Во реонски овака предизборно се појави таблатата за новото основно училиште






Edited by lslcrew - 30-May-2011 at 00:44

Се реконструира најголемото училиште во Карпош

Во состав на проектот за реконструкција на сите училишта во Карпош, по целосната обнова на две до сега, општината денеска стартуваше со градежните активности за реконструкција на Основното Училиште „Димо Хаџи Димов“ во населбата Влае, со што неговите ученици се очекува од септември да ја почнат учебната година во нови училници.
Реконструкцијата на „Димо Хаџи Димов“ ќе опфати санација на покривот, замена на вратите и прозорите, реконструкција на фасадата, како и оградата и осветлувањето во дворот. Меѓу другото, комплетно ќе се обнови подот на училиштето и тоа со поставување на изолација за студените зимски денови
-Во училниците ќе се постават полутопли подови, а во ходниците гранитни плочи. Целиот двор, исто така, хортикултурно ќе се уреди- изјави градоначалникот на Карпош, Стевче Јакимоски.
За комплетната рекнструкција, која ќе ја изведе фирмата „Аполо инженеринг“, општината од сопствениот буџет ќе издвои 600.000 евра.
Со оглед на тоа што ова е најголемото училиште на територијата на општина Карпош, градоначалникот упати апел до сите жители на Влае, како и до бившите и сегашни ученици од „Димо Хаџи Димов“ да дадат каква било помош за негова реконструкција, без разлика дали е тоа материјална или финансиска.
Меѓу другото, потсети и дека досегашната практика ученици од други општини да се запишуваат во училишта во Карпош е укината.
-Во ОУ „Димо Хаџи Димов“, покрај деца од Влае порано учеа и деца од населбата Хром, но, со спроведувањето на реонизација таа практика се прекина бидејќи не е во ред со парите на жителите на Карпош да се финансираат жители од други општини- додаде Јакимоски.

http://www.plusinfo.mk/vest/9596/Se-rekonstruira-najgolemoto-uchilishte-vo-Karposh

Ако поминуваш често таму, гледај спукај некоја фотка

Pardon ama ti ne mozes da cekas opstina  karpos da gradi Uciliste! Za toa treba da se angazira ministerstvo za obrazovanije. Bidi srekjen sto voopsto opstinata se angazira za renoviranje na ucilisteto! ej da, ova se narekuva opstina!

Originally posted by Dave Gahan па и сумата за реновирање што е одвоена не е баш наивна...

Тоа и мене ми упадна во очи. Дали е оправдано да се вложи толкава сума (600 илјади евра) во пропаднат привремен објект? Колку би чинела изградбата на ново училиште и ова прашање да се реши на навистина квалитетен начин за следните 50+ години? Навистина сиромавиот обично два пати плаќа.


Edited by Cloverstack - 28-Jul-2011 at 10:19

Originally posted by Cloverstack Ако поминуваш често таму, гледај спукај некоја фотка

Искрено под прозор ми е па не беше тешко да направам фотки :-)

Мислам дека неправедно го критикувате Стевчо. Имав прилика изминатиов месец да сум секој ден на потегот Аеродром-Влае и бев во најмала рака позитивно изненаден од целокупниот градежен бум во Карпош. Се гледа дека властите сакаат од Карпош да ја направат најубавата спална соба во Скопје. Улици, тротоари, нови урбани елементи и слично. За школово, да сумљиво е што се даваат 600к евра, но мора човекот и да испере пари, бар по тоа е познат во јавноста. Исто така зошто ако Општината има пари да не ги вложи во нови училишта. И така со законот за децентрализација основните се под општините, а средните се под град скопје. Значи ако Стевче има одвишок пари, а ми изгледа дека Карпош стварно има вишок пари, нека прави нови школи. И во Аеродром сите школи добија нови прозори од општината, која ги уредува и школските дворови. И Карпош не е најбројна ниту во Скопје.

НОВ KОМПЛЕKС НА МЕСТОТО ОД ДОМОТ „СТИВ НАУМОВ“

Осум студентски згради наместо старите бараки

Објектите во кои ќе бидат сместени студенти, постдипломци и докторанди, според урбанистичкиот план, ќе бидат високи пет ката плус потпокрив, а ќе се градат на дел од локацијата на сегашниот дом

Некои од старите бараки од студентскиот дом „Стив Наумов“ ќе се уриваат и на нивно место ќе се градат осум нови згради. Kомплексот ќе има намена за студентски центар за студенти, постдипломци и докторанди, може да се прочита во описот од изводот на урбанистичкиот план од Секторот за урбанизам на Гази Баба. Висината на објектите, според планот, е утврдена на пет ката плус потпокрив, а инвеститор на овој проект е Министерството за образование и наука.

На следната седница на Советот на Град Скопје на дневен ред, на барање на Министерството, ќе се најде точка за ослободување од комуналии, односно уредување градежно земјиште на сопствен трошок.

-Имајќи предвид дека студентски центар претставуваат објекти од јавен интерес, Градот Скопје за да придонесе во реализацијата на проектот и изградба на истиот, оценува дека инвеститорот треба да биде ослободен од надоместокот за уредување на градежното земјиште спрема Градот Скопје - се вели во предлогот на градоначалникот Kоце Трајановски.

