Интересно, конечно ќе се добие барем еден студентски град во права смисла.

Не се спомнува конкретна локација, иако вака гледано се ми се чини дека ќе направат некоја зграда при раскрсницата кај судска. Не верувам дека ќе одат на другата страна.

Отсекогаш сум бил зачуден зошто УКИМ е расфрлен низ цел град. Дали бидејќи немале идеја дека кампус е паметна работа, на времето... незнам. Меѓутоа би сакал целиот тој блок (горе накај битпазар, и десно накај крњево) да биде преуреден во комплетен студентски град, каде освен еден голем студентски дом (заменувајќи ги и Гоце и Стив и Кузман), би се префрлиле и техничките факултети, т.е. сите од УКИМ освен можеби медицински и нему сличните.

дај точна локација плз

Поставен камен темелник на училиште во Мачево - Берово

Образованието како еден доста важен сегмент од развојот на децата во општеството, е дејност во која постојано треба да се вложува и унапредува.

Сепак овој проблем градоначалникот на Општина Берово Драги Наџински не дозволи да биде оставен во заборав и со средства во висина од 2 466 200 денари обезбедени од буџетот на Општина Берово со огромна подршка од Министерството за образование и Владата на РМ, на 24.01.2011 година е поставен камен темелник на нова училишна зграда во село Мачево која ќе има функционална површина од 195м2.

Камен темелникот го поставија Министерот за Образование и Наука г-дин Никола Тодоров, Градоначалникот на Општина Берово г-дин Драги Наџински и Директорот на ООУ „Дедо Иљо Малешевски“ од Берово г-дин Кирил Стоиловски, кои го истакнаа значењето од изградбата на ова училиште за ова населено место.

Инаку, новата училишна зграда ќе се гради на место каде што до 1977 година постоело училиште во кое поради дотраеноста на објектот наставата е прекината по што децата морале да продолжат во училиштето во соседното село Будинарци. Сепак поради малата возраст на дечињата во 1991-92 година биле преадаптирани просториите на Месната заедница во с. Мачево и наставата продолжила да се одржува во просториите каде што и денес се одржува, меѓутоа поради руинираноста и на овој  објект кој е склон на паѓање а со цел да се обезбеди безбедност  на децата за непречено  одржување на наставата е одлучено да се изгради новата училишна зграда која ќе ги задоволи стандардите кои што се бараат во образовниот процес.

Се разбира ова е уште еден доказ за позитивното работење на градоначалникот на Општина Берово и неговите постојаните заложби за подигнување на нивото на образование во општината.

http://berovo.gov.mk

Ново 21 училиште во македонските села

http://kanal5.com.mk/default.aspx?mId=37&egId=13&eventId=72514

Drzaven universitet na tetovo naskoro i vo kicevo

Eve do kade e rabotata kaj novoto uciliste vo cair bitolskiot kongres sto e vredna 2 milioni evra i treba da bide najmodernata niz celata drzava!
Renderi imame registrirano vo build.mk
Imav malku problem so sonceto pa zatoa edvaj napraviv nekolku sliki

Руинираните бараки на студентската населба „Стив Наумов“ќе бидат реконструирани Бараките во студентската населба „Стив Наумов“ во општина Гази Баба, ќе бидат од темел реконструирани во осум приземни објекти од цврста градба. Сместувачкиот простор на новите објекти ќе биде 1.700 метри квадратни со легла за 204 студенти. Собите ќе бидат трикреветни со тоалет, а првпат ќе има и шест еднокреветни соби за лица со посебни потреби. Градбите ќе бидат поврзани со патеки, а целата средина хортикултурно уредена. Тендерот на Министерството за образование и наука е во тек и завршува на 29-ти месецов, кога ќе бидат отворени понудите и ќе биде избрана најповолната за изведба на проектот. Министерот Тодоров изјави дека реконструирањето на бараките ќе чини повеќе од 50 милиони денари, колку што изнесуваше интервенцијата на првата и втората машка зграда. Се очекува да бидат готови до крајот на октомври и таму да се префрлат студентите кои сега живеат во домот Медицинар, кој сега е во најлоша состојба. Според ДУП за Општина Центар, на местото на Медицинар е предвидена изградба на зграда за друга намена, но според Тодоров МОН нема да се откаже од локацијата каде што најчесто се сместуваат студенти по медицина. Рече дека ќе иницираат промена на ДУП-от на Центар и на истото место да се изгради студентски дом. Додека не се смени планот, МОН нема да ги реконструира бараките во Медицинар, а студентите од таму ќе ги пресели во новите објекти во „Стив Наумов“./www.kanal5.com.mk

