И во српскиот центар со финансии учествува УЕФА. Всушност тие се доста понапред од нас со проектот. Од тоа што прочепкав по нет, договорите се веќе потпишани, а еве и денешна вест околу почетокот на припремните работи:

http://www.rts.rs/page/sport/sr/story/36/Fudbal/132251/%C4%8Celinici+FSS+i+Ministarstva+sporta+posetili+Staru+Pazovu.html

Најавуваат дека центарот ќе биде во функција до наредната есен. Дали ќе ги испочитуваат роковите не знам, но неоспорно е дека работат на проектот.


Јас повеќе би сакал да ти реплицирам на вториот дел од постот, за ситуацијата кај нас, но за жал тука нема што да се додаде. Можам само да ја споделам надежта со тебе.

мислам дека имаше друга тема за овој комплекс, каде што следевме и расчистување на терен. Ако некој ја најде таа тема нека ги премести сликите тука, па да очекуваме дека ова ќе се оствари

Камен-темелникот за новиот комплекс на 2 март

Камен-темелникот за новиот комплекс на ФФМ во општината Аеродром ќе се постави на 2 март. Првата лопата ќе ја фрли премиерот Никола Груевски, а најавено е присуство и на сите македонски фудбалски репрезентативци, кои тогаш ќе бидат во Скопје на подготовки за контролката со Црна ГораНа комплексот ќе има четири помошни терени кои ќе ги гради Агенцијата за млади и спорт, а бесплатно ќе ги користи ФФМ во наредните 99 години. Стадион со вештачка трева и капацитет од 5.000 навивачи и управна зграда ќе гради ФФМ, со донација од УЕФА вредна 2,8 милиони евра.

Според најавите, сега ќе се удри камен-темелник само на четирите терени, а најдоцна за еден месец, откако ФФМ ќе добие чисти документи за преостанатиот дел од комплексот треба да почне работата и со преостанатиот дел. Дури тогаш УЕФА треба да ги префрли парите.

http://www.time.mk/read/e648090f8a/0a193d0f59/index.html

колку што знам, на локацијата кај што утре ќе се удри камен темелник на тренинг комплексот на ФФМ нема куќарки, туку беше база на АД Маврово. Тој дел е скроз исчистен и мислам дека горе во постот има забуна за локацијата. Јас студирам на ФОН, така да во среда очекувајте слики од терен, да видиме дали ќе има почеток на работите. Штета што утре не сум на факс да одев да сликнев, а ептен ми е далеку за специјално да излегувам за тоа. Ако на некој му е блиску нека напраи утре неколку фотки

Утре во 11.30ч поставување на камен темелник



ФФМ и општина Аеродром ги покануваат сите редакции на утрешното свечено започнување на изградбата на новиот Тренинг центар и зграда на ФФМ на просторот кај реката Вардар. Градбата ќе ја официјализира Премиерот Никола Груевски во 11.30ч

Edited by Djole88 - 01-Mar-2010 at 18:25

ок моја грешка.ненамерна

И КОНЕЧНО!!!!

     

Нов фудбалски тренинг центар во Аеродром

Премиерот на Македонија Никола Груевски денес заедно со градоначалникот на Аеродром Ивица Коневски и претседателот на ФфМ Харалампие Хаџи Ристески, присуствуваa на свеченото поставување камен-темелник за изградба на четири фудбалски игралишта во општина Аеродром

Игралиштата, како што рече премиерот Груевски, се дел од капиталниот проект „Куќа на фудбалот“ и тие се дел од 50-те фудбалски игралишта што ги гради Владата преку Агенцијата за млади и спорт. Во рамки на проектот планирана е и изградба на управна зграда на ФФМ и дополнителен стадион за повеќе од 3.000 гледачи со вештачка трева.
- Четирите фудбалски терени, во кои Владата ќе инвестира 780 илјади евра се очекува да бидат завршени за седум месеци. По нивното завршување ќе бидат дадени на користење на Фудбалската федерација на Македонија, рече Груевски.

