Скопски сообраќај (општо)

ФИНАЛНО АСФАЛТИРАЊЕ НА УЛИЦАТА БОЦА ИВАНОВА ВО БУТЕЛ

Во тек е финалното асфалтирање на улицата Боца Иванова во општина Бутел. Оваа улица наскоро ќе биде целосно реконструирана на потегот од кружниот тек до улицата Лазар Трповски, во должина од 800 метри







https://www.facebook.com/CityofSkopje

РЕКОНСТРУКЦИЈА И ВЕЛОСИПЕДСКИ ПАТЕКИ НА БУЛЕВАРОТ 8.СЕПТЕМВРИ

Фабрика Карпош започна со реконструкција на булеварот 8.Септември, на потегот од булеварот Илинден до улицата Скупи. Во текот на градежните работи ќе се изврши комплетна реконструкција на коловозот, обнова на тротоарите со замена на оштетените рабници и нивелација на постојните шахти и сливници, во двете насоки, во должина од 980 метри







https://www.facebook.com/fabrikakarposh

Фали клучното прашање: Што правевте летово?

ЗАВРШИ РЕКОНСТРУКЦИЈАТА НА УЛИЦАТА БОЦА ИВАНОВА ВО БУТЕЛ

Со бележење на сообраќајна сигнализација, во рекордно кратко време за само 20 дена заврши реконструкцијата на улицата „Боца Иванова“ во општина Бутел.











https://www.facebook.com/CityofSkopje

СЕ РЕКОНСТРУИРА УЛИЦАТА НИКОЛА ПАРАПУНОВ ВО КАРПОШ 4







https://www.facebook.com/CityofSkopje


Екипите на Град Скопје од денеска ја реконструираат улицата Никола Парапунов во Карпош 4, на потегот од од крстосница со булевар Илинден до крстосницата со булеварот Партизански одреди. Во текот на градежните работи ќе се изврши комплетна реконструкција на коловозот по целата должина на улицата од околу 580 метри, реконструкција оштетените делови од тротоарите, како и замена на оштетените рабници и нивелација на постојните шахти и сливници

На почетокот на реконструкцијата присуствуваа Градоначалникот Шилегов и градоначалникот на општина Карпош, Стефан Богоев.
- Сакам да им се заблагодарам на моите сограѓани за покажаното трпение и разбирање за неопходноста од ваквата интензивна градежна офанзива која ја почнавме од најмалку 2 причини. Првата причина е основната цел, а тоа е развојот и одржувањето на сообраќајната инфраструктура во Скопје, а втората е помагањето на домашната економија во услови на пандемијата на коронавирусот. Градот Скопје нема друга алтернатива, после повеќедецениско неработење, задоволство ми е што паралелно со реконструкциите подигнуваме и нови паркови, правиме редизајн на јавните зелени површини на повеќе локации во градот, а целосно го уредуваме и кејот, како што никогаш досега во изминатите 30 години не бил работен. Граѓаните се сведоци како градот секојдневно се менува во позитивна насока и нивните реакции на промените што ги правиме се само уште една потврда дека сме на прав пат и дека имаме визија која чекор по чекор станува реалност и секојдневие - рече денеска градоначалникот Петре Шилегов.
🚲Значајно е да се нагласи дека на оваа улица ќе биде изграден и третиот конектор помеѓу главните велосипедски рути на булеварот Илинден и булеварот Партизански одреди

Викенд градежна офанзива во Скопје!
Работиме и на ул. Благоја Стефковски во Маџари! Работиме и вечерва, за да завршиме викендов.







....

Булевар Александар Македонски!
Работиме и навечер, за навремено завршување на оваа главна градска артерија.







https://www.facebook.com/p.shilegov

Originally posted by <Fresno> Не требаше на Александар Македонски и трета лента да се прави? Или само за велосипедски патеки беше најавено? За Видое Смилевски требаше да ја искористат приликава за соодветен тротоар и велосипедска.

Требаше да се прави трета лента и патем кога почнуваа се спомнуваше некаква експропријација само незнам за кој дел поточно...

