Булевар Борис Трајковски (Првомајска)

Новинар не е човек кој работи по нарачки и пренесува селектирани и пристрасни информации! Тоа треба да се луѓе кои ќе постават незгодно прашање, кои ќе истражуваат итн. а информациите ќе бидат објективни. Такво нешто кај нас нема...може беше Alfa до пред некоја недела, но ништо и од тоа...

Денес цел ден имаше градежни активности на улица која вчера беше свечено промовирана со цел државен врв и медуми...а ќе има и во следните денови

Edited by alexsend - 31-Oct-2012 at 16:55

Се ближат локални избори, па мислам дека има реална надеж барем за ова со тротоарот градските власти да ги повикаат изведувачите да ја оправат ситуацијата на сопствена сметка, за што верувам дека има подлога и во склучениот договор.

Вчера околу 16:00 комплетно е асфалтиран (прв слој нормално, оној основниот) делот кој се проширува. Друга работа, донесен е и бехатонот за тротоарите.
Верувам дека пред нова година комплетно ќе се пушти во употреба оваа фаза.

секој ден го користам булеваров и за жал морам да констатирам дека делумно е постигната целта. Сообраќајот се одвива побрзо од претходно, ама сепак не доволно. Еве ги моите забелешки:

1. Има премногу семафори! Незнам дали имало потреба да се постават семафори на секоја раскрсница. На пример, кај Чешма има доволно широк простор да се направи кружен тек, така што застојот таму би бил минимален. Вака со семафор се сопира сообраќајот за да се овозможи приклучување на една споредна улица (Есенинова) од која дури и ретко кога се вклучуваат само можеби две-три возила. Можеби треба да се постават паметни семафори кои со сензори детектираат возила и само во тој случај кога има возила да се активираат. Кружен тек можело да се изведе и наместо семафорите кај бараките на Општина Кисела Вода, а исто така и кај раскрсницата со улиците Михаил Чаков и Народни Херои. Со тоа ќе се елиминира потребата од семафори. Не ми е јасно како имаше потреба за кружен тек пред влезот на фабриката Титан, а вака прометни раскрсници се оставени да бидат регулирани со семафори.
2. Зелен бран или нема или не функционира како што треба! Кога од Центар се вози во насока кон Кисела Вода, по вклучувањето на зелено светло на семафорот кај Тутунски комбинат, веднаш се наидува на црвено светло на следните семафори кај поранешната фабрика Цветан Димов. И повторно чекање...
3. Најголемиот застој во правец од Кисела Вода кон Центар е на раскрсницата кај Тутунски комбинат. Ова само покажува дека има потреба од поврзување на Општина Кисела Вода со Општина Аеродром на барем уште една точка долж булеварот Борис Трајковски (проект што го најави Општина Кисела Вода, ама чисто сумљам дека ќе го реализираат - мислам дека стои само во програмата за 2013 година колку да има што да се пише). Како и да е, моменталното решение на булеварот Борис Трајковски не ги задоволува потребите на возачите. Потребно е да се обезбеди друг начин на брзо празнење на лентата за вртење во десно на семафорите кај Тутунски, како би имало побрз проток кон населбата Пролет и понатаму кон Аеродром.
4. Квалитетот на изведба на шахти е очаен! Шахтите се пропаднати (особено оние коцкастите), а бидејќи се наместени така што неможе да се избегнат без да се навлезе во соседната сообраќајна лента - мора да се вози преку нив. Пре некој ден веројатно фалеше капак од шахта некаде спроти Тинексот, па возејќи по улицата пред мене видов гранки како и даски како извираат од асфалтот. Некој ги набутал во шахтата за да ја означи, да се види од подалеку и да ја заобиколат возачите.
5. Пропаднат асфалт. Незамисливо е на еден нов, комплетно реконструиран булевар асфалтот да пропадне по толку кратко време. На местата каде е пропаднат, во дождливите денови се собира голема количина на вода која не се одлива во канализацијата, што (поради ефектот на аквапланинг) претставува опасност за возачите, ама и за пешаците.
6. Паркирање на булевар. Омилената дисциплина на џганот скопски возачи. Возачите паркираат на самиот булевар најчесто пред пиљарите кај Чешма. Поради близината на семафорите, оваква возачка некултура предизвикува опасност по сообраќајот. Секако, ова е задача за сообраќајната полиција, која мора да интервенира континуирано на овој потег со цел да се намали ваквото однесување. Џабе булвар кога истиот е блокиран!

