Булевар Македонија

Тунелите под „Лимак“ половина готови (фото, видео)





Тунелите со кои се спојува булеварот „Македонија“ (Јужен булевар) со бул. „Кочо Рацин“ и поминуваат под објектот на Лимак половина се завршени, а денеска во посета им беше градоначалникот Петре Шилегов.

– Ова сообраќајно решение е дел од планот кој го поставив пред четири години кога станав градоначалник – а тоа е Скопје да биде град без сообраќаен метеж, со најголема пешачка зона во Европа во центарот на градот. Со реализацијата на овој план скопјани добиваат брзо и непречено патување низ градот со возила, јавен превоз или други средства за транспорт, изјави градоначалникот Шилегов на денешната прес-конференција.

– Ова што денес го презентирам многумина рекоа дека е неверојатно и не може да се реализира. Денес гледаме дека не само што може, туку веќе сме на пола пат, а до 2024 ќе бидеме целосно готови, додава Шилегов.

Во продолжение тој додаде дека целосното сообраќајно решение кое се состои од три големи целини.

– Првата е токму оваа која денес ја гледаме. Овој коридор кој се прави со изградбата на тунелите под Лимак, овозможува без поминување преку строгиот центар на градот, граѓаните кои патуваат од Карпош, Ѓорче Петров да стигнат до Кисела Вода или Аеродром. Практично отвораме нова артерија која ќе го растерети центарот. Во рамки на целото решение за овој дел е вклучена изградба на голем кружен тек на раскрсницата кај Нова Македонија. Со ова добиваме брз и сообраќај без застој во овој дел на градот, продолжува Шилегов.

– Втората целина од планот е отворање на другата артерија од другата страна на градот со изградба на мостот на булевар „АСНОМ“. Со ова решение, граѓаните на Аеродром и сите кои доаѓаат од таму, ќе можат директно и без поминување во строгиот центар да патуваат до Карпош. Со тоа уште повеќе го ослободуваме од притисок на возила централното градско подрачје, додаде Шилегов.

https://nezavisen.mk/tunelite-pod-limak-polovina-gotovi/

Супер изгледа све, само овој рахитичниов дел Х некако ептен ме багира. Мислам дека е некако импровизирано, како да морало тоа стеснување па раширување. Нели можело да се оддржи средишниот простор по целиот влез?

Многу ме потсеќа на оваа точка на влез во населба Бутел1 (42.028687° 21.444712°) иако нема врска, воопшто не е ист сообраќајниот режим.

Народен Фронт ќе биде еднонасочна по цела должина до Рузвелтова или ќе има спојка некаде со МТГ? Или останува семафорот измеѓу АМСМ и НМ?

Originally posted by user8642 Супер изгледа све, само овој рахитичниов дел Х некако ептен ме багира. Мислам дека е некако импровизирано, како да морало тоа стеснување па раширување. Нели можело да се оддржи средишниот простор по целиот влез?

Originally posted by Blagh Лошо решение ако го разгледуваме 3 степениот пристап на градска сообраќајна инфраструктура: 1. булевари и брзи сообраќајници 2. улици низ населби 3. Крајни дестинациони/сервисни улици Народен фронт по својот дизајн е улица од калибар #2 на улица низ населба - со цел да прифати возила, пешаци, велосипедисти како претпоследно ниво до нивната дестинација. Од нејзе да се прави едноасочна улица како крак од урбан автопат е спротивно на нејзиниот основен дизајн и автоцентрично решение кое ги ги задуши другите типови на сообраќај по нејзе.

Ја делам твојата загриженост за потенцијалните негативни ефекти од трансформацијата на Народен Фронт во еднонасочна улица. Но сепак не може да остане двонасочна и решенијата ќе мора да бидат од поинаков тип.

Народен Фронт нема да биде крак од урбан автопат, туку негова паралелна колекторска/дистрибуторска улица. Таква е планирана уште од 1965 и всушност треба да се пробие се до Нерези. Од другата страна, иста функција (но во спротивен правец) има Митрополит Теодосиј Гологанов. На целото растојание помеѓу Нерези и Кисела Вода, Јужен булевар е планиран како ваков систем со еднонасочни колектори/дистрибутори. Затоа тие две сообраќајници се буквално залепени до трасата на Јужен булевар. Не може да останат двонасочни пред се бидејќи така сосема ќе ги изреметат клучките што треба да се градат на тој сегмент.


Од друга страна, сегашниот амбиент околу Народен Фронт е навистина пријатен, а има потенцијал да стане и уште подобар. Би било голема штета тоа да се уништи со трансформација на улицата во писта по која ќе се вози со големи брзини, и сите последици што тоа ги повлекува (како на пример улица Железничка). Тоа за жал би значело и голем пад на квалитетот на живот во Капиштец и Козле.