Висината на надоместокот изнесува 8.085.767 денари, односно околу 133.000 евра. Тоа е делот од комуналиите, во висина од 60 отсто, кои секој градител, доколку поинаку не е одлучено, има обврска да ги уплати на сметка на Градот. Во случајов, трошоците за уредување на градежно земјиште, инфраструктура, паѓа на товар на инвеститорот.



Инвеститор е Министерството за образование

Во однос на сумата која Министерството ќе ја одвои за изградба на овој студентски центар, портпаролот на Министерството, Горан Галевски, изјави дека ќе ја соопштат по изборот на изведувач.



Опозицијата критикува за загуби

Ослободувањето од комунални давачки за објекти од јавен интерес е практика веќе неколку години, уште од мандатот на градоначалникот Трифун Kостовски. Опозицијата постојано упатува жестоки критики на сметка на градоначалникот Kоце Трајановски дека со тоа што ја ослободува државата од вакви финансиски обврски, ја слабее градската каса. А и дека тоа значат големи загуби.

Објаснувањето на Трајановски е дека напротив, ослободувањето всушност е заштеда, имајќи предвид дека трошоците паѓаат на грбот на инвеститорот. Се работи за неколку објекти од проектот „Скопје 2014“, потоа спортска сала во училиштето „11 Октомври“, средно школо во Шуто Оризари, трибини исток и запад за Градски стадион, зграда на МНР, фудбалски и тениски игралишта, но и градинка во Аеродром, објект на Министерството за шумарство и водостопанство и други.

Имајќи предвид дека вкупната цифра никогаш на јавноста не ~ е презентирана официјално, за четири години, според паушалните пресметки, се работи за сума од 7 милиони евра, кои требало да се слеат само во градскиот буџет. Освен Градот, во исто време, од ваква обврска за истите објекти, ослободуваше и Општината Центар, па се стасува и до 13 милиони евра.

И Јакимовски бара да не плаќа комуналии

И покрај постојаните и неброени критики од градската опозиција до градоначалникот Kоце Трајановски дека со тоа што ја ослободува власта од комуналии им прави лошо на Градот и на буџетот, на следната седница ќе се „пее“ друга песна. За прв пат, неделава, на седница на Советот на Град Скопје на дневен ред ќе се најде исто вакво барање, но на опозицискиот градоначалник на Kарпош, Стевчо Јакимовски. Се работи за комуналии во висина од 225.000 евра за изградба на новата општинска зграда на местото на бараките на „Партизански одреди“. Доколку мнозинството во Советот не даде зелено светло за изградба на овој објект од јавен интерес, тогаш Јакимовски ќе мора сумата да му ја плати на Градот.

-Изградбата на административната зграда беше потребна бидејќи вработените беа сместени во дотраени бараки и тешко можеа да ги извршуваат своите работни обврски. Молиме да бидеме ослободени од надоместокот - се вели меѓу другото во дописот на Јакимовски до претседателот на Советот, Ирена Мишева.

http://www.dnevnik.com.mk/?ItemID=F9A542799E99F34FAF3D990214303453

Погледнете каков ќе биде ликот на новото Модуларно средно и основно училиште во општина Илинден, за кое во неделата беше поставен камен-темелник.

Модуларното училиште ќе се гради зад детската градинка во населба Илинден, односно до новоизградените тениски игралишта и спортската сала „Гоце Делчев“, локација која што е комплетно инфраструктурно поврзана.

Училиштето ќе биде на два ката и изградено по најсовремени стандарди, а најзначајно е што општината првпат ќе добие средно училиште.

За овој проектот, Владата обезбеди 500.000 евра во соработка со Владата на Словенија, а останатите 1.000.000 евра ги обезбеди општината Илинден. Се очекува училиштето да биде изградено за половина година.

Овој капитален проект е од витално значење за образованието и комплетниот развој на општината.

http://www.time.mk/read/5fdbdb9ab7/b0dcc61302/index.html

Општина Илинден ќе добие нов образовен објект во рекорден рок Еден месец после почетокот на изградбата, веќе се наѕира новото основно и средно училиште во општина Илинден. Се работи за модуларен објект со површина од 2.300 метри квадратни и капацитет за 300 ученици. Модулите се производство на словенечката фирма „Тримо“ и ги содржат сите потребни елементи, а на градежните работници им останува задачата да ги „отпакуваат“ и да ги монтираат. Со ваквиот начин на работа се постигнува завидна брзина во изградбата. Друга голема предност на ваквите модули е што 99% од материјалите вградени во нив можат да се рециклираат. Инвестицијата е во висина од 1,5 милиони евра, од кои еден милион се обезбедени од општинскиот Буџет, додека 500 илјади евра се грант од словенечката влада. Изведувач на градежните работи е „Тримо Македонија“, проектирањето го изврши „Тагора“, а за надзорот е задолжен „Веинг“. Предвидено е „склопувањето“ на објектот да трае вкупно четири месеци. 1 2 3 4 5 6 7 8 9 10 11 12

http://www.build.mk/?p=10905


Edited by build.mk - 29-Nov-2011 at 00:20