http://vesti.alfa.mk/default.aspx?mId=36&eventId=35154

Студенти ќе се будат во „Вила Зора“

Некогашниот хотел „Вила Зора“ наесен ќе стане дом за студентите кои студираат на четирите факултети во Велес. Објектот е запуштен и сега е место кое зависниците од дрога го користат за наркосеанси, а велешани го избегнуваат како темна зона во градот. Веќе се направени првите чекори просторот да добие нова намена. Владата неодамна ги префрлила 40-те отсто сопственост на зградата од Фондот на ПИОМ на Министерството за образование. Потврда за тоа има и од градоначалникот Горан Петров.

- Нашата идеја е празниот хотел, некогашен пензионерски дом, да биде студентски кампус. Тука би требало да се сместат студентите кои не се од Велес. Ова ќе биде добредојдено бидејќи имавме забелешки за условите во кои се одвива наставата, особено од Правниот факултет - изјави Петров.

За реализација на оваа идеја има правна пречка, односно судски процес. Со делбениот биланс од 1999 година, зградата е префрлена во сопственост на Општина Велес. За ова се води судски спор бидејќи Здружението на борците бара сопственост на дел од објектот. Тој е изграден во 1985 година, а 60 отсто од вложените средства биле на ова здружение, а 40 отсто на Фондот за здравство. Борците се расположени да се прекине судската постапка.

- Доколку ни отстапат две простории, во кои и сега сме сместени и работиме, ќе го прекинеме судскиот спор. Ние не сакаме објектот да пропаѓа и добро решение е тој да стане студентски дом, само да не биде пуст и цел на неканети гости - вели Саздо Кицевски, претседател на Здружението.

Локалната власт ваквата иницијатива ја прифаќа и предлага тоа да се стави на хартија и да се официјализира. Зградата располага со 160 легла во 60-ина соби и има три ресторан-сали за 500 гости. Салите може да се преуредат во предавални, а кујната би служела за студентски ресторан. Деновиве дел од мебелот, фотелји, маси и столови, беше преземен од Фондот за здравство и однесени за користење во бањските лекувалишта, кои се во државна сопственост.

Во Велес студираат околу 1.500 студенти на четири факултети. Тие често се жалат на условите во кои посетуваат настава. Во зградата на некогашното ОУ „Јордан Хаџи Константинов-Џинот“ дел од инвентарот е наменет за деца со ниски столови и клупи. Студентите од дисперзираните студии на Правниот факултет „Јустинијан Први“, пак, настава посетуваат во зградата на општината и се случува да губат настава ако има прес-конференција, бидејќи во истата просторија тие имаат предавања.

Петар Печков

http://dnevnik.com.mk/?ItemID=2E9FEF1F127BFA49AA39F5C3086603A9

Бесплатно државно земјиште за нови студентски домови

Во Скопје, Тетово и во Штип ќе никнат домови на земјиште што ќе го даде Владата на користење во рок од 35 години

Жаклина Ѓорѓевиќ

Три нови студентски домови ќе никнат во Скопје, Тетово и во Штип на државно земјиште, кое Владата бесплатно ќе го даде на користење на фирми што ќе бидат заинтересирани да ги изградат овие објекти, најавуваат од Министерството за образование и наука. Во јавниот повик што го објави Владата деновиве, се предвидува земјиштето да се даде на користење во рок од 35 години, а потоа објектите да ги преземе државата. Во Министерството велат дека проектот за трите студентски дома нема ништо да ја чини државата, освен што ќе се намируваат трошоците за студентите што ќе се сместат во домовите. Првичните процени на министерот Никола Тодоров беа дека изградбата на само еден дом ќе чини 60 милиони евра, но вчера тој не беше достапен да потврди дали останува на овие процени.

