Железници (општо)

значи тоа е тој модел кој го предложив сега комотно можат србите и грците да влетаат доколку тоа им е рентабилно! од овој аспект се наметнува јасна недоумица колку МЖ-Транспорт ќе биде конкуретна и дали воопшто ќе успее да го издржи притисокот од конкуренцијата! затоа и најдобро е што поскоро да се продаде бар одлучувачки пакет на надворешен инвеститор...

инаку на ХЖ конекцијата со босна преку книн но линкот е во аут, од војната наваму босна сеуште инфраструктурно се нема опоравено на тој потег! 

инаку ваквиот модел е погоден за секаде бидејќи релано тешко е да одржуваш рентабилност на мал пазар, какви што се балканскиве, а уште потешко бидејќи сеуште патничката железничка услуга е на ниво од 19 век

да во светот па и тука истиот ќе се субвенционира, муабетот е зошто државата сеуште да ја шлепа врз свои плеки нерентабилноста на компанија општо! но доколку се приватизира мж-транспорт, јасно е дека секој кој ќе инвестира во патничкиот сообраќај од активните играчи на пазарот ќе биде подеднакво субвенциониран од државата во некоја форма!

може и треба железницата да остане под капа на државата доколку сакаме ефтини билети, сепак доколку влетаат почесто и попатно по пругиве комшиските жтп-а МЖ ќе има силна конкуренција заради што и досегашната нерентабилност дополнително ќе се зголемува, а заради што доколку е сеуште во државни раце во недоглед дека ќе ја тераме со изветреана услуга, што од друга страна се одразува врз популаризацијата на патничкиот превоз... 

Македонски железници најавија штрајк

	Коментари (0)

Македонската јавност нема да биде изненадена ако наскоро се случи тешка железничка сообраќајна несреќа, затоа што постојат сите основни предуслови за такво нешто, со оглед на влошената безбедност во сообраќајот.

Ова беше истакнато на денешната прес конференција на Синдикатот на машинскиот персонал на Македонски железници АД „Транспорт“, на која беше најавено дека од денеска започнува процес за организирање на штрајк, што ќе стапи во сила доколку во следните денови не се одржат преговори со надлежните.

Според претседателот на синдикатот, Ристо Пејовски, одроните што се случија на пругата Скопје-Кичево, не се случајност, туку е последица на тоа што вработените, кои се задолжени за одржување на безбедноста на пругите, биле испратени на принуден одмор.

„Што се однесува до безбедноста на локомотивите, најдобар показател е тоа што кај нас локомотивите не се осигурани, а мерило за нивна техничка исправност е дали е таа осигурана“, рече Пејовски.

Тој се пожали дека и минималното животно осигурување кое што претпријатието е должно да го плати за секој машиновозач не се подмирени, а не се води грижа ниту за заштитни средства за работа, како што се облеката, чевлите и помошните помагала.

Пејовски укажа дека безбедноста на сообраќајот нема цена, бидејќи таа е најзначајна и за вработените и за граѓаните.

„Јавноста во Македонија нека не биде изненадена доколку се случи тоа што се случи во Хрватска и во Црна Гора каде што имаше слизнување на вагони со човечки жртви. Одговорно укажуваме на недостатоците и неисправностите на возилата. Ако одговорните не ги засега оваа ситуација, нека не ве чуди ако се случи нешто и во Македонија“, рече Пејовски, додавајќи дека за инвестиции во безбедноста не смее да се штети.

Покрај ова, синдикатот на машинскиот персонал на железницата бара на оваа група на вработени да им се уважи правото на бенефициран работен стаж.

Пејовски истакна дека за овие состојби синдикатот му укажал на раководството на претпријатието и на ресорното министерство, но засега нема конкретни резултати.

„Вработените во железница донесовме одлука од денеска започнуваме процес за организација на штрајк, доколку во следните денови немаме директни и конкретни разговори, кои ќе дадат резултат, ние ќе го започнеме штрајкот“, изјави Пејовски.

Воедно, вработените во железница сметаат дека им припаѓа правото и на акции од компанијата, бидејќи со години давале придонес во издигање на инфраструктурата.

„Ние сме акционерско друштво со државен капитал, во кое владата се декларира дека е стопостотен сопственик и треба да бидеме обесштетени со одреден процент на капиталот од компанијата“, изјави машиновозачот Зоран Цветановски, додавајќи дека вработените би требало да добија околу 30 отсто од акциите на компанијата.

Синдикатот на машинскиот персонал на Македонски железници АД „Транспорт“ сепак изрази надеж дека раководството на компанијата, која брои околу 1.500 вработени, во наредните денови ќе излезе во пресрет на нивните барања.

Izvor: http://www.a1.com.mk/vesti/default.aspx?VestID=121390

Навистина очекуван потег, само беше прашање на време кога ќе излезат железничарите со ваква реакција.