Општина Гевгелија го продаде земјиштето за изградба на трговски центар. На површина од 3 хектари ќе се простира луксузниот објект на македонско-грчката граница. Атрактивните локации кај граничниот премин Богородица веќе неколку години се хит кај домашните и странските инвеститори, поради двете казина кои се веќе изградени таму.


- Го продадовме земјиштето за изградба на трговски центар на самиот граничен премин, и тука наскоро треба да почнат градежни активности, но поради местоположбата на
Гевгелија има зголемен интерес и за парцели за изградба на преработувачки капацитети, рече Иван Франгов-градоначалник на општина Гевгелија.


Во моментов Гевгелија има релативно ниска невработеност. Градоначалникот вели дека општината се труди да обезбеди работа за сите граѓани, но доколку продолжи ваквата експанзија на инвестиции, градот за неколку години ќе треба да увезува работна сила.


- И покрај ниската невработеност, одоколу 20 %, за нас тоа што имаме невработени значи сто посто невработеност. Токму затоа се трудиме да ги згрижиме сите наши граѓани,констатира Франгов.


Близината на Гевгелија со јужниот сосед ја прави привлечно место за развој на хотелски, спа но и казино туризам. Поради тоа се повеќе се бараат локации во и надвор од градот погодни за изградба на такви објекти.


Сузана Мицева