Споменици и скулптури (општо)

Мислам дека Мајка Тереза ќе се превртува во гробот доколку слушне колку пари ќе се одвојат за нејзин споменик во Скопје и колкав истиот ќе биде. Какви пари и да се предвидат за ваков проект, најдобро ќе биде истите да се наменат за бројните организации кои го подржуваат нејзиното дело и ја продолжуваат нејзината мисија. Ќе биде невкусно, ако се случи!

ај да почекаме официјални информации. Инаку на прв поглед звучи дека има многу повеќе позадина приказнава. Индиски бизнесмен ќе ја финансира од збратимен град Калкута поен за зближување со оваа далечна земја, потенцијално и проект во овој деликатен момент што би ги сплотил етничките групи во МК, а плус и медиумите ќе има за што да зборуваат и во странство и дома како позитивен проект на македонците и албанците. Ако проектов потенцијално може да придонесе кон мирот во градот и Мајка тереза би го подржала. Не е се во парите како се трошат, туку треба и долгорочно да се гледа.

Инаку примери за градење обележја меѓу држави има многу бројни и е еден од начините како да се истакне една соработка.

Проблемот е што малце се претера со количината на градење обележја во центар, и има едно заситување. Мислам дека треба конечно да се иде само кон средување на фасадите/централните јадра низ македонија и ударнички да се среди/изгради инфраструктурата

Без инфраструктура се друго тешко ќе иде.

Не, ова дефинитивно некој тенденциозно се зае*ава со нас, не верувам да постојат толкави дебили кои се сериозни со вакви предлози.

Инаку ова е стара вест и идеја да се изгради едно големо обележје во чест на Мајка Тереза, според мене далеку побитен него ли споменици на антички богови. Е сега тоа што приватните лица место да финансираат во болници и други хуманитарни цели инвестираат во обележје е друга работа на дискусија. Малце касните со муабетов на build.mk
---------------------------------------------------------------------
Стопанственици од земјава и од странство ќе градат обележје на мајка Тереза во центарот на Скопје

Понеделник, 02 Април 2012 13:56

По спомен куќата, најпозната скопјанка добива уште едно одбележје на нејзиното дело во градот од кој потекнува. Финансиите за изградба – приватни.

Скопје може да добие споменик на Мајка Тереза, ексклузивно дознава Курир. Споменикот кој во суштина би бил скулптурална композиција, би требало да биде поставен во централното градско подрачје, на локација која соодејствува на грандиозноста на ликот и делото на најпознатата скопјанка, и една од најобожуваните личности во светски рамки. Ова било и барањето кое заинтересираните субјекти кои го замислиле и се спремни за финансирање на проектот, го доставиле до Владата на Република Македонија, преку Граѓанската асоцијација ,,Скопјанката Мајка Тереза”.

Курир дознава дека споменикот, доколку би се реализирала опцијата за негова изградба, би бил финансиран од авторитети и донатори од земјава и од Индија за кои Мајка Тереза претставувала идол во животот. Тие изразиле конкретен интерес и понуда за
поставување на скулптурална композиција на големата хуманистка во Скопје, и за таа цел стапиле во контакт со граѓанската асоцијација.

- Бараме Владата и Министерството за култура да распишат конкурс за идејно решение се со цел да ја добиеме скицата како би изгледала скулптуралната композиција која ќе го одликува хуманото дело на Мајка Тереза. Исто така бараме и соодветна локација во строгиот центар на градот Скопје каде би била поставена и каде што заслужува да биде. Се надеваме дека надлежните ќе ја прифатат оваа иницијатива која нема да биде на товар на буџетот и државата. Веруваме и посакуваме ваква уметничка творба да биде богатство на Скопје во пресрет на прогласувањето на Мајка Тереза за Светица од нашиот крај.“, велат од граѓанската асоцијација предводена од Стојан Тренчевски.

Во Владата потрдуваат дека добиле вакво барање.

- Програмата за подигнување на спомен-обележја со буџетски средства е исцрпена, тоа и премиерот Груевски го објави. Но, имајќи ја во предвид големината на личноста на Мајка Тереза која треба да се одбележи, и особено интенцијата на заинтересираните со
сопствени средства да учествуваат во овој значаен проект, ние со должно внимание ќе ги разгледаме барањата на Асоцијацијата и ќе се потрудиме да помогнеме во рамките на нашите можности.”, велат од Владата, и додаваат дека е доколку се јави потреба можно е и јавноста да биде консултирана за оваа идеја, за која сметаат дека е благородна.

Граѓанската асоцијација Мајка Тереза побарала и подршка на чествувањето во спомен на Мајка Тереза во Калкута, како и иницијатива просторот околу спомен куќата на Мајка Тереза каде што била црквата во која е крстена Гонџа Бојаџиу да се именува ,,Плоштад на светицата Мајка Тереза,,, како и можноста за збратимување на Скопје и Калкута, град во кој Мајка Тереза помина голем дел од својот живот.

- Генерално постои клима за подршка на овие барања, кои и немаат финансиски импликации. Тоа ќе биде во функција на оддолжување на сите залагања на Мајка Тереза за подобар и поправеден свет, за силната промоција на Градот Скопје на светската мапа токму преку нејзиното дело, а овие иницијативи доколку се реализираат ќе имаат позитивни ефекти и врз туризмот во државата и главниот град“, велат во Владата.

Скопјани со позитивна оценка за идејата. Велат дека ги поддржуваат ваквите иницијативи. Збогатувањата и овековечувањата на нашите простори со светски познати лица од универзално значење, и со трајни вредности од културното светско наследство се
секогаш позитивни велат граѓаните.

http://kurir.mk/makedonija/vesti/66400-Stopanstvenici-od-zemjava-i-od-stranstvo-ke-gradat-obelezje-na-majka-Tereza-vo-centarot-na-Skopje

ова споредбава со Александар е боље и од натпреварот за највисоки облакодери во светот...

Нека му го покажат на Индиецот Домов на Мајка Тереза, може ќе сака нов да изгради наместо споменик.

Лево од овој споменик е оградено местото за изградбата на основачите на ВМРО, но понатаму, некој 10тина метри, има уште едно оградено место и веќе има издигнато еден столб. Знае некој што планира да се гради таму?

Ѓорче Петров

Споменикот во Реонскиот Парк:



Новиот споменик на Ѓорче Петров кај кружниот тек:

 

Ѓорче на hovercraft.

Edited by kenzo_fan - 16-May-2012 at 20:15