Булевар Борис Трајковски (Првомајска)

ПОКАНА

Градот Скопје Ве поканува на почетокот на градежните работи за проширување и реконструкција на улицата Првомајска којшто е закажан за утре /11.03.2012 година, недела/ во 14 часот, на крстосницата на улицата Првомајска со улицата Народни херои. Почетокот на градежните работи за проширување и реконструкција на улицата Првомајска ќе го означат градоначалникот на Град Скопје, Коце Трајановски и градоначалникот на општината Кисела Вода, Марјан Ѓорчев.

Капитални проекти на Градот Скопје
ПОЧНАА ГРАДЕЖНИТЕ РАБОТИ ЗА ПРОШИРУВАЊЕ НА УЛИЦАТА ПРВОМАЈСКА

---

Градот Скопје денеска /11.03.2012 година/ го почна капиталниот проект за проширување и реконструкција на улицата Првомајска, во општината Кисела Вода.

Почетокот на градежните работи на оваа прометна сообраќајница го означија градоначалникот на Град Скопје, Коце Трајановски, претседателот на Владата на Република Македонија, Никола Груевски и градоначалникот на општината Кисела Вода, Марјан Ѓорчев, во присуство на повеќе министри, пратеници, директори на градските јавни претпријатија и граѓани.

- Денеска го започнуваме проектот што пред моите сограѓани го ветивме во мојата предизборна програма - проширувањето и реконструкцијата на улицата Првомајска, во општината Кисела Вода, една од најголемите и најзначајни сообраќајни артерии во Скопје од која што директно зависат повеќе од 150.000 жители на нашиот град. Овој обемен проект на кој што напорно работевме 2,5 години до крајот на оваа 2012 година ќе стане реалност. Во минатото ќе останат долгите редици возила што сега се секојдневна слика на оваа прометна улица, метежот и отежнатото движење. Улицата Првомајска во должина од 2,5 километри ќе прерасне во широк и проточен булевар, со уредени тротоари и со странично зеленило и ќе ги потврди заложбите на Градот Скопје за решавање на проблемот со сообраќајниот метеж и, што е најважно, за зголемување на безбедноста за сите учесници во сообраќајот - рече денеска градоначалникот Трајановски.

Тој објасни дека со овој проект ќе се реконструираат две делници од улицата Првомајска (во вкупна должина од 2,5 километри) и тоа:

-       Делница 1: Потег од „Рампа“ до крстосницата со улицата Народни херои во должина од 1.380 метри и

-       Делница 2: Потег од крстосницата со булеварот Србија до влезот во поранешната фабрика „Стакларница“ во должина од 1.126 метри.

Градежните работи за проширување и реконструкција на улицата Првомајска почнаа од крстосницата со улицата Народни херои во насока кон „Рампа“.

- Постојната сообраќајница по проширувањето ќе се трансформира во булевар со 4 (четири) коловозни ленти (по две во секоја насока) широки по 3,5 метри. Проширувањето на коловозот ќе се одвива по левата страна (гледано во насока од Центар кон Драчево) до општинските бараки во Кисела Вода, а потоа, до Расадникот по двете страни. На потегот од „Рампа“ до општинската зграда, од десната страна на коловозот (гледано од Центар кон Драчево) ќе се формира тротоар широк 2,5 метри, а од левата страна на коловозот ќе се изгради тротоар со велосипедска патека со ширина од три метри. На потегот од општинската зграда до Расадник од десната страна на коловозот ќе се формира тротоар со ширина од 2,5 метри, а од левата страна на коловозот тротоарот и велосипедската патека ќе бидат широки 4 (четири) метри.  На потегот кај поранешната фабрика за производство на сапун, од левата страна на коловозот ќе се изгради потпорен ѕид во должина од 170 метри. Во текот на проширувањето на коловозот на оваа делница ќе се постави и атмосферска канализација во должина од 1.380 метри со променлив профил (од Ф 400 до Ф 600 милиметри) - додаде градоначалникот Трајановски.

Паралелно со градежните работи на првата делница проширувањето на улицата Првомајска ќе се одвива и на втората делница, од крстосницата со булеварот Србија до влезот во поранешната фабрика „Стакларница“. Со проширувањето на овој дел улицата Првомајска ќе прерасне во булевар со 4 коловозни ленти (по две во секоја насока) широки по 3,5 метри. Од левата страна на коловозот (гледано од Центар кон Драчево) ќе се изгради тротоар со велосипедска патека со ширина од 4 метри, а од десната страна на булеварот тротоарот ќе биде широк 2 метри.

Во текот на проширувањето на коловозот на оваа делница ќе се постави и атмосферска канализација во должина од 1.126 метри со променлив профил (од Ф 500 до Ф 800 милиметри).

Постојниот армирано-бетонски мост над Усјанскиот канал ќе се реконструира, ќе се прошири и ќе добие 4 коловозни ленти со пешачка и велосипедска патека.

- Проширениот булевар Првомајска ќе добие ново улично осветлување, просторот од двете страни на коловозот ќе се облагороди со дрвореди, а ќе се постават и клупи и корпи за отпадоци. На проширување и реконструкција на улицата Првомајска ќе работат екипите на конзорциумот „Алпине Бау“ и Жикол од Скопје. Градежните работи треба да завршат за девет месеци. Во проектот за проширување и реконструкција на улицата Првомајска Градот Скопје ќе вложи околу 4 милиони евра, пари обезбедени од Европската банка за обнова и развој, како кредит, и од Буџетот на Град Скопје. Ги повикувам моите сограѓани да имаат разбирање и да покажат трпение додека траат градежните работи на овој обемен зафат и во своето секојдневно движење да ја користат околната патна мрежа. До крајот на оваа година сите ќе ги уживаме придобивките од овој значаен проект - нагласи градоначалнкот Трајановски.

