Возен парк (ЈСП - ЛАЗ)

ОСВ, добредојде и браво за ова како го илустрираше хаосот со информации во медиумите.

Originally posted by FoSsiL Би било одлично ако со нареден тендер за менување на тие останати 21% или 75 автобуси, се набават дупли автобуси, али дупли тролејбуси. И така барем ќе ја почнеме тролејската мрежа.

На повеќето места каде има акутна неопходност од зглобни автобуси, потребата од трамвај/лрт е најголема. Долго време ни требаше да созрее сознанието дека ни е потребен шински јавен превоз во градов и треба да сме доследни на тоа, а не да лутаме и да скокаме од еден на друг концепт. Такво лутање и непостојаност не може да донесе ништо добро. За тролејбуска мрежа треба да размислуваме таму каде не е практично и исплатливо да се воведува трам, но никако како замена или одложување на шинскиот превоз.

Originally posted by Dexter26 Градоначалникот на Богота, главниот град на Колумбија, дошол до заклучок дека одржувањето на трамвајската мрежа во Богота е многу скапа повеќекратна инвестиција, па дошол до доста генијално решение: Ги отстранил трамваите од трамвајската мрежа, и на нивно место ставил тролејбуси.

Мене ова не ми звучи генијално туку крајно чудно и нелогично. Добро, можеби во Богота имало некакви специфики што наметнале таков потег. Ај те молам сподели повеќе информации за случајов, па да проанализираме малку. Сепак, факт е дека Богота е исклучок. Не се будали во сите останати градови каде има трам/лрт. Во многу категории тролејбусот едноставно нема шанси да се носи со трам, а камо ли со лрт (лесно шинско возило, каков што систем треба да има во Скопје). Но не секаде има потреба да се прави лрт, некаде пак не е практично/изводливо итн. Се работи за балансирање на потребите и можностите:


Извор:
УРБАН ШИНСКИ СООБРАЌАЈ НА ГРАДОТ СКОПЈЕ
м-р Гордан Стојиќ, дипл. сооб. инж.
http://www.ekosvest.com.mk/publikacii/urban_sinski.pdf

Originally posted by Djole88 И едно прашање, овде стои 19 зглобни Икарус? Дали се тоа двојните со затемнети стакла? Зошто ако се тие, 19 тешко да се, јас имам видено само 2 и тоа ги ротираат на 2ка, 5ка, 15ка и 57ца.

За беља на нет не најдов слика од скопски зглобен Икарус, но зглобните Икаруси на изглед се исти како и единечните, па еве една слика од единечен, иако верувам добро ги знаеш. Во секој случај, зглобни Икаруси дефинитивно има многу повеќе од 2, нема причина да се сомневаме во бројката од 19.

Originally posted by Dexter26 Ако не грешам јас, мислам дека Икарус автобусите се постари од Санос автобусите. Можеби грешам

Дефинитивно има постари Саноси од најстарите Икаруси. Оној стар модел на Санос со класичен изглед ги замени Лејландите и доминираше уште пред воопшто да се појават Икарусите (во најмала мерка пред да се појават помасовно). Сигурно добар дел од тие Саноси уште возат за ЈСП. Тоа што според табелата Саносите во блок се маргинално „помлади“ од Икарусите очигледно е резултат на набавката на оние 70-тина нови Саноси (со MAN каросерија) пред десетина години. Е сега за замена нормално не е прашање само на старост во години, туку и километража, кој модел како се покажал и колку е издржлив, кој автобус каде возел, достапност на резервни делови и колку кои се лесни/тешки за одржување... Но со оглед каква е флотата на ЈСП, јасно е дека и едните и другите се зрели за масовно пензионирање, а кои да одат најпрви, ваљда ќе направат добра проценка во ЈСП. Само не знам што ќе се прави со извесниот недостаток на зглобни автобуси, тоа сигурно ќе ги помати сметките.

Originally posted by гитардемон Што се однесува до лејландите, тој едниот нели беше „атракција“, (што е до мене супер се вклопи во останатиот возен парк), ама како еден член да спомена дека и уште еден лејланд е во возна состојба, само се чува во некое депо. А третиот сигурно не е возен, барем не сме евидентирале такво нешто.

До пред некое време користеа Лејланд (не знам дали беше само еден) за влечење на расипани автобуси. Ама веќе поодамна не сум видел Лејланд, а на расипани автобуси наидувам често (разбирливо со оглед на просечната старост). Сега гледам расипаните автобуси ги шлепаат со камиони. Ај ваљда ќе се смилува некој од ЈСП да фрли некоја информација, знам дека барем еден позапознаен не чита, ама тешко се снаоѓал со компјутери, премногу комплицирано му било да дискутира на форум 



Edited by Cloverstack - 06-Feb-2011 at 03:35

Originally posted by Cloverstack Мене ова не ми звучи генијално туку крајно чудно и нелогично. Добро, можеби во Богота имало некакви специфики што наметнале таков потег. Ај те молам сподели повеќе информации за случајов, па да проанализираме малку. Сепак, факт е дека Богота е исклучок. Не се будали во сите останати градови каде има трам/лрт. Во многу категории тролејбусот едноставно нема шанси да се носи со трам, а камо ли со лрт (лесно шинско возило, каков што систем треба да има во Скопје). Но не секаде има потреба да се прави лрт, некаде пак не е практично/изводливо итн.

Немам конкретни информации, кажувам за што гледав на документарни филмови пред повеќе од 1 година, а не беше само еден документарен филм, па да речеме дека нема врска, туку повеќе различни документарни филмови, сите со една иста тема:
Справување со сообраќајниот хаос и метежот по метрополите.
Правеа споредба на транспортот во повеќе метрополи, меѓу кои помнам дека спаѓаа Богота, Сан Франциско, Чикаго, Токио, Шангај и Берлин.
И не во сите, туку во еден од документарните филмови, тролејбусите во Богота ги посочија како најекономично решение, односно, како најприфатливо решение од гледна точка на економска побарувачка.
 
За жал, не ги помнам имињата на ниту еден од тие документарни филмови, но очигледно и премногу внимание им посветив, бидејќи неодамна дознав дека се очекува метрото, односно подземната железница во Богота да биде готова до 2016, што значи дека ова со тролејбусите им е чисто привремено решение.
 
Но немој погрешно да ме разбереш.
Јас сум меѓу првите кои се залагаат за трамвај, LRT или било кое слично решение.

Originally posted by Cloverstack Дефинитивно има постари Саноси од најстарите Икаруси. Оној стар модел на Санос со класичен изглед ги замени Лејландите и доминираше уште пред воопшто да се појават Икарусите (во најмала мерка пред да се појават помасовно). Сигурно добар дел од тие Саноси уште возат за ЈСП. Тоа што според табелата Саносите во блок се маргинално „помлади“ од Икарусите очигледно е резултат на набавката на оние 70-тина нови Саноси (со MAN каросерија) пред десетина години. Е сега за замена нормално не е прашање само на старост во години, туку и километража, кој модел како се покажал и колку е издржлив, кој автобус каде возел, достапност на резервни делови и колку кои се лесни/тешки за одржување... Но со оглед каква е флотата на ЈСП, јасно е дека и едните и другите се зрели за масовно пензионирање, а кои да одат најпрви, ваљда ќе направат добра проценка во ЈСП. Само не знам што ќе се прави со извесниот недостаток на зглобни автобуси, тоа сигурно ќе ги помати сметките.

 
Е па, тогаш значи мојот вкус и мојата лична проценка на староста на стариве канти кои се возат по скопските улици не се добри, немам друго оправдание.
 

Originally posted by sanos_a тие што ги кажувате зглобни со затемнети стакла (а уствари е само еден) се санос с217

 
Поправи ме ако грешам, но мислам дека ги има 2 такви автобуси, едниот зглобен, или двоен сеедно, а другиот единечен.
Помнам дека единечниот најчесто поминува на линија 13.
Поправи ме ако грешам.


Edited by Dexter26 - 06-Feb-2011 at 18:53

имаат 1 зглобен таков автобус санос с217 и 2 или 3 соло такви автобуси санос с213. ако не ми верувате за соло автобусите погледнете ги регистрациските таблички и ке видите дека има повеке од 1 таков

 
 
 
 




Се на се, ги избројав околу 14, но не успеав да ги сликнам сите, најверојатно сум го промашил и 15-от автобус.
Како што можете да забележите, ем квалитетот на сликите не е нешто баш најдобар, ем сите се направени од надвор.
Е па така е, кога не ми дозволија да влезам и да ги сликнам автобусите од внатре.
Инаку, автобусите се на паркиралиштето на ЈСП Скопје во Автокоманда и би требало да бидат пуштени во сообраќај наредната недела,
со оглед на фактот дека сеуште ги имаат тие странските таблички, односно сеуште не се регистрирани.


Edited by Dexter26 - 08-Feb-2011 at 16:55

Originally posted by my Macedonia Ubavi se, mi se dopagjaat!Konecno skopje dobi/ kje dobie novi avtobusi Vidov vo predhodnite postovi deka imase i valkani, se nadevam deka barem malku kje se grizat za cistotijata!

 
Не само за надворешната чистота, туку уште повеќе ќе мораат да се грижат за внатрешната чистота, бидејќи ние скопјани си имаме наши карактеристики да одбиваме се убаво што ќе добиеме и да го декорираме на наш "скопски" начин.
Ако ЈСП Скопје не се грижи за надворешната и внатрешната чистота, како и за удобниот превоз во овие нови автобуси, за најрано 1 месец, односно за најдоцна 6 месеци, воопшто нема да изгледаат како нови.

Dexter26, не би го нарекол "скопски" начин, сепак посоодветно би било "македонски" начин. Но да се надеваме дека свеста ќе преовлада кај народот, и луѓето ќе станат свесни дека уништуваат имот кој го платиле од свој џеб. Во секој случај мене лично ми е премногу жал како тоа овој наш синдром за уништување на сопственото еднаш не престане. И не би било лошо ако треба и кампањи за подигнување на самосвеста кај луѓето да организираат властите.

Нешто мора да се промени!!!

Edited by Buliwyf - 08-Feb-2011 at 17:36

На крај краева сметам дека и доколку луѓето се "свесни" дека плаќаат од свој џеб, нема да бидат погоеми придобивките од тоа да го осеќаат како свое и да се сака како свое. Чувството на пријатност и љубов кој својот град мислам дека не би го надохнадил ни еден друг фактор.

Originally posted by N23 а сите се бели така?

да сите се бели

Во Романија во секој брз и експресен воз има по неколку камери кои ловат невоспитани патници. Ова треба да го направиме и со нашите автобуси на ЈСП. Во меѓувреме, каква нумерација ќе добијат новите автобуси, дали ќе почнуваат со 9_ _, на пример 901 или можеби со 10_ _ и дали ќе се користат електронски дисплеи за означување на линиите или повторно ќе сообраќаат со грозните табли?