Петте фудбалски терени, како што истакна премиерот, по функционалност и грандиозност ќе бидат главен Тренинг центар и фудбалски дом, каде ќе можат да тренираат сите репрезентативци.

Груевски додаде дека досега се почнати со градба десетици фудбалски игралишта во државата и изградена е северната трибина на градскиот стадион „Филип Втори“.

Градоначалникот на општина Аеродром Ивица Коневски рече дека за почнување на проектот ги донеле неопходните детални урбанистички планови и ги решиле имотно-правните препреки.

Претседателот на ФФМ Харалампие Хаџи Ристески рече дека за Тренинг центарот бесплатно земјиште обезбедиле општина Аеродром и Министерството за транспорт и врски и додаде дека покрај 2, 8 милиони евра за изградба на овој проект од програмата на УЕФА, покрај земјиштето обезбедено од Владата и ФФМ ќе инвестира во проектот

На поставувањето камен-темелник присуствуваа и градоначалникот на Град Скопје Коце Трајановски, директорот на Агенцијата за млади и спорт Диме Илиев и фудбалерот Горан Пандев.



Игралиштата ќе се градат во населбата Ново Лисиче покрај кејот на реката Вардар.


Edited by Djole88 - 02-Mar-2010 at 15:12

1


2

1


2


3


4

Не бива малку ги има досега по цела земја, циганарија.....

изградбава иде со брзина на полжав 

ЦИРИХ / 2.03.11 / 12:59

Првиот човек на ФИФА, г-динот Сеп Блатер со писмо ја информираше Фудбалската Федерација на Македонија дека е една од членките на која Бирото за Гол Проект во светската фудбалска организација одлучи да и ја додели втората транша за инфраструктурни проекти во износ од 500 илјади долари.

Ова се средства кои ФФМ ќе може да ги искористи за подобрување на инфраструктурата во рамките на развојот на фудбалот во Македонија. Од ФИФА очекуваат ФФМ да продолжи со успешната реализација на нови проекти и наменското искористување на средствата од Гол проектот.

Според првиот човек на ФФМ, Хари Хаџи-Ристески ова е уште едно признание за нашата федерација и важна донација која ќе овозможи заокружување на финансиската конструкција за целосно реализирање и изградба на новиот Тренинг центар .

„Сигурно дека сум почестен со оваа информација од ФИФА испратена лично од претседателот Блатер во која се вели дека ние сме една од земјите на кои веќе им се доделува и втората транша од Гол проектот што сигурно е потврда за нашата успешна активност на планот на подобрување на условите за тренинг и воопшто на унапредувањето на фудбалската игра како основен сегмент за масовност и популаризација што сигурно во иднина ќе го зголеми и квалитетот на македонскиот фудбал“, изјави Хаџи-Ристески

Тој вели дека се веќе во процедура административните активности за старт на изградбата на Тренинг кампот во населбата Ново Лисиче.

Хаџи-Ристески објаснува дека со новите средства во износ од половина милион долари се заокружува финансиската конструкција за комплетна изградба и модернизација на првиот камп од ваков вид кај нас.

„Наша обврска е да работиме транспарентно и отчетно пред органите на ФИФА и правилно ги искористиме овие средства со што ќе отвориме можност за користење на нови донации. Токму ваквиот чекор на Бирото за Гол проект на ФИФА е признание дека ФФМ како федерација е една од најагилните во светски рамки и токму затоа е една од првите што ја доби втората транша од Фондот за солидарност во светската фудбалска фамилија“, вели Хаџи-Ристески./крај/ (еР) тт

http://daily.mk/cluster3/b34cf5684d526c0dfc3e15dc5cf00d23/620963

Последниве неколку дена има голема раздвиженост околу изградбата на Тренинг комплексот на ФФМ.