Фасади (општо)

Да поминеш и да останеш жив е лотарија, паѓаат плочки цело време!



Парчиња од дотрајаните фасади од зградите во централното градско подрачје секојдневно паѓаат. Особено од кулите кај гимназијата „Јосип Броз Тито“ и кај Зеленото пазарче чии фасади се од керамички плочки. При посилен ветер, паѓаат парчиња на плочниците, скопјани се чувствуваат небезбедно и револтирано, бидејќи може да ги повреди некое.

– Со полни кеси излегував од Зеленото пазарче кога веднаш пред мене падна дел од фасадата од кулата. Да направев чекор повеќе, ќе ме погодеше. Не сакам да помислам што можеше да ми се случи ако ми паднеше плочка од толкава висина – вели скопјанката Светлана В.

Иста слика е и кај кулите кај гимназијата „Ј. Б. Тито“. Половина фасада е падната и кога ќе видат случајните минувачи паднати плочки, не им е јасно како немало жртви.

– Под овие да поминеш и да останеш жив е лотарија, паѓаат плочки цело време! Ист е случајот и со кулите кај Зеленото пазарче – вели Мики Арсиќ.

– Со години наназад, од Аларова до Жерновски, куќниот совет бараше одлука каков модел и материјали да се земат за да се реновираат фасадите на 28 кули во Градскиот ѕид, се разбира една по една и со заемна финансиска помош. За жал, сè уште нема ниту одговор ниту архитектонско дизајнерско решение. А во случај на несреќа, одговорноста со закон е на правното лице – заедницата на станари – вели Марионка Владимировска.

Според Законот за домување, домарите или претседателите на станбените заедници се должни да преземат мерки за санација на фасадите. Лиценцираните управители велат дека за разлика од минатото, станарите последниве години повеќе се заинтересирани за вложување во заедничките простории, вклучително и за обнова на фасадите. Најголем проблем, според нив, има во постарите згради, каде што со години не било вложувано во заедничките простории.

Да сакаат, нормално, ама некој друг да им ја направи. Да има закон како во западните земји, ќе видиш како ќе најдат пари. Општината ќе дојде ќе им ја направи и потоа ќе им испрати чекче. Ако не го платат за одреден рок, парите се дуплираат. На крајот, може да им го одземе станот. Тие становите во зградите си ги купија по 2 до 5 илјади евра, па сега како да дадат толку пари за одржување? Чекаат да дојде некој, како градоначалникот на Карпош, па да им го реши проблемот. Сигурен сум дека половина станари имаат убави коли и одат на одмор каде што ги трошат тие 1.500 евра, ама немаат пари да санираат нешто што може да одземе нечиј живот. Само кај нас прво треба некој да настрада, па потоа да се свестиме – коментира Сашо Гулевски.

Доколку дојде до повреда предизвикана од паѓање на дел од фасада, граѓанинот може да поведе судска постапка и да ги тужи сите станари кои не се грижеле за заедничките простории, вклучително и за фасадата. Законот предвидуваа санкции ако не се изврши санирањето и изнесува 300 евра по сопственик на стан.

https://www.vecer.press/да-поминеш-и-да-останеш-жив-е-лотарија/

Одлична идеја.

Originally posted by makedamnsure Добар ден колеги, Живеев во Скопје 3.5 години од 2015та до 2019та. Веќе со обврски патот ретко ме носи таму, па би сакал апдејт од куќата во центар на рекорд која е постирана 18 мај 2021 дека се реновира, како и куќата на Наум Наумовски Борче бр.88 до Градски парк. Патем и двете куќи ми се едни од омилените во Скопје и би сакал да ги видам во ново руво. PS. Не се најде ниеден човек да ги заштити и реставрира старите градби во Скопје и цела Македонија кои претставуваат нераскинлив дел од нашата историја и идентитет. Sorry за есејот.

Куќата на Рекорд во Центар сеуште е обвиткана со платна и скелиња пред некоја недела минував оттаму и затоа не сликнав бидејќи не може да се примети дел од фасадата.За другата во Парк немам инфо до каде е.

Ако не ја сменат и фасадата навистина ќе е срамно и жално.

