Урбана мафија и дивоградби (општо)

Никако да се намали бројот на дивоизградени објекти во земјава



https://telma.com.mk

КАЈАКАРИТЕ ПРИВЕДЕНИ ОТИ ЈА ЧУВАА ПРИКОЛКАТА СО ОПРЕМА ДОДЕКА ЈА ОТСТРАНУВАА 20 ПОЛИЦАЈЦИ И БРОЈНИ ИНСПЕКТОРИ ВО СТРУГА



Со силно полициско обезбедување, без судски налог и присуство на извршител денеска во Струга се отстрануваше времена приколка во која е сместен кајакарскиот клуб „Црн Дрим“, а која е поставена на државно земјиште. Акцијата за отстранување траеше повеќе часови, бидејќи младите кајакари не дозволуваа багерот да се приближи до приколката. Со жив штит се спротиставија на акцијата, па полицијата мораше да реагира, по што децата се качија на приколката но тоа за багеристот не беше причина да запре во намерата да ја извлече приколката. Од фирмата ангажирана за отстранување не беа поштедени ниту нованарските екипи на кои им беа упатувани навреди и закани.

Акцијата во која Општина Струга, и покрај бројните дивоградби, издала решение за отстранување на камионската приколка каде кајакарите ги чуваат реквизитите за тренинг, траеше неколку часови по што децата беа приведени, а приколката отстранета.

Претседателот на кајакарскиот клуб „Црн Дрим“ Струга, Игор Малески обвинува за селективност и пресметка за некои лични интереси.

„Извршувањето го прават без да ни достават известување и решение за отстранување. Не третираат како дива градба и комунален отпад. Наредба од Република Македонија немам да го отстранам објектот. Претходно, со багер на ‘Проаква’ Струга влегоа и повредија неколку деца со шутот кој го превртеа врз нив. Пријавивме во полиција, но нè советуваа да поднесеме приватна тужба. Ние тогаш се повлековме. Ова е атак врз спортот. Цело Охридско Езеро е избетонирано, а сила се покажува врз нас“, вели Малески.

Општинскиот комуналнен инспектор Трифун Танески вели дека постапува според своите надлежности. Според него, нема ништо спорно и секој нелегално поставен објект мора да се отстрани, но не одговори зошто, покрај бројните дивоградби, акцијата започна со една подвижна приколка.

„Објектот е поставен нелегално на државно земјиште, без одобрение на Општина Струга. Сопственикот го знаевме кој е, но тој не потврдуваше и не можевме да му доставиме ниту записник, ниту решение за отстранување. Во такви услови, издадовме решение за извршивање за непознат сторител и по тоа решение денес постапуваме“, тврди Танески.

Струшкиот кајакарски клуб има 30-тина кајакари. Покрај младите од Струга, таму тренираат и деца од Охрид и Дебар. Дел од нив биле и на светски првенства, а дел се олимписки надежи. Никола Малески е еден од кајакарите кој денеска заедно со останатите членови од клубот се спротистави на отстранувањето на објектот.

„Наместо да добиеме поддршка од државата тие не бркаат од тука. Општината сака да ја отстрани подвижната приколица каде ја чуваме опремата. Доколку го направат тоа ќе го уништат спортот. Сум се натпреварувал на многу светски и европски натпревари и ова е голем срам што денес го прави Општина Струга, срам за спортот. Со ваков пристап ќе го уништат кајакот во Македонија“, вели Малески.

Кајакарите добија поддршка и од колегите спортисти, но и од своите најблиски. Според нив, апсурдно е да се почне од отстранување на една приколка кога во градот има голем број дивоградби од цврста градба.

„Мојот внук тренира тука и ова е навистина невидена работа. Струга има премногу дивоградби, но засега нема никакви активности за рушење на објектите. Зарем дојде да се отстранува една приколка покрај толку дивоградби? Ова се спортисти и наместо да им се помогне тие ги бркаат“, вели дедото на едно од децата.

По долгите расправии, натегања и убедувања, децата завршија во полициска станица за попречување во извршување, а приколката се отстрани од крајбрежјето на Езерото.

https://sdk.mk/index.php/dopisna-mrezha/kajakarite-privedeni-oti-ja-chuvaa-prikolkata-so-oprema-dodeka-ja-otstranuvaa-20-politsajtsi-i-brojni-inspektori-vo-struga/?fbclid=IwAR2vA6ZKcQqvPMVJcz8ohHYtW8o4ABH-5nbF2iNuOcSJ8Olye-zDGcRkTsk#.X6-caxq6dDc.twitter

Ова кај Мавровка вака ќе си остане изгледа(од твитер)

Отстранети два нелегално изградени објекти во Центар





Секторот за инспекциски работи на Општина Центар, денес со механизација отстрани два нелегално изградени објекти на улицата „Водњанска“, односно една импровизирана градба и една дрвена барака.

