Коритото и кејот на Вардар низ Скопје

ВИДЕО: Реконструкцијата на Кејот 13 ноември готова најкасно до јуни

Најкасно до јуни ќе финишира реконструкцијата на Кејот 13 Ноември, каде што веќе цел месец се одвиваат градежни активности, рече денеска во Утрински брифинг портпаролот на Град Скопје, Ваљон Салиху.

-Градежните работи се одвиваат според планираното, сите сопственици на локали се согласија да ги отстранат летните тераси, со што се овозможува непречено одвивање на работите. Очекуваме до крајот на мај или најкасно до почетокот на јуни овој простор да биде пуштен во употреба. Најважно е тоа што ќе биде обезбеден простор за движење на пешаци и велосипедисти, како и за лица со инвалидитет. Ќе бидат поставени столбчиња кои ќе го оневозможат паркирањето на автомобили, ќе има високо зеленило – дрворед, поставување на клупи, смарт клупи, корпи за џебен отпад, нови жардињери за дрворедот, канделабри, рефлектори за осветлување, и тоа се на површина од 12.500 метри, рече Салиху.

Ќе биде направена и сервисна улица која ќе ја користат вработените во Телеком, но истата ќе биде отворена само во утринските и попладневните часови. Дотурот на роба ќе се одвива преку Градскиот трговски центар.

-Реконструкцијата на Кејот ќе чини околу 90 милиони денари а тоа значи двојно помалку одколку фонтаната на плоштад во која втор пат пропадна возило, вели Салиху.

Сопствениците на локалите ќе добијат можност да ги прошират постоечките тераси за смета на тоа што мораа да ги урнат монтажните летни тераси во средишниот дел од Кејот.

-Ние имавме неколку состаноци со самите сопственици и можам да кажам дека немавме никакви проблеми ниту противења во процесот на договарање. Идејата е добра, тие го сфатија тоа од самиот почеток и најдовме заеднички интерес. Ние ќе добиеме поголем простор за уредување, а тие ќе добијат проширување на терасите кои ги имаат во моментов, вели Салиху.



https://www.slobodenpecat.mk/video-rekonstrukczijata-na-kejot-13-noemvri-gotova-najkasno-do-juni/

Кеј 13ти Ноември, сликано денес, со црвеникава коцка ке биде уредено:

Многу подобро решение за шеталиште би бил чист асфалт, отколку бекатон плочка.

Бекатонкиве втора рака да не се?

На српски/хрватски има една "све ми боје, лепо стоје"...која калакурница испадна центаров со изборот на бои и материјали за поплочување! Еве еден краток преглед:

- Плоштад Македонија: бели мермерни плочи;
- Улица Македонија: темно сив травертин;
- Ново-поплочениот дел кон влезот на ГТЦ, Лумикс и местото на куќата на Мајка Тереза: светло-сив гранит;
- И сега Кеј 13 Ноември најефтина паверка во комбинација на нијанса на портокалово со светло сиво...

А да не почнам за сите различни шари, големини и комбинации на поставени плочи на сите овие четири потези кои се надоврзуваат и треба да претставуваат дел од една, единствена поголема, сеопфатна пешачка зона...Шутка сред центар на 'метрополата'!

п.с. Секако има уште...сите овие пешачки улици и плоштадот имаат различна урбана опрема (канделабри, клупи, корпи...).

п.п.с. Да се вратам на Кеј 13 Ноември и паверкава...значи извадија плочи кои беа од квалитетен материјал (гранит претпоставувам), а ставаат најефтини павер елементи (секако книжени ко злато). Во нормална, некорумпирана држава се што требаше е да се прередат постојните плочи (претходно да се израмни и дополни основата) и секако да се заменат оштетените плочи и да се обнови урбаната опрема. Исто како што на времето требаше да се направи и со Плоштад Македонија со старата калдрма која беше совршена - со времето изгладена, само и требаше средување на основата (нова подлога, дренажа и сл.). Но, како и тогаш, и сега сигурно ќе се најде место за стариве плочи за нечија викендица...жална, жална Македонија!

Edited by antigona - 16-Apr-2021 at 08:38

Во предизборна кампања се, страв им е да не ги обвини некој дека новата улица чини баснословни суми. Вака, со најевтини елементи ќе се фалат дека не потрошиле многу пари.

Originally posted by antigona На српски/хрватски има една "све ми боје, лепо стоје"...која калакурница испадна центаров со изборот на бои и материјали за поплочување! Еве еден краток преглед: - Плоштад Македонија: бели мермерни плочи; - Улица Македонија: темно сив травертин; - Ново-поплочениот дел кон влезот на ГТЦ, Лумикс и местото на куќата на Мајка Тереза: светло-сив гранит; - И сега Кеј 13 Ноември најефтина паверка во комбинација на нијанса на портокалово со светло сиво... А да не почнам за сите различни шари, големини и комбинации на поставени плочи на сите овие четири потези кои се надоврзуваат и треба да претставуваат дел од една, единствена поголема, сеопфатна пешачка зона...Шутка сред центар на 'метрополата'!

Во име на „Шарената револуција“, ќе добиеме „Шерено Скопјенце“
Мизерија во раскош!

Originally posted by гитардемон Во предизборна кампања се, страв им е да не ги обвини некој дека новата улица чини баснословни суми. Вака, со најевтини елементи ќе се фалат дека не потрошиле многу пари.

Тендерот за Кејов чинеше 1,4 милиони евра, не се 100.000 евра во прашање за да се поплочува со треторазредни бекатонки.

Originally posted by ehrlich Originally posted by гитардемон Во предизборна кампања се, страв им е да не ги обвини некој дека новата улица чини баснословни суми. Вака, со најевтини елементи ќе се фалат дека не потрошиле многу пари. Тендерот за Кејов чинеше 1,4 милиони евра, не се 100.000 евра во прашање за да се поплочува со треторазредни бекатонки.

Е тогаш сакале да лапнат колку можат повеќе оти знаат дека нема да се припарат до власт во наредните 4 години.

Originally posted by antigona На српски/хрватски има една "све ми боје, лепо стоје"...која калакурница испадна центаров со изборот на бои и материјали за поплочување! Еве еден краток преглед: - Плоштад Македонија: бели мермерни плочи; - Улица Македонија: темно сив травертин; - Ново-поплочениот дел кон влезот на ГТЦ, Лумикс и местото на куќата на Мајка Тереза: светло-сив гранит; - И сега Кеј 13 Ноември најефтина паверка во комбинација на нијанса на портокалово со светло сиво... А да не почнам за сите различни шари, големини и комбинации на поставени плочи на сите овие четири потези кои се надоврзуваат и треба да претставуваат дел од една, единствена поголема, сеопфатна пешачка зона...Шутка сред центар на 'метрополата'! п.с. Секако има уште...сите овие пешачки улици и плоштадот имаат различна урбана опрема (канделабри, клупи, корпи...).

одамна ми смета проблемов и на мене, особено боде очи колку се лоши спојките меѓу плочниците, а се наоѓаат на највидливи места без ненаква физичка бариера како раскрсница, или барем геометриска логика, се до тоа колку фуш е самата спојка

инаку мислам дека кејов конкретно, до толку беше оштетен што многу тешка би била санација, а да не личи на огромна крпеница... мене лично не ми е битно колку е скап материјалот, ама уште од сега боде очи тоа колку вода ќе навлегува во плочкиве, и колку кејот ќе се уништо сам од себе, и без возила на него... се надевам барем ќе ги поправат ужасните крпеници помеѓу мостовите и кејот