Maкeдонска опера и балет

Originally posted by Gradinarot Начинот на кој што го искажуваме своето мислење по различни теми, на форуми и дебати, е одраз на личното и колективно воспитување, кое што потфрла во целиот свет, а поготово во транзиционите земји. Мислам дека тоа ни е јасно на сите и нема што за тоа да се трошат реплики, нерви итн....Кој сака да си порасне, ќе си порасне и тоа е тоа. Сакам да споделам видување и полунформации за објектот кој е предмет на оваа нишка. Информациите не се цели, бидејќи скоро ништо и да нема за него на нетот, освен можеби на некои локални форуми и сл. Објектот е изграден, ако не се лажам, втората половина на 70-тите години, а проектиран од словенечки архитекти, поточно најнадежните апсолвенти во тоа време, на кои ова им било шанса да се искалат и докажат на јавен конкурс и да реализираат свое дело. Како правец , не би згрешил ако го сместам, во трансмодерна архитектура, поготово за тоа време и гледишта.Младешкиот ентузијазам и авангардност, ми се чини, дека сепак не одговорија во целост на барањата и функциите на овој објект, а надополнето од просечната реализација на истиот. Како прво, бетонското плато со голем број денивелации, никогаш не заживеа во матрицата на скопјани, иако може во себе носеше логична нишка на каскадно отворање кон реката, која му е, а веќе беше, една од најголемите вредности. Рамниот кров, иако под извесна инклинација, воопшто не кореспондира со скопското поднебје и неговите врели лета, па затоа овој објект е доположен на чести интервенции во покривниот слој, т.е. замена на хидро излоацијата, која што под дејство на високи температури попушта и доведува до често прокиснување внатре во самиот објект. Акустиката и големината на концертната сала се посебна приказна и мета на постојани критики, а што наведува дека кон реализација на целата проектна документација е пристапено мошне паушално и нестучно, а да не збориме за некоја постручна ревизија на самиот идеен проект. Присетете се на застојот во изведба на новата филхармонија, која што претрпе релатино сериозни измени во проектот за да се подобри акустиката на самата концертна хала, што е за мене исправен пристап, а за што беше ангажиран врвен акустичен инженер од Австија или Германија ако не се лажам. Поради волуменозноста на самиот објект и неговата диспозиција, помеѓу река, голема сообраќајница, НУБ, куќа мост т.е. кале во втор план итн. ме збунува зашто е тој реализиран само по една, лонгитудинална, оска и не се отвора доволно кон околните репери и знаменитости, кога веќе како локација ја имал таа можност. На крај, скајлнајнот кој овој ултрамодерен објект, за свое време, го пружаше со архаично минаре и кому-стамбени блокови во позадина, воопшто не оставаше впечаток ниту на модерен, ниту на ориентален град. Еве како за крај, ова за мене е класичен пример на missused, примена на проект во микро услови, и би сакал да разменам мислења за овој , повеќе би рекол феномен отколку успешен проект, на нашето модерно живеење.

Одличен пост (без разлика дали некој се согласувал или не).

Во секој случај, МОБ со сите свои доблести и маани според мене е една од најголемите архитектонски вредности што ја поседува Скопје, а контрастот со квази-барокните гротески кои се изградија околу него со цел да го скријат, всушност само ја прави таа вредност многу поочигледна за оние кои можеби немаат изострено архитектонско око, но имаат објективен пристап.

Еве малку инфо за објектот:

Во 1979 година словенечките архитекти Штефан Кацин, Јуриј Принцес, Богдан Спиндлер и Маријан Уршиќ на југословенски анонимен конкурс ја добија првата награда за Културниот центар во Скопје. На денот на образложението за наградените трудови од овој конкурс еден од членовите на ова еминентно жири ја образложи одлуката на Оценувачката комисија со зборовите: „Овој труд покрај своите ’органски‘ форми коишто со својата брановидност и асиметрична динамичност создаваат исклучителна хармонија помеѓу непосредната природна и изградена околина, има уште поголема вредност што авторите започнуваат со волумените на комплексот со ниски приземни височини коишто постепено оддалечувајќи се од коритото на реката Вардар се издигаат на спротивната страна со цел визуелно и физички да го прошират коритото на Вардар! http://www.utrinski.com.mk/?ItemID=EEDA1DD9251B9E40B8D558BFCE578D4D

Се обидов да најдам фотки од изградбата, но за жал ја најдов само оваа од нишката за Скопје после земјотресот:

реално, и на мене коса би ми се кревало од вакви работи, ама не мислам дека е нешто претерано страшно, самото тоа што се работи за детал, ги прави не толку приметни, и покрај стерилноста на просторијата
но сепак, не е нешто со кое што се согласувам, да се разбереме

Врска.

 
Сакаше да кажеш вознемирувачки кошмари, а не возбудливи соништа.

Незнам дали ова е продолжеток на Колонадата или е од МОБ како што кажува Mosaic74 od SSC -`Full reconstruction of the MOB's frontal pedestrian area`

Сепак нешто се гради позади финансова

само тие и господ знае што се гради

Za uteha neka bide deka eden den moze pak da se napravi restavracija na nekoi obezliceni objekti , koga togas, I jas se soglasuvam deka bez razlika na arhitektonskiot izgled komu mu se dopagja komu ne, tie stanaa beleg na Makedonskata arhitektura ... Najlesno e da obezlicis nesto, nesto slicno na Jelena Karleusa koja zalnata celata e obezlicena psiho-fizicki...

Претпоставувам дека се работи за некакво идејно решение за МОБ, бидејќи ако е влезен планов во било која институционална форма тогаш би морал да биде доставен до општина Центар, а од таму ќе го објават. Колку што се сеќавам, имаше еден оглас од МОБ за изработка на проект, само не знам дали е ова.

Што викате, треба ли да го прашаме раководството на МОБ за новата фасада или пак однапред го знаеме одговорот

Тоа што не може да се уништи, мора да се нагрди.  

Edited by Dexter26 - 30-Oct-2013 at 15:36

ова беше објавено одма,ама никој не го објави иако го имаше на сите портали

МОБ: Покривот е реновиран со помош на владата
Објавено: пред 6 часа
Прочитано: 585
Печати
Сподели со твоите пријатели!
Македонската опера и балет до редакцијата на Плусинфо испрати демант поврзан со написот под наслов „МОБ ќе добие покрив од ќерамиди“, објавен денеска.



„Во наведениот наслов придружен со фотографија, пласирана е ординарна дезинформација дека покривот на објектот на МОБ често прокиснува. Напротив, со сретства од владата во текот на 2002 и 2003 година, е извршена комплетна санација на покривот со поставување на квалитетна изолација. Со таа изведба ефикасно беше разрешен проблемот со прокиснувањето на покривот, кој траеше повеќе од една деценија, земајќи од година во година се поголем замав. Раководството на МОБ нема никакви сознанија за поставување на ќерамиди на покривот, ниту за фасадно обликување на објектот на МОБ како што се најавува во истиот напис“, се вели во демантот од МОБ.


http://www.plusinfo.mk/vest/112086/MOB-Pokrivot-e-renoviran-so-pomosh-na-vladata