Демографија

Евростат: Очекуваниот животен век во Македонија изнесува 74 години - а просекот во ЕУ е над 80

Македонија е далеку под Европскиот просек за животен век од 80 години. Споредено со предпандемиската 2019 година, просекот е паднат за над две години, односно најголем пад во регионот, вели анализата на Евростат за очекуван животен век во Европа. Животниот век во земјава е 74,4 години, што ја прави Македонија подобра само од Бугарија која пак е најлоша во регионот. Покрај многуте причини, најголем удел во ваквата негативна стапка во последниве две години има пандемијата, смета екс-директорот на ДЗС Дончо Герасимовски.

„Секако има силно влијание на намалување на населението, каде што процентот на умрени лица е доста пораснат во последниве две години, но треба да имаме во предвид дека како Македонија имаме и негативен природен прираст. Тоа значи дека бројот на населението се намалува во природен пад, односно имаме повеќе умрени, отколку што имаме број на родени.

Сепак, доколку се изземат последниве две години, иселувањето од Македонија, најчесто на младите, е главниот фактор што земјава е толку далеку под европскиот просек, смета Герасимовски. Причина за тоа е барањето подобра образовна или економска средина за живеење, вели тој, додавајќи дека тоа може да се промени со добра стратегија.

Со една стратегија, како и голем број на земји кои што се соочуваат појави, имаат направено стратегија за популациона политика и подобрување на сите оние параметри кои треба да се преземат со еден акционен план. Стратегија која што ќе даде стимулс на младите, стимулс за подобар животен стандард, стимулс на вработување, стимулс на подобри плати

Единствена земја од регионот која е над европскиот просек е Грција со 81,4 години. После нејзе следуваат Хрватска со 77,8, Албанија со 77,4 и Црна Гора со речиси со 76 години. Во Србија очекуваниот животен век изнесува 74,5 години, а на дното е Бугарија со 73,6 години.

Најдолг животен век според Евростат имаат Норвежаните со 83,3 години во просек, а потоа следуваат Финска и Швајцарија со 83,1 година.

Очекуваниот животен век при раѓање е просечниот број на години што едно лице може да очекува да ги живее при раѓање доколку е подложено на моментални услови на смртност во текот на остатокот од својот живот. Помеѓу 2002 и 2020 година очекуваниот живот век во ЕУ е зголемен за речиси три години.

https://kanal5.com.mk/evrostat-ochekuvaniot-zhivoten-vek-vo-makedonija-iznesuva-74-godini-a-prosekot-vo-eu-e-nad-80/a527863

Три работи:

1. Централизација на Скопје,

2. Враќање на старите општини од пред 1996-та! 30-тина града во 30-тина општини! И да ги нема повеќе овие (етно)-сателити во форма на општини, како Центар Жупа, Липково, Новаци, Карбинци, Јегуновце, Кривогаштани, Конче, Петровец, Василево, и слични будалаштини. Доста ни се овие инкубатори на корупција. Еден град - Една општина!

3. 2-степена админситративна поделба, како што доликува на нормална држава. Едни ингеренции наедно ниво, други на други. За правилен, логичен и нормален регионален развој!

Edited by user8642 - 15-May-2022 at 11:48

Тешко да се спроведе такво нешто. На пример Липково ако се припои кон Куманово, етничката структура комплетно ќе се смени. Дури и Скопје тешко ќе проголта припојување на Арачиново и Студеничани. Да немавме етно национализми и тензија можеби, иначе ефектот ќе биде Кичево-Струга. Тие два града комплетно се уништени во секоја урбанистичка смисла...

Во 2021 уште поголем број на починати во Македонија, само од негативен прираст загубени 10.000 жители за една година

Во Македонија минатата година имало 18.580 живородени, додека починале рекордни 28.816 лица. Негативниот природен прираст изнесува минус 10.236, сумира Државниот завод за статистика.

Пандемијата негативно се одрази и минатата година по бројот на починати, исто како и во 2020, кога 25.775 лица го загубија животот.

Во годините пред пандемијата на коронавирус, во Македонија годишно умираа по околу 20 илјади лица - редовно нешто повеќе или помалку од оваа бројка.

Позитивен наталитет имало само во општините Василево, Липково, Студеничани, Сарај , Чаир, Шуто Оризари, Арачиново и Долнени.
Загрижувачки е тоа што во првото тримесечје од 2022 година, во земјава се евидентирани 4 009 живородени деца, додека умреле 7 427 лица.

