Авиосообраќај (статистики)

ОБЕМ НА СООБРАЌАЈ ЗА АВГУСТ 2008 АЕРОДРОМ “АЛЕКСАНДАР ВЕЛИКИ” - СКОПЈЕ
10 Септември 2008 година

Со вкупно 84 180 превезени патници, Август е најфреквентен месец оваа година според бројот на патници, од кои 52 000 (62%) беа во полетување. Во однос на истиот месец минатата година бројот на патници е зголемен за 5.0%, а кумулативно за периодот јануари-август 7.2%.

Во текот на август беа опслужени вкупно 1329 операции на воздухоплови со пораст од 2.6% во споредба со истиот месец минатата година, а кумулативно за периодот јануари-август вкупниот број на операции е зголемен за 3.9%.

Исто како и во јули, карактеристични за август беа чартер линиите на кои имаше најголем пораст во однос на минатата година (24.6% во бројот на операции на воздухоплови  и 32.2% во бројот на патници) што најмногу се должи на туристичките чартери. Од почетокот на годината заклучно со крајот на август (претежно во летните месеци јуни, јули, август)  на директни чартер летови за туристичките дестинации во Турција, Египет, Шпанија, Тунис и Сицилија беа превезени 26 767 патници (75.3% повеќе од лани), а за разлика од минатите години, тие продолжуваат и во септември. Најфреквентни се Анталија и Шарм ел Шеик.

Во ноември превезени 41.334 авиопатници

Во текот на ноември беа превезени вкупно 41.334 патници што е за 2,9 проценти помалку од истиот месец лани. Како што соопштуваат од скопскиот аеродром, бројот на патници на редовните лини има зголемување од 4,4 проценти во однос на истиот месец 2007 година, а на чартер линиите намалувањето е 81,4 отсто.

Кај патничкиот сообраќај по дестинации продолжува истиот тренд. Топ дестинација е Виена, но и натаму најголем пораст има кај Љубљана (53%), Истанбул (21,3%), Будимпешта (19.2%) и Загреб (16.%). Најголем пад на бројот на патници има кај Цирих (-16.6%), помал пад има кај Белград и кај Хамбург/Берлин

Од 22 ноември започна да оперира кон Македонија новиот превозник Germania Fluggesellschaft (СТ) со една неделна фреквенција за/од Дизелдорф. Поради тоа, за прв пат од почетокот на годинава, во ноември кај дестинацијата Дизелдорф има зголемување на бројот на авиооперации и патници во споредба со истиот месец 2007 година.

За периодот јануари-ноември, превезени беа вкупно 607.746 патници што е зголемување од 5,2 проценти во однос на истиот период лани.

http://vecer.com.mk/?ItemID=4EF9746201E35442A6B3829678A33475

Македонија се наоѓа на  трето место во Европа, по бројот на прелети, со зголемување од 11, 5 отсто за месец април 2009, во споредба со април минатата година, според официјално објавените податоци од ЕУРОКОНТРОЛ за остварени единци од прелети, информира  македонската Агенција за  цивилно воздухопловство.

По негативниот тренд, како и во останатите земји од континентот, а како последица на рецесијата, во првите три месеци од годинава, со отпочнувањето на летниот ред на летање од 29 март,  Македонија бележи значителен пораст на прелетите. Зголемувањето на прелетите низ македонскиот воздушен простор се должи на превземените мерки и остварената соработка со соседните земји и пошироко во регионот, преку имплементација на нови воздушни патишта и оптимизација на граничните коридори, се вели во соопштението од Агенцијата.

Понатаму во истото се наведува дека како резултат на менаџирањето со воздушниот простор во изминатиот период се очекува трендот на зголемување на прелетите во Македонија да продолжи и во текот на летната сезона и покрај рецесијата и предвиденото намалување на воздушниот сообраќај на европското и светско ниво.

Поголем процент на зголемување на прелети имаат остварено само   Босна  Херцеговина со 14, 2 отсто  и Молдавија со 11,6 отсто. Во истиот период просекот на европско ниво е со намалување од - 4,5 отсто.