Булевар Борис Трајковски (Првомајска)

"Градоначалникот на Скопје, Коце Трајановски во интервјуто најави дека од мај ќе започне изградба на булеварот „Теодосиј Гологанов“, а во мај или јуни ќе почне реконструкцијата на улицата „Козле“. Во месец јуни исто така ќе започне и реконструкцијата на булеварот „Климент Охридски“."

Ова беше најавено по отпочнување на работата на 5те улици кои сега се реконстуираат

Теоријата не ти држи вода зашто сега е тој момент на 4 години што доаѓа, така да по таа логика требало Првомајска да се избере. Доста веќе со вакви теории и за илинденска ги имаше и сега. Се работи за цело централно подрачје реконструкции и сега било за влада.

Бидејќи сум од Кисела Вода, ќе го поддржам vlatko.mk :-)

Шала на страна, не верувам дека се работи од тие причини (влада и слично). Едноставно сметам дека до сега Кисела Вода немала добар градоначалник, кој ќе знае да ги насочи водите кон својата воденица (општина во случајов ;-) ). Ѓорчев побрза да се пофали со булевар Србија, од кој само дел е на територија на Општина Кисела Вода (вклучувајќи го и слепото црево од кружниот тек кон последна 24-ка), но реално булевар Првомајска е она со што треба да се фали. Првомајска е централната сообраќајница во општината, која судејќи по протокот на возила сигурно е на исто ниво како наголемите и најпрометни градски булевари. И најважно од се - во очајна состојба е. Ако возите од Чешма до семафорот кај оптинските бараки - возите по две нивоа. Исто е и во обратна насока од Чешма до Рампа. Дел од коловозот што беше прекопан за поставување на топловод е пропаднат. Тротоарите се очајни - распаднати и прекопани.

Што се однесува до делот кој треба сега да се прави - тоа е тесно грло на Градот, не само на Општината. Возењето по Првомајска наутро и попладне е катастрофа. Речиси по цела должина на потегот кој треба да се реконструира прв се вози по една коловозна лента. Кога веќе се одложува реконструкцијата, се прашувам дали можеби до сега можеше да се постави светлосна сигнализација над целиот коловоз со три ленти, па да се овозможи проток во две ленти кон Центар наутро, а попладне проток од две ленти во правец кон Драчево.

Како и да е, неможам да прифатам дека булевар Св.Климент Охридски е поприоритетен за Градот отколку Првомајска.

А, Општина Кисела Вода има и друга доста искористена сообраќајница која припаѓа под Град Скопје. Тоа е улица Огњен Прица и Димо Хаџи-Димов заедно со Нардони Херои. Овие улици воопшто и ги нема во листата на приоритети, а сообраќајот по нив судејќи според гужвите наутро и во попладневните часови е речиси ист како оној на Првомајска.

Originally posted by N23 Прво, улиците во К. Вода, како што е една од сликите, се во надлежност на Општината, а не на градот. Значи дупките по локалните сокаци треба Ѓорчев да ги решава.

Сосема неточно. Сите три слики се прикажани улици во Општина Кисела Вода, но истите тие улици се т.н. градски улици, односно улици што се под надлежност на Град Скопје. Ова е (ако грешам, нека ме поправи некој) според Законот за Град Скопје, како посебна единица на локална самоуправа (согласно Законот за децентрализација). Втората слика е, на пример, од улицата Иван Козаров, која Град Скопје ја санираше минатата година.

Можам само да се согласам дека би било убаво кога самите скопски општини би си ги средувале сите улици на своја територија (вклучувајќи ги и градските), наместо да се чека „координирана“ акција со Град Скопје. Но, за жал, законски ова е невозможно.

Повторно ќе кажам, Иван Козаров е улица под надлежност на Град Скопје - сакале или не! Еве и потврда за тоа кој ја асфалтирал: http://www.utrinski.com.mk/?ItemID=E62AF329AF8D3A42947C19FFA54228A8

Во продолжение на Иван Козаров е и Вера Јоциќ, исто под надлежност на Град Скопје. Паралелно на нив, јужно, се и Огњен Прица и Димо Хаџи-Димов. Повторно - под надлежност на Град Скопје.

Јасно е дека главните сообраќајници, колку год лошо и запустено тие изгледале, сепак се под надлежност на Град Скопје. Уличките (сокачињата, како што викаш) кои ги спојуваат нив или се дисперзираат кон станбените единици се под надлежност на Општините.

Сепак, мора да се сложам дека многу веројатно е дека ваква глупа поделба е за човек да изгуби барем месец-два лутајќи по институции за да дознае под чија надлежност е улицата. Едно време се зборуваше дека таблите со имиња на улиците ќе бидат со различни бои, за да се означи која е градска, а која е општинска улица - но ништо од тоа...