Во земјава само 34% од домовите имаат енергетски ефикасни фасади

На целата територија на земјава само 34 отсто од куќите и становите имаат фасади со енергетска ефикасност. Повеќето од нив, поточно околу 65 отсто немаат таква фасада. Од Здружението на компании за енергетска контрола го објаснуваат значењето на фасадата со топлинска изолација. Велат дека со тоа граѓаните и фирмите штедат пари за греење и ладење.

Работниците кои изведуваат вакви фасади кажуваат колку чини поставувањето, но според нив, вреди да се инвестира, бидејќи парите се враќаат во рок од 3 до 5 години.

„Фасадата зависи од површината, одиме на пример со 200 метри квадратни, фасада од по 30 евра квадрат, тоа е околу 6.000 евра. Пресметајте, дека тоа се враќа од 3 до 5 години, што значи дека вреди да се инвестира“, вели еден фасаден работник.

Граѓаните велат дека се свесни за важноста од промена на фасадата, но велат дека многу често тоа не можат сами да го направат, особено во зградите.

„Апсолутно, за тоа е апсолутно неопходно, особено овој дел во Север каде што сме ние потребно е. Доколку има некоја таква понуда, уште утре се организираме да го направиме тоа…“

„Нормално, кој не сака. Тоа зависи од Владата, ние сами ништо не можеме да направиме…“

„Вреди. Еднаш ги даваш парите и знаеш дека го имаш засекогаш. Тогаш поевтина е и струјата и животот ти е среден. Ниедна општината не го прави тоа што треба. Ако општините работат добро, ќе биде добро за сите“, реагираат граѓаните.

Градоначалниците на Чаир и Бутел на избори ветија промена на фасадите на зградите. Договорот на Висар Ганиу предвидуваше поправка на фасадите на неколку станбени згради, но досега не е направено ништо. Од таму информираат дека досега имаат три барања за изградба на нови згради кои барале да имаат енергетско ефикасни фасади, но без да објаснат што ќе биде со старите згради.

Од општина Бутел потенцираат дека овој проект, кој е ветен ќе се реализира. Градоначалникот за следната недела најави распишување повик.

Општина Центар во 2018 година објави јавен оглас за изведување на терми-фасади на колективните станбени згради, на кој беа одобрени 26 барања, но поради пандемијата, проектот беше пролонгиран.

https://alsat.mk/mk/vo-zemjava-samo-34-od-domovite-imaat-energetski-efikasni-fasadi/

Originally posted by Џоле До охридските членови на форумов, би сакал да ве замолам да го следите одвивањето на проектов, зградава е стара и е со соголена фасада, многу ме интересира дали ќе остане вака (последниве години има некаква мода на соголени фасади, во Скопје има една-две згради, кај Поликлиника на МВР и во чаршијата) или ќе добие нов лик. Па, сликнете кога или ако ќе има некаков напредок. Се наоѓа спроти зградата на Ваикики, во центарот.

Стопанска банка АД – Скопје: Филијала Охрид преселена во нов современ простор со автентичен охридски амбиент

Стопанска банка АД – Скопје е присутна во Охрид од самите свои почетоци и се гордее што речиси 80 години е финансиски партнер од доверба за граѓаните и за компаниите кои гравитираат околу градот. Следејќи ги современите потреби за клиентите кои ги користат филијалите на Банката, неодамна Стопанска банка АД – Скопје изврши преселба на филијалата и вработените во нов простор во центарот на градот. Во куќата на ул. Димитар Влахов бр. 2 која го задржа својот автентичен охридски изглед, Банката ја вклопи работата на филијалата на начин што им нуди на клиентите појасна поделба на функциите, поголема достапност и подобрени услови за соработка со нашите вработени.





https://bankarstvo.mk/%D1%81%D1%82%D0%BE%D0%BF%D0%B0%D0%BD%D1%81%D0%BA%D0%B0-%D0%B1%D0%B0%D0%BD%D0%BA%D0%B0-%D0%B0%D0%B4-%D1%81%D0%BA%D0%BE%D0%BF%D1%98%D0%B5-%D1%84%D0%B8%D0%BB%D0%B8%D1%98%D0%B0%D0%BB%D0%B0-%D0%BE%D1%85/