Украдените капаци од шахти отвораат длабоки проблеми



Зачестена појава што станува сериозен предизвик и за граѓаните и за ЈП „Водовод и канализација“
Отворени канализации и шахти без капаци е зачестена слика низ улиците, парковите, тротоарите, но и помеѓу куќите и зградите во населбите низ градот. Честопати се случува да пропадне во отворена шахта некое лице или едно тркало на возило. Малите деца се најчести жртви на вакви незгоди, затоа што при играње и трчање честопати не ги забележуваат дупките, а досега, за среќа, не се случил посериозен инцидент, кој би одзел и човечки живот.
И за сите тие незгоди, најчесто, причина се граѓаните, кои ги крадат капаците за да ги препродаваат како старо железо.
– Отсекогаш било познато зошто ги крадат капаците. Истите тие ги препродаваат како старо железо за да земат пари. Сега не знам колку можат да ги продадат тука, затоа што мислам дека и откупувачите на железо се плашат да ги земаат, за да не си направат проблем. Но тоа секогаш може да се реши со уништување на обележјата на капаците или, пак, намерно кршење, за да не се види дека се капаци од канализациски мрежи. Јас сум сведок дека по должината на мојата улица тоа е честа појава. А токму пред некој ден и на соседната улица имаше отворена шахта на самата улица и јас повторно пријавив. Знаете ли колку возила нагло кочеа за да не пропаднат или, пак, нагло вртеа во другата лента за да избегнат материјална штета? Со тоа си го ризикуваа сопствениот живот, но и животите на другите, затоа што и од спротивната лента се случуваа нагли вртења за да се избегне директен судир помеѓу возилата – вели Гоце Петревски од Автокоманда.

Мајка на шестгодишно дете, пак, раскажува дека нејзиното дете пропаднало во отворена атмосферска канализација. Вели дека, за среќа, го држела детето за рака и успеала да го додржи да не пропадне целосно внатре.
– Вообичаено силно го држам син ми за рака, затоа што е палав и знае да ми избега. Среќа што во тој момент додека чекоревме веќе го забележав отворот, но и цврсто го држев за да не пропадне. Бевме залетани и воопшто не увидов дека мрежите од сливниците се извадени. Добро е што немаше никакви посериозни последици и што сѐ помина во најдобар ред – раскажува скопјанката Роза Миленковска.
И велосипедистите велат дека имаат проблем со отворените шахти и дека, поради тоа, често им се оштетуваат велосипедите.
– Не може секаде однапред да се види отворена шахта. Додека да видиш, веќе тркалото ти удрило во дупката и се искривило. Еднаш дури и се превртев од велосипедот и паднав прелетувајќи преку него. Немав посериозни повреди, но сепак тој што ги краде капаците треба да има малку совест дека ризикува човечки животи – објаснува велосипедистот Александар Трајановски.

Од јавното претпријатие „Водовод и канализација“ велат дека кражбата на капаци, како и на решетки на сливници, е честа појава и дека сето тоа продолжува и покрај апелите да не се прави тоа.
– Во минатото оваа појава беше карактеристична за периферните делови на градот, но, за жал, со овој проблем се соочуваме и во централното градско подрачје. Со нивната кражба претпријатието претрпува големи штети, бидејќи не е проблем само нивната замена, туку и тоа што до нивната замена постои голема веројатност да се нанесе штета во самиот канализациски систем, затнување, со што ќе бидат оштетени и граѓаните, меѓу кои може да бидат и самите сторители. Секоја потврдена кражба на капаците или решетките за сливниците се пријавува во МВР и оттаму соодветно се постапува по пријавите – информираат од водоводното претпријатие.

Оттаму додаваат дека не знаат зошто се крадат капаците и истакнуваат дека причината за тоа останува енигма. Но исто така велат дека времето на реакција за да се санира што побргу проблемот настанат со недостиг или оштетување на шахтите е доста скратено, односно интервенциите по оваа основа се многу побрзи од порано, за што сведочат и повеќе анкетирани граѓани. Во секој случај, виновниците за ваквите несакани појави, според упатените, се добро позната категорија граѓани на кои треба многу поинтензивно да им се посвети внимание и од едукативен и инклузивен аспект.

https://www.novamakedonija.com.mk/makedonija/skopje/украдените-капаци-од-шахти-отвораат-д/

Градоначалници на главни градови веќе почнаа да се фалат за подигнати пешачки премини...

Овие платоа се супер, проблем е што кај шампионче во кисела вода се поставени на несоодветни позиции каде улицата е многу широка и сите ги заобиколуваат.
Позитивен пример е во Капиштец кај новото училиште каде нема шанси некој да ги избегне.