Претседателот на Владата на Република Македонија, Никола Груевски изрази задоволство што почнува уште еден капитален проект што ќе биде од корист на граѓаните и што ќе ги реши нивните долгогодишни проблеми. Премиерот Груевски нагласи дека проектот за проширување и реконструкција на улицата Првомајска е уште еден во низата успешни инфраструктурни проекти на Градот Скопје, меѓу кои се и пробивањето на булеварите Илинден, Митрополит Теодосиј Гологанов, Македонска војска и Србија, како и реконструкцијата на бројни клучни сообраќајници во централното градско подрачје.

Градоначалникот на општината Кисела Вода, Марјан Ѓорчев, истакна дека овој проект е резултат на добрата соработка со Градот Скопје во напорите да се решат проблемите со кои што секојдневно се соочуваат граѓаните.

 http://www.skopje.gov.mk/ShowAnnouncements.aspx?ItemID=4870&mid=482&tabId=1&tabindex=0

После толку години конечно и ова ќе се среди
Накај 14:30 поминував по Првомајска и ја забележав бината и 50-60 луѓе, веднаш ми стана јасно што се случува.
Браво

*Се надевам дека нема да има застои

СТАРТУВАШЕ ПРОШИРУВАЊЕТО НА "ПРВОМАЈСКА" ВО КИСЕЛА ВОДА


Од улица, за неколку месеци булевар


Градоначалникот Трајановски изјави дека зафатите на постојната сообраќајница ќе се одвиваат во неколку фази, каде после проширувањето, улицата ќе се трансформира во современ булевар со 4 коловозни ленти, по две во секоја насока


Долгонајавуваниот капитален проект за проширување и реконструкција на улицата "Првомајска" во општина Кисела Вода, конечно отпочна. Почетокот на градежните работи околу проширувањето на главната сообраќајница во Кисела Вода вчера со пригодна манифестација го означија градоначалникот на Скопје Коце Трајановски, градоначалникот на Кисела Вода, Марјан Ѓорчев, и премиерот Никола Груевски. Инвестицијата која ќе го реши сообраќајниот метеж во тој дел од градот е вредна околу 4 милиони евра, пари обезбедени од Европската банка за обнова и развој, и од Буџетот на Град Скопје. На проширувањето и реконструкција на улицата "Првомајска" ќе работат екипите на конзорциумот "Алпине Бау" и "Жикол" од Скопје, а градежните работите треба да завршат за деветина месеци.

Градоначалникот Трајановски изјави дека зафатите на постојната сообраќајница ќе се одвиваат во неколку фази, каде после проширувањето, улицата ќе се трансформира во современ булевар со 4 коловозни ленти, по две во секоја насока.
- Покрај ветувањата кои денеска почнавме да ги остваруваме, на патот на проектот во меѓувреме му застанаа и проблемите со сопственоста на дел од парцелите. Во одличната соработка со Општината Кисела Вода овој проблем, како што гледате, успеавме да го решиме. Сега останува постојната сообраќајница по проширувањето да се трансформира во булевар, а со ова градот да добие уште една нова артерија која ќе го пробива сообраќајниот метеж, рече Трајановски.

Премиерот Никола Груевски изјави дека Владата заедно со Градот и општината Кисела Вода на оваа инвестиција работеле подолг период. Граѓаните на неколкупати укажувале дека имаат потреба од ваков булевар.
- Денеска со задоволство сум на ова место да го поздравам почетокот на градежните работи на булеварот "Првомајска" кој сега е улица со две ленти. Проектот на Градот Скопје кој е вреден околу 4 милиони евра единствено беше можно да се изработи со заеднички напори на градот Скопје, Владата и на општина Кисела Вода. Иницијативата дојде од времето кога држевме трибини во населбата Драчево кога и голем број од граѓаните ни укажаа за потребната од изградба на ваков булевар. Станува збор за крупна инвестиција, но и за исполнување на ветувања, изјави премиерот Груевски.

Инаку градежните работи за проширување и реконструкција на улицата "Првомајска" почнуваат од крстосницата со улицата "Народни херои" во насока кон Рампа.
Постојната сообраќајница по проширувањето ќе се трансформира во булевар со 4 коловозни ленти (по две во секоја насока) широки по 3.5 метри. Проширувањето на коловозот ќе се одвива од левата страна (гледано во насока од Центар кон Драчево) до општинските бараки во Кисела Вода, а потоа до Расадникот по двете страни.

Проширениот булевар "Првомајска" ќе добие ново улично осветлување, просторот од
двете страни на коловозот ќе се облагороди со дрвореди, а ќе бидат и постават нови клупи и корпи за отпадоци.

Originally posted by Supreme Како ќе се прошири кај портокаловата зграда на Илинден?

Ќе се намали дел од паркингот на зградата кој сега завзема поголем дел отколку што било дозволено.

Работите на Првомајска полека стартуваат. Во должина од 50-тина метри исечени се дрвата и ископан е тротоарот. Се работи од десната страна на улицата(делот обележан со зелено)

Незнам каков е планот но убаво би било наскоро да се стартува изградбата на потпорниот ѕид во делот кај поранешната фабрика за сапун “Цветан Димов“

Mislam deka e na ulicata Mihail Cakov

Чекај, приоритет е споменик до Макси Д

http://www.build.mk/forum/forum_posts.asp?TID=96&PID=119729#119729