Новата филијала на Стопанска Банка во Охрид од друг агол (фото од твитер)



https://twitter.com/BrlaBrla/status/1590438878082891776/photo/1

Минување под зградата на „Пелагонија“ на сопствен ризик, паѓаат парчиња од недовршената фасада



Зградата на „Пелагонија“ во најстрогиот центар на Скопје, една од оние кои требаше да добијат барокна фасада во рамките на фамозниот проект „Скопје 2014“ со години стои соголена. За новата фасада требаше да се потрошат околу 2 милиони евра, но и откако ексградоначалникот Петре Шилегов не потпиша таков договор и го запре барокното „преслекување“ на објектот, оттогаш до денес оваа зграда не доби никаква фасада – ниту скапа ниту евтина.

Во меѓувреме од неа беа тргнати скелињата, нема никаква заштита на започнатата и недовршена фасада, на неа стрчат само прозорците подиздадени нанадвор и така, препуштена на сите временски услови, сериозно станува небезбедна за граѓаните кои минуваат под неа. Со оглед на фактот дека таа е сместена на многу фреквентна локација, минувачите не се малку на број.

Деновиве во нашата редакција се обрати граѓанин, кому минувајќи под зградата пред нозете му паднало парче од фасадата.

Срамно е ова што се случува, за малку ќе настрадав јас или жената со детето што ми доаѓаше во пресрет, затоа што парче од зградата буквално падна меѓу нас. Па ако веќе не ја прават или не знаат што да и прават, барем нека стават некоја заштитна мрежа или ограда додека некој не настрадал. Запрепастувачки е колку никој не се грижи за ништо, а најмалку за безбедноста на граѓаните. Колку што знам, фасадата е во надлежност на Град Скопје. Планираат ли некогаш да ја завршат или чекаат некој минувач да биде повреден? – револтирано раскажува нашиот сограѓанин.

За жал од Град Скопје, не одговараат на повеќепати поставеното прашање од „Слободен печат“ – има ли намера Град Скопје нешто да преземе и кога во врска со завршување на фасадата на зградата на „Пелагонија“. За една година, новото градско раководство воопшто не соопшти какви планови има и што ќе прави со недовршената фасада.

Последната информација датира од времето на Шилегов, кога тој објасни дека повеќе од една година се вршат преписки со сопственикот на објектот, „Др Пановски“ бидејќи согласно договорот со Градот, фирмата требала да предложи член на комисијата која ќе распише конкурс за идејно решение. Потоа ништо повеќе не беше ниту соопштено, ниту преземено, како сите да заборавија на овој објект.

Обновувањето на фасадата на зградата на „Пелагонија“ почна во 2015 година, кога тогашниот градоначалник Коце Трајановски склучи договор со „ЛСГ Билдинг Солушнс“ од Скопје, фирма која како што информираа, доставила најниска цена во конкуренција на шест компании.

Идејата за менување на фасадите на модерните згради во барок датира од почетокот на реализацијата на проектот „Скопје 2014“, но на првиот тендер за избор на идејно решение на оваа зградат во 2011 година никој не се јавил. На вториот конкурс, спроведен истата година првонаградено беше идејното решение на Лазар Димов и Никола Стакинов. Во 2014 година во реконструкцијата на оваа фасада се вклучи и фирмата која е сопственик на зградата „Д-р Пановски“, но досега нема никаква реализација.

https://www.slobodenpecat.mk/minuvanje-pod-zgradata-na-pelagonija-na-sopstven-rizik-pagjaat-parchinja-od-nedovrshenata-fasada/

Нешто ново?

ВО ТЕК Е РЕКОНСТРУКЦИЈА НА УШТЕ ЕДНА СТАРА И ОШТЕТЕНА ФАСАДА НА БУЛ „ИЛИНДЕН“ БР. 81. 🛕Станбената зграда покрај енергетска ефикасност и 30% пониски сметки ќе добие и нов лик со што ќе го збогати амбиентот на просторот. За реконструкција на оваа фасада Општина Центар одвои 70% од вкупната инвестиција, додека 30% е инвестиција на станарите. Општина Центар наскоро ќе објави нов повик за реконструкција на енергетски ефикасни фасади и ги повикува Заедниците на станари кои имаат потреба од обнова на фасадата на станбениот објект да аплицираат.

https://www.facebook.com/OpstinaCentar/