Обнова на Офицерскиот дом

Погледни ја плочата помеѓу вториот и третиот спрат и ќе видиш дека не иде до надворешните столбови, односно има простор помеѓу нив. Најверојатно тој простор е оставен за балконите. Така барем ми изгледа.

porta3.mk

VX3_6534 by FOSM, on Flickr

Ќе постои ли терасата со големите арки од страната на Вардар или само некаква имитација ќе биде ?

Контоминас го почна, Самсоненко ќе го финишира Офицерскиот дом

Сергеј Самсоненко ја презема скопската компанија на контрoверзниот грчки бизнисмен Контоминас која се обврза да го возобнови Офицерскиот дом и да изгради барокен хотел на плоштадот.

Рускиот бизнисмен Сергеј Самсоненко минатата недела стана газда на фирмата што интензивно ги гради Офицерскиот дом и хотелот веднаш до него, лоцирани на скопскиот плоштад близу до споменикот „Воин на коњ“.

Самсоненко, всушност, ја презема фирмата „ДЦ прајм пропертис“ од познатиот грчки бизнисмен Димитрис Контоминас, кој во 2011 на аукција го купи атрактивното државно земјиште (6.300 квадрати) и се обврза таму да го обнови Офицерскиот дом и да изгради хотел во стилот на проектот „Скопје 2014“.

За целата парцела тој плати нешто повеќе од 620.000 евра или по 100 евра за квадрат.

Во медиумите се најавуваше дека инвестицијата ќе изнесува меѓу 30 и 50 милиони евра, а Контоминас се обврза без надомест да му отстапи на Градот Скопје дел од Офицерскиот дом за потребите на матичната служба и работни простории за скопскиот градоначалник.

Изградбата на објектите високи до 29 метри треба да финишира најдоцна до 2019, а хотелот мора да има најмалку четири ѕвездички и да биде управуван или под франшиза на хотелски синџир со минимум 250 хотели во светот.

Застапник на Контоминас во Скопје е адвокатската канцеларија „Чукиќ и Марков“ и таму БИРН побара објаснување зошто Контоминас се откажал од инвестицијата, меѓутоа не добивме одговор. Тој минатата година беше приведен од грчката полиција заедно со уште 24 лица во скандалот тежок 500 милиони евра околу грчката државна „Хеленик Постбанк“ и пуштен да се брани од слобода со кауција од пет милиони евра.

Соработникот на Сергеј Самсоненко, Ратко Капушевски за БИРН потврди дека рускиот бизнисмен ја купил фирмата која, како што вели тој, веќе долго време не го градела објектот на плоштад.

„Изградбата на Офицерскиот дом, матичната служба, градската куќа, салата за дипломатски настани на претседателот е само уште еден социјален проект кој господинот Самсоненко ќе го реализира во интерес на Република Македонија, вели Капушевски, кој е новиот директор на „ДЦ прајм пропертиес“.

Тој објаснува дека фирмата ја купиле со долгови од 120 милиони денари и блокирана од Управата за јавни приходи, како и со судски постапки иницирани од доверители за градежниот дел. Инвестицијата ќе изнесува 2,5 милијарди денари или околу 40 милиони евра, а изградбата ќе трае до јуни идната година.

Министерството за транспорт и врски, кое му го продаде на Контоминас државното земјиште, не е информирано дека инвеститорот е променет, додека на градилиштето на скопскиот плоштад веќе е сменета информативната табла и на неа, како инвеститор и како изведувач стојат фирмите на Самсоненко.

Законот дозволува смена на инвеститорот во текот на градењето само доколку новиот инвеститор се обврзе дека покрај правата ќе ги преземе и обврските на претходникот.

http://prizma.birn.eu.com/%D0%BC%D0%BA/%D1%81%D1%82%D0%BE%D1%80%D0%B8%D0%B8/%D0%BA%D0%BE%D0%BD%D1%82%D0%BE%D0%BC%D0%B8%D0%BD%D0%B0%D1%81-%D0%B3%D0%BE-%D0%BF%D0%BE%D1%87%D0%BD%D0%B0-%D1%81%D0%B0%D0%BC%D1%81%D0%BE%D0%BD%D0%B5%D0%BD%D0%BA%D0%BE-%D1%9C%D0%B5-%D0%B3%D0%BE-%D1%84%D0%B8%D0%BD%D0%B8%D1%88%D0%B8%D1%80%D0%B0-%D0%BE%D1%84%D0%B8%D1%86%D0%B5%D1%80%D1%81%D0%BA%D0%B8%D0%BE%D1%82-%D0%B4%D0%BE%D0%BC

Официрскиот (инаку хотел) и Хотелот до него се градат веќе од поодамна, тоа што хотелот е успорена снимка е поради приливот на пари и одливот поради други проекти, во овој случај Самсоненко е само фигура за пред јавност исто како и Контоминас.

Прашај го Мериот .

Мислев темава е да се дискутира за самата градба и прогресот а не дека треба некој да изиграва комисија за испитување на потекло на имот.