Новите домови ќе останат во наследство на идната Влада, бидејќи понудите за нив, како што е објавено во повикот, ќе се отвораат на 8 јуни, три дена по изборите. Она што веројатно најмногу ќе ги интересира студентите е што цената за студирање во домовите ќе биде иста како и во другите домови, па затоа во Министерството очекуваат најмногу турканици за новите објекти. „Студентите ќе плаќаат исто како што плаќаат и сега“, вели Горан Галевски од Министерството. Оттаму појаснуваат дека домовите ќе се градат по принципот на јавно-приватно партнерство, што значи дека идните инвеститори ќе имаат можност да добијат бесплатно земјиште. „Со тоа што даваме бесплатно земјиште, ја олеснуваме процедурата за добивање градежна дозвола. Инвеститорот ќе може 35 години да го користи објектот, а потоа тој и' се враќа на државата“, го објаснуваат во Министерството принципот на кој ќе функционираат домовите.

Во домовите ќе бидат згрижени вкупно 2.500 студенти, а за секој од нив, месечно, државата ќе издвојува најмногу до 119 евра. Министерот пред извесно време најави дека не се работи за обични студентски домови, туку за ултрамодерни, каков што е предвидено да никне во Скопје.

Студентскиот дом во Скопје, според Министерството, ќе се гради во кругот на универзитетскиот кампус, на локацијата веднаш пред седиштето на Ректоратот на Скопскиот универзитет. Министерот првично најави дека овој дом според изгледот ќе се разликува од сите досегашни, а ќе биде на седум ката. Во него ќе им се нудат на студентите најсовремени услови за престој. За секој студент е предвидено да има соба од 18 квадратни метри, а во собите ќе можат да се сместат најмногу по двајца студенти. „Домот во Скопје ќе биде нешто посебно, а ќе има современ изглед по што ќе се разликува од другите студентски домови. Со тоа ќе се решат проблемите на 1.500 студенти“, изјави пред извесно време за нашиот весник, министерот Тодоров. Тој најави дека е предвидено Министерството годишно да одвојува по милион евра за сместување на студентите, а за одржувањето на домовите да се грижи фирмата што ќе ги гради.

Со нивната изградба, според министерот, ќе се реши проблемот за сместување на студентите во целата држава. Во Министерството велат дека годишно околу 1.000 студенти остануваат без студентско легло, бројка што е драстично намалена од порано. Според Крешимир Павиќ од Студентскиот центар „Скопје“, пред четири години за 4.500 места во студентските домови аплицирале дури 9.000 кандидати. Моменталната цена за сместување во домовите се движи од 6.700 до 7.200 денари, а половина од оваа сума или поточно 3.400 денари ги покрива државата, додека останатите ги покрива студентот. Според Павиќ, цената за сместување треба да биде коригирана поради покачувањето на цените.

http://www.utrinski.com.mk/?ItemID=0438FC8F1554B14280E87485ADD48990

Струшката гимназија гради нови шест училници

Во Струга почна изградбата на нови училници во Гимназијата „Ибраим Темо“, со што треба да се реши просторниот проблем со кој со години се соочуваше ова средно училиште. Тука учат 1.700 ученици. Вредноста на проектот, чиј финансиер е Министерството за образование, изнесува 9,5 милиони денари, а рокот на завршување на градежните активности е три месеци.

http://www.dnevnik.com.mk/?ItemID=1DB3F56D61DBD1499DB40F4C0C9B65E9