Аха, да... ова е интересно: паркирање на општинска улица (поставување рампа, блокатор за паркирање и слично) е надлежност на Град Скопје, сектор за сообраќај. Абе, лавиринт!

Originally posted by N23 Прво, улиците во К. Вода, како што е една од сликите, се во надлежност на Општината, а не на градот. Значи дупките по локалните сокаци треба Ѓорчев да ги решава. Од друга страна, Климент Охридски е ужас. Скоро секој ден проаѓам од таму, состојбата е благо речено катастрофална. А особено што таму се наоѓаат повеќе деловни објекти, зградата на ЕУ и сл, така да не можете да кажете дека приоритет треба да е првомајска...

-Локалните сокаци како што ги нарекуваш (најверојтно и така изгледаат) треба да се градски булевари - токму тука лежи проблемот - да не се повторувам дека сите тие се во надлежност на град Скопје ...

-Сакаш да кажеш дека деловните објекти и ЕУ центарот се поважни од 100-те илјади граѓани кои барем двапати дневно ја поминуваат Првомајска?
Изгледа дека одамна немаш поминато низ Кисела Вода штом велиш дека бул.Јане Сандански и бул.Климент Охридски се во очајна состојба ...
Предлагам да прошеташ и да видиш што е очајна состојба ... дупки ... 2 коловозни ленти на “булевар“ ... возење 30 мин на делница од 2 километри ...

Според мене не е добро да ги “шминкаме“ улиците во центар за да се покажеме пред еу ... дипломати ... странци - нека ја знаат состојбата онаква каква што е - во тоа нема ништо лошо - дури може да се сожалат па да пуштат некое евро од европски фондови
За мене поважни од секој дипломат се 100 000 обични граѓани кои си плаќаат придонес за регистрација на возила и за улици и патишта ...
Несакам да навлегувам но сепак ќе искоментирам дека лошо е тоа што ги преценуваме еу, странците и дипломатите - ние живееме за нас и плаќаме данок за нас - ЕУ е минлива работа денес ја има утре ја нема ...

Пракса на комунистичките и диктаторските режими била да се прават палати, да се живее во луксуз додека народот се дави во кал - мислам дека тој стадиум сме го надминале и дека треба конечно да размислуваме правилно и да се ставиме НИЕ граѓаните на прво место ...

Град Скопје започна со поставување на улично осветлување на улицата Првомајска од фабриката Охис до мостот пред населбата Драчево.

Овој потег долги години беше без улично осветлување, со што претставуваше вистинска опасност по безбедноста во сообраќајот. Град Скопје изготви и започна со реализација на времено решение кое ќе ги подобри условите за одвивање на сообраќајот на оваа френквентна сообраќајница.

Со проектот е предвидено да се постават 55 дрвени столбови на делницата долга 1.550 метри. Напојувањето со електрична енергија е решено со воздушно мрежно поврзување на 400 волтните светилки кои ќе бидат поставени на столбовите.

Град Скопје за да го реши проблемот обезбеди точки за електрично напојување на осветлувањето, за кои доби енергетска согласност од ЕВН.

Од Буџетот на Град Скопје се издвоени 840.721,00 денари за реализацијата на овој проект, а работите ги изведува  фирмата Електроизградба од Скопје.

Улицата Првомајска треба да биде осветлена најдоцна до крајот на месец мај оваа година.

Град Скопје за да ја подобри безбедноста за сите учесници во сообраќајот на оваа делница од Првомајска во текот на минатата година изведе комплетна реконструкција на коловозот, пришто беа издвоени 14,5 милиони денари за уредувањето на сообраќајницата која претходно долго време беше во лоша состојба.

http://www.time.mk/read/3c6cf8a85f/96f39247c9/index.html

Дефинитвно не си прошетал многу ... уличките во населбата Расадник се едни од добрите ... требало да свртиш круг по улиците кај економското училиште за да видиш што се дупки ... Се надевам дека ја помина првомајска од кај опшината до стара рампа и виде во каква очајна состојба е коловозот...

Проблемот е што општината нема ингеренции сите улици кои се во лоша состојба се во надлежност на град Скопје - но градот не се осудува да прошири и реконструира улица како првомајска бидејќи има многу работа и чини многу пари.
Затоа градот се пушти на “реновирање“ т.е. шминкање на улици кои беа во релативно добра состојба и имаат должина од 500м до 1,3км за на крајот да има да набројат 10 проекти кои реално не вредат колку еден проект како Првомајска...

- Мито Хаџивасилев јасмин - 800м
- Vasil Adzilarski - 350м
- Даме груев 250м
...

Најкритичен дел на првомајска - делница од 1,3км


Вкупна должина која треба да добие булеварско решение - 7,8км


Edited by vlatko.mk - 27-Apr-2011 at 22:16