на Филхармонијата.
- Според Законот за јавна набавка, секоја фирма има право да склучи договор со подизведувач, како во случајот на „Алпине“ и скопската градежна фирма „Градба промет - Алки“. Каков договор склучиле тие, воопшто не е наша работа. Ние не доцниме со исплатата на изведувачот - велат од Министерството за култура.
Филхармонијата на терен ја гради скопската компанија „Градба промет - Алки“ и нејзините работници деновиве обвинија дека неколку месеци не добиваат плата, но од таму ги демантираат тврдењата на работниците. Директорката на Македонската филхармонија не е упатена во најновите случувања со градбата на објектот и вели дека како корисници на зградата се вклучени во процесот на планирањето на потребите и промените во проектите, но во поглед на финансиите, немаат никаква значајна улога.
- Искрено се надевам дека доколку постои проблем, ќе се надмине и дека изградбата ќе се одвива во најдобар ред, а ние музичарите од Македонска филхармонија со нетрпение ја очекуваме концертната сала која ни е толку многу неопходна - вели Маја Чаначевиќ, директорка на Македонска филхармонија. Филхармонијата како дел од проектот „Скопје 2014“ почна да се гради во април минатата година, а до крајот на оваа треба да се заврши. Објектот ќе располага со една голема концертна сала со 1.200 седишта и една мала со 300 седишта. На акустиката работи германскиот акустичар Јорг Куме.