Ова особено ме радува и со големо нетрпение чекав да почне да се гради. Мислам дека ќе биде многу интересно, само локацијата не ми е јасна

Започнува изградбата на Музејот на вода кај Градиште ! Камен темелникот на Музејот на вода кај локалитетот Градиште, ќе биде поставен денеска. На свеченоста со која официјално ќе започне реконструкцијата на наколната населба од бронзеното време , ќе присуствува премиерот Никола Груевски. Според најавите наколната населба ќе биде реконструирана автентично на остатоците од праисториската населба во подводниот археолошки локалитет „Миќов град“. Целокупните работи треба да завршат до крајот на годината. Покрај екстериерот ќе се реконструира и ентериерот, а во дрвените куќички што ќе бидат изградени над вода ќе бидат изложени сите предмети пронајдени за време на 8-годишните археолошки истражувања на подводниот локалитет. ohridnews

Edited by La Linea - 12-May-2008 at 17:26

ВО ОХРИД

Почнува изградбата на Музејот на вода

Владата работи на иднината, но сепак, нашата сила и моќ е во минатото и тоа мора да се негува затоа што така расте нашата вредност. Македонија е древна земја и има што да покаже пред светот, рече премиерот Груевски

Музејот на вода во Градиште ќе претставува туристичка атракција за нас и странците кои ќе можат да ја видат цивилизацијата на овие простори од илјадници години наназад, рече премиерот Никола Груевски, вчера, во Охрид на поставувањето на камен-темелникот на Наколната населба од бронзеното време која датира од 1200 до 600 година пне. Груевски истакна дека Владата работи на иднината, но сепак, како што рече, нашата сила и моќ е во минатото и тоа мора да се негува затоа што така расте нашата вредност. "Македонија е древна земја и има што да покаже пред светот", рече Груевски.

Според директорот на Дирекцијата за заштита на културното наследство, Паско Кузман ова претставува враќање на праисторијата во денешно време. Тој рече дека во изминативе осум години се вршени истражувања на дното на Охридското Езеро, а во чест на претседателот на нуркачкиот клуб од Охрид, Милутин Секулоски Мичо, ова место е наречено Мичов град.
- Граѓаните ќе имаат прилика да шетаат низ времињата од праисториско до римско време, од Музејот на вода до римскиот логор откриен во непосредна близина, рече Кузман.

Инаку, предвидена е изградба на пристапен објект каде ќе се продаваат билети и сувенири, а Музејот на вода ќе биде поставен на платформа поврзана со мост во должина од 15 метри. Предвидено е на платформата, која ќе стои на 900 дрвени колци, да се изградат 7-8 куќарки. Целиот проект се планира да заврши до 8 декември, а ќе чини околу два милиони евра, обезбедени од буџетот на Република Македонија.

http://vecer.com.mk/?ItemID=08124CC9B04A1043AE5352536637F036


Edited by pbanks - 09-Jun-2008 at 15:06

voopsto ne bi bilo loso da izgradat ......ama pare se nema ,,,

Изгледа сме влезени во некоја временска аномалија

Превземено од фото.идивиди

а она горе е калето?

и тоа е дел од наколната населба? и нели подводен музеј беше?

а ова е блиску до кампот градиште? ќе се гради нов пат нешто или планираат овај да биде? извинете ако сме кажале ама не мислам дека пиши во вестите колку што сум прочитал досега барем... како ќе биди подводен музејот? стаклен под имаат овие колибите?

Охридскиот музеј на вода ќе биде отворен на 8 декември ОХРИД - Привршуваат работите на реконструкцијата на неолитската наколна населба кај Градиште и таа свечено ќе и' биде презентирана на јавноста на 8 декември, Денот на Свети Климент Охридски. „Се работи за еден од најзначајните проекти финансиран од владата на Република Македонија. Оваа населба е единствена на Балканот која покрај археолошка, ќе биде и туристичка атракција. На туристите покрај обиколката ќе им се нуди и можност да нуркаат и да го видат подводниот свет на Охридското Езеро“, вели Паско Кузман, првиот човек на Управата за заштита на културното наследство. Наколната неолитска населба се наоѓа на автокампот Градиште, на локацијата која археолог Паско Кузман ја нарече „Заливот на коските - Миќов град“, и ја откри со помош на нуркачите од Клубот за подводни активности од Охрид. Во текот на повеќегодишни истражувања тие пронајдоа многу артефакти и за првпат во Македонија ја промовираа подводната археологија. „Реконструираната неолитска наколна населба е единствена на балканските простори. Слична е онаа во Костур, во Грција, но таму населбата е направена на копно во близина на вода. Изведбениот проект е изведен врз основа на пронајдените археолошки наоди и потврдени претпоставки за нејзиниот визуелен изглед“, објаснува Кузман. Според него, раритетно е тоа што колците на кои во вода е поставена населбата, се специјално импрегнирани во Словенија и ќе нема опасност од нивно скапување. Наколната населба ќе има два пристапи кон копното. Едниот ќе биде наменет за туристите кои ќе ја разгледуваат населбата и артефактите, а вториот за нуркачите кои на посебен дел на туристите ќе им овозможуваат да учат да нуркаат или со помош на искусни нуркачи да ги гледаат подводните убавини на езерото и археолошкото наоѓалиште. „Населбата покрај тоа што е единствено вака реконструиран археолошки обид, е и меѓу ретките кои имаат однапред осмислени комерцијални содржини“, вели Кузман. За него наколното живеалиште ќе биде и единствениот музеј на вода во поширокиот регион.

http://www.utrinski.com.mk/?ItemID=1A506D45ED89CA489594773D462F4923

01.

02.

03.

04.

05.

06.

07.

08.

09.

Интересно Инаку мислам дека ако се реновира тој кампот ќе биди плус и за музејот. Мислам дека ако барем секој трет што ќе биди гостин во кампот го посети музејот ќе биде успешен проектот. Него како се пристапува музејот, по истиот пат за авто-кампот? Бидејќи се наплаќа за да влезиш во кампот, нема смисла за влез во музејот да плаќаш некому за автомобилот, некому којшто не е сопственик на музејот.

P.S. Објектот не е пристапен за лица со посебни потреби. Освен секако ако имаат мишелинки на инвалидската количка (не е смешно, трагично е). А за слепите веќе не зборувам браилова е мисловна именка кај нас.


Edited by гитардемон - 05-Dec-2008 at 13:37