Откако инвеститорите на двата објекти не постапија по решениjaтa издадени од Секторот за инспекциски работи, кои налагаат самите тие во законски предвиден рок од три дена самостојно да ги отстранат градбите, општинските служби пристапија кон присилно административно извршување, односно отстранување на градбите, велат од Центар и додаваат дека ова е само почеток на акцијата на Општината во борбата против нелегално изградените објекти на нејзина територија.

Издадени се вкупно 18 решенија за отстранување на нелегално изградени објекти.

Општина Центар упатува апел до сите инвеститори и сопственици на нелегални објекти, да постапуваат по издадените решенија за отстранување на објектите. Во спротивно, општината присилно ќе ги отстрани, со што трошоците за отстранувањето ќе паднат на товар на инвеститорите, односно сопоственците на нелегално поставените објекти

https://www.slobodenpecat.mk/otstraneti-dva-nelegalno-izgradeni-objekti-vo-czentar/

Урнати трафиките кај „Зелен пазар“, во акцијата ќе бидат урнати и 18 дивоградби



https://mk.tv21.tv/urnati-trafikite-kaj-zelen-pazar-vo-aktsijata-ke-bidat-urnati-i-18-divogradbi/

Акцијата на Општина Центар продолжува – отстранета диво поставената тераса на гостилницата „Аманет“ во палатата Емануел Чучков.
Откако инвеститорот не го отстрани нелегално поставениот објект во законски предвидениот рок од три дена, општината пристапи кон присилно административно извршување.
Активностите на инспекциските служби ќе продолжат и во наредните денови, а вкупно се опфатени 18 нелегални објекти кои се наоѓаат на територија на општината.







https://www.facebook.com/sasha.bogdanovikj

ОПШТИНА ЦЕНТАР УРИВА ДИВО ПОТКРОВЈЕ ВО БУЊАКОВЕЦ, СИ НАПРАВИЛ УШТЕ ЕДЕН СТАН БЕЗ ДОЗВОЛА



Општина Центар утрово почна со уривање на диво изградено поткровје во населбата Буњаковец, во зградите спроти Градежен факултет. Како што велат од кабинетот на градоначалникот Саша Богдановиќ, лицето без никаква дозвола си направило уште еден стан над зградата.

„Откако сам не ја отстрани дивоградбата пристапивме ние кон уривање“, велат од Општина Центар.

Општина Центар пред две недели почна со акција на отстранување на дивоградби во кои решенија се донесени за 18 објекти.

https://sdk.mk/index.php/dopisna-mrezha/opshtina-tsentar-uriva-divo-potkrovje-vo-bunakovets-si-napravil-ushte-eden-stan-bez-dozvola/

на ул.Багдадска близу Млечен во Карпош,за година дена многу згради изникнаа на улицава(од фб)

Нова година почна со урбанистички проблеми на жители во Кисела Вода



Новата година донесе вознемиреност и проблеми за станарите од зградата број 20 на улица Христо Татарчев во скопска Кисела Вода.
Според Деталниот урбанистички план предвидено е во дворот пред нивната зграда да се изгради нова со три спрата и поткровје. Утрово инвеститорот почнал со работа.

Новата зграда ќе го блокира влезот на станарите. Новиот пат што треба да го изгради инвеститорот според планот ќе бил еден метар повисок од сегашното ниво. Станарите стравуваат дека тоа ќе биде дополнителен проблем бидејќи тие и сега се поплавуваат кога има обилни дождови.

Градоначалникот на Кисела Вода ветува дека ќе се обиде да најде решение, но вели многу работи не биле под негова надлежност.

Случајот на улица Христо Татарчев не е единствениот проблем во Кисела Вода предизвикан од градежните маркици и ДУП-овите, според кои, како што велат жителите, се уништува зеленилото за да се градат згради.

https://sitel.com.mk/nova-godina-pochna-so-urbanistichki-problemi-na-zhiteli-vo-kisela-voda

(ФОТО) Повторно се гради кај срушената дивоградба во ТЦ Мавровка, сега поинаку



Четири месеци по уривањето на дивоградбата на местото каде беше кафулето „Фонтана“ во ТЦ Мавровка, повторно „никнаа“ столбови. Но, разликата сега е што тие не се армирано-бетонски, туку наликуваат на метални профили.

Од Општина Чаир за „360 степени“ велат дека сопственикот има право, согласно првично поднесениот проект, на просторот да постави лесна конструкција.

https://360stepeni.mk/foto-se-gradi-kaj-srushenata-divogradba-vo-tts-mavrovka-sega-poinaku/