Природниот прираст е -3 418, што значи дека за толку лица е помал бројот на живородените деца од бројот на умрените лица.

https://faktor.mk/vo-2021-ushte-pogolem-broj-na-pochinati-vo-makedonija-samo-od-negativen-prirast-zagubeni-10000-ziteli-za-edna-godina

Статистика: 1,2% од луѓето над 15 години се неписмени, две третини од нив се жени

Во 21 век, во 2021 година 18.897 лица од резидентното население во земјава постари од 15 години, се неписмено, што е 1,2 проценти од населението. Ова го покажа новиот сет податоци од пописот на населението спроведен минатата година кој денеска го објави Заводот за статистика, а според кои поразителен е и податокот за соодносот на неписменоста меѓу мажите и жение, односно од нив 5.517 се мажи, а 13.380 се жени. Не е поразличен ни соодносот и кај оние без образовени. Од вкупно 23.192 македонски граѓани над 15 години кои се без образование што е 1,5 проценти од вкупното население во земјава, околу 7.000 се мажи, а над 16.000 се жени.

Со незавршено основно образование се 4,1 процент од населенито во Македонија односно малку повеќе од 62.000, додека само основно образовение имаа речиси една третина од жителите во земјава, однсоно 27,8 проценти или изразено во бројки 423.456 лица, од кои над 240.000 се жени. Со средно образовение се над 670.000 граѓани, додека високо образование имаат 263.000 граѓани, од кои 122.000 мажи и над 140.000 жени. Во Македонија само 0,4 проценти од граѓаните над 15 години имаат докторат како степен во образованието односно 6.037 лица.

Од оние со високо образование најбројни се оние со диплома во областа инженерство, производство и градежништво, 18,7 проценти, а само 1,9 проценти или малку на 19.000 лица имаат диплома од информатичко-комуникациски технологии.

Статистика денеска ја објави бројката и на работоспособно на населението во земјава, 1.525.366 лица од кои вработени се повеќе од 608.000 граѓани постари од 15 години и тоа најмногу од нив со диплома од средно образование. Според дејности, најмногу вработени има во преработувачката индустрија, над 123.000 македонски граѓани. Повеќе од 109.000 македонски гражани активно бараат работа.

Поразителен е податокот кој го покажува пописот дека половина од работоспособното населениет во земјава или над 768.000 е неактивно односно не бара работа, од кои 440.000 се жени.

Податоците од пописот во 2021 година покажуваат и дека дури 450.000 лица во земјава се издржувани, од кои повеќе од 250.000 се жени.

Статистика во денешниот сет податоци ги објави и бројките за лицата со попреченост. Па така во земјава како лица со некакво вид попреченост се изјасниле повеќе од 94.000 македонски граѓани од кои речиси половината се на возраст меѓу 15 и 64 години. Според видот на попреченостод најголем број од лицата имаат проблеми со движењето односно над 38.000 од нив, додека со видот попреченост пријавиле над 12.000 македонски граѓани.

Третиот сет пописни податоци опфаќа податоци и за становите во змејава. Па така од вкупно 839.174 стан во Македонија во речиси 532.000 или во 63 проценти од нив се живее, додека повеќе од 307.187 станови или повеќе од 36 проценти се ненаселени. Од нив најголем број 59.300 се во Скопје, над 17.800 во Охрид, 16.000 се во Битола, речиси 13.000 во Ничево, над 12.000 во Гостивар и Куманово, нешто помалку, 11.000 има во Прилеп, а 9.700 во Тетово.

https://telma.com.mk/2022/06/01/statistika-12-os-lugjeto-nad-15-godini-se-nepismeni-dve-tretini-od-niv-se-zheni/

Јас не ги разбирам бројкиве за основно образование, нели треба да се блиску до 100% во помладите и средовечните генмерации кајшто фатиле задолжително основно?

3% без основно под 19 години во 21ви век во на тоцку мала држава е резил и општествен пораз

71% центарци од 30-34 години имаат факултет, а 24% се магистри или доктори :О Ако ги изземеме тие без податоци, бројките се 77% и 26%.

1.7% млади (20-24) се без основно; 14% во Василево, 5-10% во Чашка, Радовиш, Центар Жупа, Шуто Оризари, Струмица и Карбинци и 3-5% во Кочани, Босилово, Прилеп, Штип и Демир Капија. Проблемот мора да почне да се решава со економска и станбена интеграција, со што би се надминала сериозната исклученост на Ромите. Штом се постигне тоа, другите работи ќе почнат полесно да се решаваат.

Епа добро би било да видиме според факултети/струки, кои се тие докторанти? Зашто вака едноставно нема по-погрешен начин на гледање на работите, сите на куп, собирање баби и жаби.




Edited by user8642 - 13-Jun-2022 at 19:35