Индијци ќе инвестираат во македонското образование

Студентски град ќе се гради во Велес. Претставници од индиската корпорација CEL Global, веќе неколку пати беа во посета на локацијата кај езерото Младост каде што треба да никне балкански образовен кампус. Во интервју за Лидер, Амреш Чандра, директор на компанијата, зборува и за изградбата на градинка во Капиштец, но и за изградба на средно учлиште во Скопје, како и зошто се одлучил да инвестира во образовниот систем во земјава.

ЛИДЕР:Изградбата на студентски кампус во Велес беше најавена уште минатата година. Во која фаза е реализацијата на проектот, и какви се содржини ќе има кампусот?

Целта е да создадеме еден кампус, студентски универзитетски кампус каде што ќе се одвива целиот образовен циклус. Кампусот ќе содржи училиште за средно образование, универзитет за високо образование, колеџи за професионално образование и други образовни програми како на пример, професионален развој, корпорациска обука и други. Кампусот е поделен на два дела – едниот за учење, каде што ќе се следат сите образовни програми и кампусот за живеење со два вида простори за живеење – еден за студентите и друг за професорите. Се одлучивме за Велес, затоа што, ако ги погледнете сите големи образовни кампуси во светот, ќе сфатите дека мошне битно е присуството на езеро во близина. Го избравме и затоа што е многу блиску до меѓународниот аеродром, 15-20 минути возење до Велес, 35 минути возење до Скопје, а и локацијата е уникатна -мирна и тивка, добра за развој на студентски кампус.

Во моментов, проектот е се уште во фаза на општо планирање. Пред да ја развиете целата програма, мора да знаете какво место имате, каква просторна програма и колку колеџи и универзитети можете да вклучите во неа. Тоа го правиме во моментов и наскоро ќе и го предадеме конечниот извештај на Владата. Идејата е да го изградиме проектот и да го популаризираме преку роудшоуа во Англија, Америка. Ангажиравме и компанија која треба да врши анкетирање на студентите. Тој извештај ќе биде готов и ќе ни го предадат за 60-тина дена. Треба да се направат уште многу други работи, истражувања за ставовите на студентите на Балканот, какво сместување претпочитаат, каков универзитетски кампус сакаат… Нашата идеја е со сите рокови, до крајот на 2013 да ни се пријават првите неколку универзитети и заинтересираните за инвестирање. Значи, се работи на активно надградување на проектот до крајот на годинава, со цел некои компоненти од учењето да почнат пред септември 2014 година.

ЛИДЕР: Веќе потпишавте договор за изградба на детска градинка во Скопје а најавивте и изградба на средно училиште- институции кои би требало да функционираат по меѓународни стандарди. Зошто одбравте да инвестирате токму во образовниот систем во земјава?

Ние како компанија одлучивме да почнеме со инвестиција во првиот чекор во образованието, а тоа е градинката. Ако создадете вистинска основа во најраното образование, тогаш ја имате вистинската платформа врз која можете да ја градите секоја образовна програма. Сметаме дека децата од 2,5 до 5,5 години петставуваат суштинска група која сакаме да ја образуваме според нашите уникатни системи. Затоа сакаме да инвестираме во кластер, а не во само една градинка, во цела Македонија, особено во Скопје, и да ја развиваме таа мрежа. Веќе потпишавме договор за првата меѓународна градинка „Сент Полс“ која ќе се гради во Тафталиџе. Ќе почнеме со изградбата најбрзо што можеме. Во меѓувреме го разгледуваме најдобриот терен за изградба на меѓународно средно училиште кое исто така ќе се вика „Сент Полс“.

Што се однесува до кадарот, потребни се професионалци кои ќе ги донесеме во јуни од Англија и од Канада, за обука на македонските професори. Исто така, сериозно размислуваме и за професионални обуки во Англија, односно да спонзорираме овдешни професори кои ќе се обучуваат таму. Ќе имаме клучен експертски, странски кадар, но генерално, кадарот главно ќе биде од Македонија бидејќи сметаме дека и професорите во Македонија се мошне квалификувани.

ЛИДЕР: За да се одлучите да инвестирате во образованието мора прво да го познавате системот во земјава и како тој функционира. Што мислите за македонското образование и колку е различно од едукацискиот систем во Индија?