Еве неколку можни решенија што ми паѓаат на ум (применливи за сите колекторски улици во системот, а не само за постоечкиот сегмент од Народен Фронт):

1. Со оглед дека сите овие улици имаат барем по три ленти, најлогично е само две ленти да останат за автомобилски сообраќај, а добиениот простор да се искористи за велосипедска патека и дрворед. Со ова всушност и би се намалила автоцентричноста на овие улици, наместо да се зголеми. Дури и регулирано паралелно паркирање би било подобро отколку трета сообраќајна лента.

2. Подигнати пешачки премини без исклучок. Ова освен што прилично ефикасно спречува дивеење и влијае на брзината на возилата, секако ја прави целата атмосфера „погостопримлива“ за пешаци.

3. Радари со камери и стриктно спроведување на лимит од 50 km/h.

Очигледно намерата не е да се реши сообраќајниот проблем, него примарниот мотив е некој да го излапа земјиштето долж целата траса, кое е атрактивно и со години седи празно. Да беше намерата сепак да остане трасата за јужниот булевар, макар и во форма на парк, тогаш привременово решение ќе беше future-compatible со тоа што го тунелот ќе имаше уште едно продолжение се до после кружниот кај католичка, кое би седело како ghost-lane до некоја идна изведба на булеварот. Вака се става јасно до знаење дека тоа е тоа, тунелот завршува во кружниот тек кај католичка останатото се брише. А да, барем уште некоја лента да му доцртаа на кружниот кај католичка за поголема проточност.



Edited by user8642 - 08-Oct-2021 at 17:37

Да понираат под кружниот тек кај католичка, и да стојат така во слепо се додека не се најде политичка воља за да се изгради јужниот булевар во полн профил како што е оригинал испланиран.

Затоа што со сегшаниот план нема никаков простор во иднина јужниот булевар да биде повеќе од она што сега веќе е Теодосиј Гологанов. Да се најде неко пламетен еве утре што ќе сака да го изгради јужниот булевар како што е оригинално испланиран, нема да може, ќе треба да крши од направеното. А ако се направат краците како на скицата тогаш сегашново решение е тотално future-compatible со евентуална изведба на јужен булевар во оригинално планираниот профил.

Originally posted by user8642 Да понираат под кружниот тек кај католичка, и да стојат така во слепо се додека не се најде политичка воља за да се изгради јужниот булевар во полн профил како што е оригинал испланиран.

Ама баш така ќе пречат за продолжување на Јужен Булевар кон запад И баш тие ќе треба да се рушат тогаш.

Originally posted by user8642 Затоа што со сегшаниот план нема никаков простор во иднина јужниот булевар да биде повеќе од она што сега веќе е Теодосиј Гологанов. Да се најде неко пламетен еве утре што ќе сака да го изгради јужниот булевар како што е оригинално испланиран, нема да може, ќе треба да крши од направеното.

Или јас не разбирам нешто, или ти

Колку што гледам решението е баш future-compatible и е токму прилагодено за понатамошна изведба на Јужен Булевар според планот.

Јужен булевар ќе си продолжи кон запад во засек (или евентуално тунел) а планираните две рампи на оваа локација ќе останат како трајно решение за:
- излез Јужен Булевар ---> Митрополит Теодосиј Гологанов
- влез Народен Фронт ---> Јужен Булевар

Еве илустрирав нешто набрзинка (не знам баш колку ми е успешен обидот за 3Д претставување на Јужен булевар дека е на ниво -1). Се надевам дека ја доловува ситуацијата:



Edited by Cloverstack - 08-Oct-2021 at 23:39

Jasno mi sega, ama ona shto gore go imate postirano kako izvadok od nekoj DUP, tamo ne se glesa nikakvo prodolzhuvanje na tubelite kaoo shto se gleda na renderive od animacijata. Na animacijata se gleda kako shto si pishal, postoi prodolzhuvanje na tunelite, vo izvadokot od DUP ima neshto shto lichi na avtobuski terminal.

Originally posted by Cloverstack Originally posted by skopskodete А чекајте, во тунелот ќе бидат две ленти во една насока, а надвор (кон Карпош) ќе излегува само по една лента? Да, затоа што тунелот треба да продолжи, а овие ќе останат само како странични ленти за исклучување и вклучување од површинските колекторски улици (М.Т.Г. и Н.Ф.)

Е па, тогаш ќе мораат уште од одма да мислат за продолжување на тунелот.