Споменици и скулптури (општо)

НА ПЛОШТАДОТ ПЕЛА ВО СКОПЈЕ

Ќе се гради триумфална порта

Скопската триумфална порта веќе се изработува и таа е дело на вајарката Валентина Стевановска, која го работи споменикот на Александар Македонски

По примерот на Триумфалната порта во Париз, порта ќе биде поставена кај плоштадот Пела во Скопје. Таа ќе биде поставена преку улицата која сега се користи како такси-станица, меѓу плоштадот Пела и сендвичарниците пред Градскиот трговски центар.
Скопската триумфална порта веќе се изработува. Таа е дело на вајарката Валентина Стевановска, која го работи и споменикот на Александар Македонски на плоштадот Македонија. Како и сe останато што се прави за центарот на градот, тајна е кога ќе биде поставена портата и како ќе изгледа. Од Министерството за култура, кое е нарачател на портата, само потврдија дека се подготвува порта за оваа локација.
"Портата не е тајна. Тоа е скулптура, која е дел од 35 -те скулптури кои се поставуваат во центарот", велат од Министерството, но не кажуваат кога ќе биде поставена, зашто одлучиле на тоа место да има порта, што ќе симболизира ниту, пак, колку ќе биде висока.
И вајарката Стевановска вчера не беше достапна да даде објаснување за портата. Пред околу два месеца, во интервју за "Вест", вајарката кажа дека добила на конкурсот на Министерството за култура за скулптурите да изработи релјеф за скулптура "Порта" во мермер.
Портата ја има во Деталниот урбанистички план "Мал ринг". Неа, на барање на Министерството за култура, ја предвидоа проектантите од ИНПУМА со измените на Планот лани во декември. Оваа порта ја немаше во измените на истиот план кои се правеа лани во јули, кога беа предвидени само две порти. И двете се на вториот дел на улица Македонија. Едната е веднаш до поранешен "Рекорд", до раскрсницата со Димитрија Чуповски, а другата е до раскрсницата со улицата Даме Груев. Од Министерството не кажаа дали се подготвува поставувањето и на овие две порти. (М.И.П.)

http://vest.com.mk/?ItemID=A32BFC491486FC4B84F0800F20DE34CD

Јас навистина се надевам дека следната власт што ќе дојде ќе има доволно taşaklar да ги сруши сите овие идиотштини. Од ова, до Александар НАЈвелики, сосе музејот на партенон т.е. Вардар. Јас прв ќе донирам пари.

Како овие капии и нивните локации да не се доволно малоумни сами по себе, очигледно „планерите“ не можат ни да си ги искоординираат проектите, па се доведуваме во уште поапсурдна ситуација.

Еве оваа што ни се сервира кај Плоштадот Пела некако не ми оди со подземниот коридор под плоштад - кракот кој доаѓа од кај собрание. Изградбата на оваа капија ќе значи дека ќе се ограничи можниот простор за понирање на тој крак, а бидејќи тој уште не е прецизно простудиран, не знаеме дали и како тоа ќе се одрази врз него. Поради оваа глупост од капија, може сериозно да се искомплицира и унакази тој инфраструктурен проект со огромно значење!
А дури и ако нема никакви ограничувања и технички проблеми, пак се поставува прашањето што мајка ќе бара оваа капија таму, бидејќи со изградба на коридорот површинската оска на движење ќе се прекине, па капијава ќе биде обично слепо црево, слеп завршеток на едно пешачко плато! Повеќе логика прави да изградат ѕид отколку капија

Сличен проблем и кај онаа капија што ја планираат кај „Рекорд“... Коце таму планира да прави подземен премин ( ступидна идеја сама по себе ), а капијата е вцртана веднаш до улицата! Значи и таа капија ќе биде слепо црево, а под нејзе ќе проаѓаат единствено оние што ќе се качуваат на такси на тамошната такси станица. Или тоа или ќе мораат да направат нови експресни измени во ДУП-от и капијата да ја преместат карши спомен куќата на Мајка Тереза

И ај сега нека каже некој дека барем површно размислиле како проектите им се вклопуваат еден со друг, а не па со она што веќе го има на терен, да не одам подалеку да барам некаква софистицираност



Како и да е, малоумните идеи продолжуваат со несмалено темпо, продолжува криминалната нетранспарентност, а еве гледам продолжуваат да се вртат и истите фаци што ни се веќе од порано познати од кошмаров за Мал Ринг - Валентина Стевановска и Коста Мангаровски. Абе ова ни во Зимбабве ни во Либија го нема!