врвот на глупоста е тоа како се подесени да работат семафорите кај Чешма. пропусноста е или во насока кон Центар или во насока кон Драчево. тоа е така бидејќи во исто време е дозволено свртување во лево, заедно со дозволлено движење право. и, на ова дополнитлно има еден период кога во двете насоки е блокирано за да се овозможи приклучување на возилата од Есенинова на лево кон Драчево.
несфатливо е како може булевар со 4 ленти да добие семафорско решение каково случај со тесни еднонасочни улици, па наместо да се стимулира поголем проток, се прави уште поголем застој.

Првото мислам дека нема шанси да се исполни поради фактот дека доста голем дел од земјиштето каде што треба да поминува таа улица е на приватни компании (Тутунски Комбинат и Сеавус) а Сеавус мислам дека има зацртано огромни планови за тоа што сака да направи таму ,така да не верувам дека толку лесно ќе го отстапи тоа земјиште.
Друго нешто е дека во таа околија има и ќуќи и некој деловни објекти (помали) кој ќе мора да се срушат.
А за вторава е доста интересна идеја ,може многу лесно да се изработи само со еден подвозник под пругата (нешто слично како на булевар Србија само помало) бидејќи од двете страни колку што се сеќавам има асфалт кој ќе треба само малку да се прошири.

Originally posted by daci92 Првото мислам дека нема шанси да се исполни поради фактот дека доста голем дел од земјиштето каде што треба да поминува таа улица е на приватни компании (Тутунски Комбинат и Сеавус) а Сеавус мислам дека има зацртано огромни планови за тоа што сака да направи таму ,така да не верувам дека толку лесно ќе го отстапи тоа земјиште. Друго нешто е дека во таа околија има и ќуќи и некој деловни објекти (помали) кој ќе мора да се срушат.

Улицата е одамна вцртана и во генералниот урбанистички план, така да во крајна линија компаниите не можат да бидат пречка, доколку постои политичка волја експропријацијата не треба да биде проблем.

Во врска со плановите на Сивус, не знам кое точно земјиште е нивно, но таму има солидан простор и ваљда не правеле планови за изградба на објекти токму врз трасата на сообраќајницата.

Всушност токму за Сивус оваа улица треба да биде полн погодок, со оглед дека единствено со нејзе може да им се обезбеди нормален сообраќаен приод. Сега се речиси отсечени. Плус тоа сегашната (не)поврзаност и опкружувањето на постојните патчиња е проблем за репрезентативноста на фирмата... не знам дали таму одржуваат состаноци со странци на пример и како изгледа тоа кога ги довезуваат...


За рушење колку што гледам трасата не засега ништо освен овој објект:
41°59'14.16"N  21°26'26.44"E
... и едно ситно објектче малку подолу
Нормално, прашање е каква е нивната намена, нивната моментална состојба и нивниот правен статус, но дури и ситуацијата да е најнеповолна од аспект на цената на експропријација, сепак е ситна работа.

Originally posted by daci92 А за вторава е доста интересна идеја ,може многу лесно да се изработи само со еден подвозник под пругата (нешто слично како на булевар Србија само помало) бидејќи од двете страни колку што се сеќавам има асфалт кој ќе треба само малку да се прошири.

Втората локација за поврзување од сообраќаен аспект секако е многу поприоритетна кога зборуваме за потребите на сите граѓани, но е покомплицирана бидејќи треба да се помине под пругите (или евентуално над нив со мост). Тоа всушност и не е некој проблем, но сме го виделе колкав е капацитетот и знаењето на градските и општинските власти за било каков проект покомплициран од кружен тек. Така да за голема жал, не би се кладел дека наскоро ќе се реализира ова поврзување.

Да, трасата на улицата е испочитувана во плановите на Сивус  

Не се согласувам дека улицата личи како да е еднонасочна. Всушност нејзината ширина е отприлика колку ширината на зградите (над 20 метри), што значи дека може да се протнат дури и 4 ленти со сите нишани ако има потреба.





Иначе супер фајнд за рендерите на Сивус 
Ќе ги постирам и во нишката кај нив



Edited by Cloverstack - 26-Jan-2013 at 13:27

Originally posted by daci92 Е сега улицава не е над 20 м широка бидејќи ни зградите не се толку ,од прилка од око од сликите и во живо што сум ја гледал постојано би рекол дека зградата има нешто помеѓу 9 и 15м широчина.

Можеш да измериш на google earth, зградите се изгледа точно 20 метри широки, а коридоров за улицата изгледа малку поширок.

Штета деновиве што воошто не се работи тука, а толку е убаво времето.

Edited by alexsend - 04-Feb-2013 at 18:30