Има многу разлики бидејќи индискиот образовен систем е наследство од Британската империја. Тие системи за оценување беа адаптирани, па сега имаме два система – едниот наследен од британскиот режим и еден прилагоден за домашното образование. Во моментов двата системи се спојуваат, па на пример, индискиот систем за оценување е сличен како тоа што го имате во Македонија. Спојот е добар. Постојат и други разлики меѓу образовните системи, но меѓународните образовни системи не се дефинираат според тоа во која земја се наоѓаат. Има разлики, но мислам дека во овој момент, по повеќето средби што ги имав со министерот за образование, особено со акцентот што го става премиерот врз образованието, со преводите на книги на македонски, очигледно е дека се случува голема трансформација. Мислам дека образовниот систем во Македонија е во фаза на трансформација, се држи до домашните образовни системи, но брзо покажува и флексибилност и се адаптира на меѓународните системи. Државните училишта во коишто има спојување на македонскиот и интернационалниот системот се совршена комбинација.

ЛИДЕР: Во Индија во последните 35 години успешно раководите со средното училиште „Сент Полс“. Може ли да ни ја откриете тајната како се раководи со еден успешен образовен проект?

Моите родители, кои беа основачи и директори на компанијата CEL Global и на училиштето „Сент Полс“, го отворија првото училиште „Сент Полс“ во 1978 во мал, трособен стан. Таму почна патешествието на „Сент Полс“. Брзо беше назначен еминентен борд на директори кои им помогнаа и ги советуваа основачите. Така почна да расте семејството „Сент Полс“. Денес имаме четири образовни кампуси, два интегрирани и два одвоени, и на сите кампуси имаме речиси 3 илјади студенти. За 35 години поминаа повеќе од 4 илјади студенти од кои некои денес се на високи позиции во индската војска, во медицината, во инженерството, но и на меѓународно ниво. „Сент Полс“ работеше одлично во однос на академската компонента. Матичниот кампус на „Сент Полс“ има и сместувачки капацитет и изминатите 15 години имавме студенти од Дубаи, Сингапур, Хонг Конг. Тоа беше долго патување од 35 години што го почнаа моите родители и сме мошне среќни што од мал трособен стан, денес матичниот кампус зафаќа веројатно 10 хектари. Се разбира, имаме и други кампуси. Затоа одлучивме да го донесеме брендот „Сент Полс“ надвор од Индија и решивме Македонија да биде дел од него.

http://lider.mk/2013/04/15/indijci-ke-investiraat-vo-amkedonskoto-sobranie/

Незнам дали припаѓа во оваа нишка но сепак го ставив тука бидејќи не најдов по соодветна.
Инаку јас лично сум против ова да се гради вакво нешто покрај езерото Младост бидејќи една мирна, тивка и одлична локација за одмор и рекреација може да се претвори во ѓубриште знаејќи ги нашите студенти и нашиот менталитет.
Но сепак таа локација мора некако да заживее...

Во текот на летниот период засилено се работи во училиштата во Аеродром. Се реконструираат спортските сали во основните училишта „Димитар Македонски“, „Лазо Ангеловски“, „Ѓорѓија Пулевски“, „Љубен Лапе“, „Браќа Миладиновци“ и „Блаже Конески“.

На увид на градежните работи денес беа министерот за образование Спиро Ристовски, градоначалникот на Аеродром Ивица Коневски и директорот на АМС Александар Пујовски.

-Ќе се изврши реконструкција на спортските сали, соблекувалните и просториите за реквизити. Исто така, ќе се реконструираат покривите на спортските сали во некои училишта, ќе се промени внатрешната столарија, ќе се реновираат санитарните јазли, ќе се постават заштитни решетки на прозорците и вратите, ќе се заменат подовите и плочките во соблекувалните и ходниците. Ќе се молерисуваат ѕидовите и плафоните, а ќе се реконструира и водоводната, канализациската и електричната инсталација, истакна Коневски.

Од АМС секогаш со голема поддршка пристапуваат кон ваквите проекти.

-Преку реализација на проектите за спортската инфраструктутура, што е основен предуслов за вклученоста на граѓаните во спортот, покрај просторно спортот се проширува и во кругот на зголемувањето на општото здравје. Со ова Владата на Република Македонија ги комплементира сите сегменти кои се однесуваат на квалитетот на живеење, рече директотот на АМС.

За оваа цел се наменети 25 милиони денари од буџетот на општина Аеродром.

http://www.kurir.mk/republika/skopje/120215-Novi-i-moderni-sportski-sali-za-site-ucenici-vo-Aerodrom