И аман веќе со тоа „триумфална“.  Триумфалната капија во Париз не се вика „триумфална“ од чиста мира! Таа била нарачана од Наполеон по повод неговата победа во битката кај Аустерлиц. По повод кој триумф кај нас се раширила таа терминологија?? По повод триумфот на политичката глупост врз урбанизмот и аритектурата?


Edited by Cloverstack - 11-Jun-2009 at 18:51

Чекај Кловер бе малку! Ти велиш по повод кој триумф се става оваа капија? Како по кој? Па зарем е лесно да си земја со најмали приходи по глава на жител, зарем е лесно да имаш 35% невработеност во цела Европа, да имаш патишта со дупки, просјаци на секој чекор, распаднати болници и училишта, никакви присутни светски брендови...итн итн. Не ги потценувај нашите успеси те молам! Инаку да незнаеш кого да грабнеш, дали неспособнава и идиотска власт, или несопособната и неорганизирана опозиција, која ништо не прави да го спречи овој хаос и самоволие. Белким некој ден ќе дојде некоја нормална власт и со динамит ќе го крене овој кич во градот! 

my macedonia, нема логика ова што го збориш затоа што добар дел од глупостите се зацртани или веќе се градат од страната на Плоштадот Карпошово Востание. Но зарем е некаква придобивка тоа за тој простор?!?


Edited by Cloverstack - 11-Jun-2009 at 18:58

Ајде доста со глупостиве!!! Прво Скопје  е едно а имено главен град на Република Македонија. Второ каде се изградени Северен Булевар - на сверната страна, а Јужен и Крушевска не се на јужната. Каде се изгради клучката Континентал и каде се гради клучката Бит Пазар?!?Каде е Саемот и индустриските зони?

тенденциозно мислење мајмаседниа. Во последниве 30 години во цело Скопје се нема инвестирано еден денар државни пари. Градската инфраструктура е горе доле на ниво од почетокот на 80те. А од тоа време изградбата е прилично балансирана со тоа што нормално е новите делови од Скопје да изгледаат понормално бидејќи се нови.

Неможе на пример Турска чаршија или бит пазар да изгледаат модерно кога се прилилно автентични јадра.

После 90те изградбата е генерално од приватен капитал. Поголеми државни инвестиции нема. А приватниот капитал самиот си бира каде ќе гради. Нормално онаму каде има пазар.

На крајот на краиштата секој град има посиромашни и побогати делови. Тоа е неизбежно освен ако градот не е во Швајцарија или Скандинавија. Нема потреба од барање никакви позадини а дури и да ги има секако дека тие не се клучни фактори.

Триумфалната порта ќе се вика Македонија На портата кај плоштадот Пела во релјеф ќе биде изработен мотив од "Тешкото" Триумфалната порта, која за две години ќе биде поставена кај плоштадот Пела ќе се вика Македонија. Скулпторката Валентина Стевановска, која ја изработува портата, ни го откри името и релјефите кои ќе бидат на неа, но не сакаше да каже зошто за портата го одбрала токму ието Македонија. "Портата ќе биде изведена од бетон и мермер, а релјефите ќе бидат во бронза и во мермер. Ќе има мотиви од нашата традиција, како, на пример, 'Тешкото' . Идејата е, преку релјефите на портата, да се претстави историјата на Македонија. Во подготовка сум, па уште не се докрај дефинирани сите мотиви кои ќе бидат на портата", ни рече Стевановска. Триумфалната порта, која е дел од 35-те скулптури кои се поставуваат во центарот, ќе биде висока 12 метри, односно отприлика колку една четирикатна куќа. Се изработува по примерот на Триумфалната порта во Париз, а ќе биде поставена преку улицата која сега се користи како такси-станица меѓу плоштадот Пела и сендвичарниците пред Градскиот трговски центар. http://www.vest.com.mk/?ItemID=73B06399FC821D45AC6AB7F9B24EADF8

Дилемава стварно не е лесна да се разјасни! Можеби така се вика државата?!

Не изгледаат воопшто лошо.  Иако би требало да ги видам у живо за да кажам за сигурно мое мислење. А исто многу ме интересира како се вклопуваат со околниот простор. Ваше мислење, кој ги видел у живо?

Originally posted by Cartman Не изгледаат воопшто лошо.  Иако би требало да ги видам у живо за да кажам за сигурно мое мислење. А исто многу ме интересира како се вклопуваат со околниот простор. Ваше мислење, кој ги видел у живо?

Тие кривуљарите не припаѓаат таму и тоа одма се чувствува кога ќе ги видиш во живо, а „Балерина“ тематски се вклопува во просторот но можело барем поквалитетно да се изработи. Од мене има 4.5 од 10