Од регионот - Софија

Originally posted by Dexter26   Честитки !!!   Па можеби за 10-15 години кога ќе бидат застарени, ќе ни ги подарите или ќе ни ги продадете по поволни цени на нас скопјани, па со мали модификации да ги користиме за трамвајот кој допрва ќе го градиме, а повеќе од јасно е дека е неисплатлива инвестиција.

За жал заради неколку причини невозможно е возовите од Софија да не радуваат нас скопјаните. Прво тоа се возови за класичен метро систем, долги се по 100 метри (станиците на М1 се долги по 125 метри а на М2 по 105 метри) и собираат по околу 1000 луѓе секој. Значи ако немаме класичен метро систем тие нема да можат да се користат, возењето пак по конвенционални трам/ЛСТ траси е вон памет бидејќи напојувањето се врши преку трета шина, а не преку пантограф.

Второ метро возовите имаат далеку подолг експлоатационен рок отколку било кој други возила за јавен транспорт. Така еден воз обично вози 20+ години, потоа влегува во капитален ремонт и модернизација, за потоа да вози уште толку години. Значи се вкупно минимум 40 години. Значи подготви се овие возови да ги гледаш во Софија до 2050 година, колку и неверојатно да звучи тоа. Фин пример е Прага, каде имаат исти возови како старите возови во Софија (такви имаат во целиот бивш соц блок: Будимпешта-таму се во очајна состојба, Прага, Варшава, Софија, Минск, ширум Русија, Уркаина...), односно моделот Метровагонмаш 81-717.4 / 81-714.4. Токму во Прага возовите се модернизирани исклучително добро и имаш чувство дека се работи за далеку поново возило, иако тие возат од самото отворање на тамошниот систем.

Тука е местото да се спомене еден интересен факт. Имено типично по социалистички, првите композиции за Метро Софија се нарачани уште пред да има реални изгледи системот да биде завршен и пуштен во експолатација. Така првите неколку воза пристигнуваат во Бугарија уште во 1990 година и седат во депото се до отворањето на првиот сегмент на М1 во 1998.

Симпатични се возовиве иако се делаку од последниот збор на технологијата. Како за скромен град со лимитирани средства и можности се одлични. Она што ме нервира е дека секоја следна пратка на возови од Метровагонмаш е со различна колор шема.

Сакам да ви претставам една многу добра схема на Метро Софија, направено од which_honor, SSC, која би можела да биде поставена над вратите на возовите во август годинава, кога во употреба ќе се пуштат сите 11 нови станици на М2. Обележани се и врските со националната железница, како и П+Р буферните паркинзи. Истата е веќе испратена до одговорните лица каде ќе помине разгледување и евентуално одобрување.



И уште една подробност би сакал да споделам. Во левиот крај на мапата со сиво е обележана станицата наречена Жп гара Обелја (железничка станица Обелја), која е станица-призрак. Тоа е меѓународно прифатен и употребуван термин за станици кои се (делумно) изградени но не се пуштени во употреба или веќе не се употребуваат. Имено оваа подземна станица е изградена во рамките на изградбата на М1 во сегментот помеѓу станиците Сливница и Обелја, но е изграден само нејзиниот скелет, односно да речеме на ниво на карабина и истата е конзервирана. Тао сега е малку надвор од градот и нема реална потреба таму да има станица, но кога истиот дел ќе се урбанизира, станицата ќе биде довршена и пуштена во експлоатација. На истото ова место националната железничка компанија БДЖ/НКЖИ треба да изградат железнички терминал за приградска и градска железница. Кога тоа ќе се случи никој не знае, веројатно по 2020 година.

Толку за сега, многу повеќе вести и слики ќе имам во среда, за 2 дена, кога се отвораат нови 2 станици од М1 (отсекот Младост 1 - Младост 3 - Цариградско шосе), со што системот ја преминува границата од 20 километри должина, на кого се поставени 16 станици. Заедно со тоа се отвора и најголемиот до овој момент П+Р паркинг во Бугарија, каде има место за 1300 автомобили.

Нова схема на трамвајните линии на Софија, со променети линии по нови траси (така на пример трамваите по бул. Витоша одат во историјата), сврзани со изградбата на метро линијата М2.

Отворен е новиот отсек на метрото во Софија.

Продолжението Младост 1 - Младост 3 - Цариградско Шосе веќе од 17 часот локално време започнува со работа, веднаш по официјалната церемонија по отворање. Новиот отсек е долг 2,5 километри на кој има 2 станици.
Со тоа Метрото во Софија станува долго 20,5 километри има 16 станици и по него се проценува дека дневно ќе се возат по околу 250 000 души. Интервалот на движење на возовите е 4 минути во најоптоварените часови.
Слики од новите станици сеуште нема, но до вечерва со сигурност ќе ставам!

М1 Метро Софија
отсек Младост 1 - Младост 3 - Цариградско шосе
ОСНОВНИ ПОДАТОЦИ:
должина: 2,5 километри
број на станици: 2
вкупна вредност на проектот: 125 милиони евра (од нив 45 милиони градско финансирање)
рок на изведба: 38 месеци (феб.2009 - април.2012)
вкупен број на патници опфатени со проширувањето (на ден): 50 000

сликите се на членовите: viktorlc, ivan krastev www.gtsofia.ingo





Станица Цариградско шосе:
Влезовите:

БУФЕРНИОТ ПАРКИНГ за 1300 возила:

Станица МЛАДОСТ 3:

Надворешност и влезовите:









Платформите:

Андрей, photobucket е нај лошиот сајт кој можеш да го користиш за да споделуваш слики во форуми со голема активност.

албум во facebook   

Едно време и јас користев овој сајт, но откако ги намалија bandwidth веќе не.
Сега користам tinypic. Точно е дека малку расипува квалитетот, но барем немаш проблеми со bandwidth.

ЦАРИГРАДСКО ШОСЕ - перони: