Јавен превоз во Скопје (линии и возен ред)

Message Topic Search Topic Options Post Reply Create New Topic Printable Version

Originally posted by Џоле

„ДЕВЕТКИТЕ“ ТРЕТ ДЕН ГИ ОСТАВАТ ГРАЃАНИТЕ ДА ВИСАТ ПО ПОСТОЈКИ 

За само 15-ина дена откако беше воведен АВЛ-системот во јавниот градски превоз и стартуваше електронската наплата во сите автобуси, се појавија многубројни проблеми, а возачите на приватните автобуси наместо со ЈСП, сега се тркаат со времето. Додека порано брзаа да му ги земат патниците на ЈСП, сега ги оставаат да „висат“ на постојките.

Граѓани имале вакво искуство изминатиов викенд на линијата број „9“ на која сега возат само автобусите на приватното претпријатие „Макекспрес“. Патниците се жалат дека не им застанал автобусот на постојката на „Водњанска“, туку, веднаш продолжил надолу по втората коловозна лента без да ги качи оние кои чекале на последната постојка. Голем дел од патниците кои се пожалија, се враќале од работа, а по завршувањето на работниот ден наместо што побрзо да си дојдат дома, не можеле да се качат во автобус. Вчера, пак, граѓаните се изначекале „9“ и во населбата Скопје Север. Останале на автобуската од 8:45 до 9:30 часот и измрзнале на снегот и студеното време. Велат дека четири автобуси заминале кон последната станица, а од таму по речиси еден час чекање, конечно им дошла „9“.

Од „Макекспрес“, приватното претпријатие кое вози на оваа линија, објаснија дека сега имале редуциран возен ред. 

„Автобусите се поретки, затоа што, поради училишниот распуст возниот ред е редуциран, но, по 23 јануари се враќа основниот возен ред според кој автобуси ќе има на секои 7-8 минути се' до 17 часот, кога потоа повторно ќе бидат редуцирани. На линијата ’9‘ ние ќе сообраќаме до 31 јануари, а потоа таа ќе стане дел од пакетот линии на ’Слобода превоз‘“, објасни Војо Велевски, еден од основачите на „Макекспрес“. 

Корисниците на приватната „9“ се жалат дека не смее да се редуцира возен ред поради зимски распуст, па вработените да не можат да стигнат на работа. Реагираат и на возачи кои се' уште не се откажуваат од старите навики да собираат патници попатно, а други ги оставаат со часови на постојки. Некои граѓани се обиделе да му напишат поплака на претпријатието на неговата веб-страницата, но таа била недостапна.

http://www.utrinski.mk/?ItemID=C5D7736324CB4F4AA89DCDADBD727F16 

ВНИМАНИЕ! Зошто е многу важно секој патник да се валидира? Доколку не ја валидирате картичката при влегување во автобусот, ќе се смета дека не поседувате важечки билет! Секој патник е неопходно да се валидира при секое влегување во автобусот со што ќе се добијат податоци за протокот на патници во автобусите во секое време, по оделни постојки и линии, со што ќе се овозможи подобра оптимизација на возните редови и обезбедување поквалитетен превоз на патниците.

http://www.skopska.mk/

Eте им ја подобрата оптимизација на возните редови и поквалитетниот превоз на патници.

Туку, знае ли некој како иде процедурата со плаќање со мобилен телефон?

И ако знае, нека каже.

Дали може да се плаќа од било кој мобилен, или само од смартфон?

Дали може да плаќа припејд корисник, или само постпејд?

Што добива патникот како потврда дека платил од мобилен? Во случај да наиде контрола има ли некоја фискална сметка, парагон-блок или контролата му гледа во мобилниот дали го повикал бројот за валидирање? Во случај да му се испразни батеријата, да му се исклучи телефонот, а да не го знае пинот повторно да го вклучи, или истиот да му се расипе, како патникот ќе докаже дека платил со мобилен телефоН?

Edited by phenomenon - 17-Jan-2017 at 11:33