Вандализам и примитивизам

ГИ ИСКРАДОА ЗАСАДЕНИТЕ РОЗИ

Нема ден а да не биде украдена по некоја роза од оние што беа неодамна засадени во акцијата „Македонија земја на розите“. Ни чувари не можат да ги спасат розите од крадците, коментираат од „Паркови и зеленило“, кои се едни од главните реализатори на акцијата низ Скопје. Според анализите на претпријатието, во првите 3-4 дена од акцијата биле засадени 800 рози и буквално преку ноќ исчезнале педесетина.

„Украдени се речиси сите рози што беа засадени во Аеродром и во Ново Лисиче. Во делови на булеварот ‘Видое Смилевски Бато‘ имавме поставени и чувари кои ги чуваа розите до 6 часот изутрината. Но, штом си заминале, некој дошол и си завршил работа“, вели Душан Авировиќ, директор на „Паркови и зеленило“.

Вели, навикнати се несовесни граѓани да ги крадат тазе засадените цвеќиња и зимзелени садници, но, за жал, не постои механизам како да се спасат цвеќињата од крадците.

Инаку, до вчера низ Скопје беа засадени околу 5.000 рози. И бели, и розови, и црвени... Акцијата ги заобиколила Сарај и Шуто Оризари, оти, како што вели Авировиќ, во тие делови нема соодветна јавна површина.

Локалните власти се решија да садат рози по должина на булеварите, бидејќи цветот на розата апсорбира големи количества тешки метали, олово и цинк од водата, воздухот и почвата.

http://www.utrinski.mk/?ItemID=73AF7E0390FF914C8E02C8E1AC0CFDE4

УКРАДЕНИ СОНЧЕВИТЕ КОЛЕКТОРИ НА ВОДНО



Непознати сторители изминатиот викенд украле два сончеви колектора и два акумулатора од светилките на соларна енергија на големиот видиковец на Водно, информираат градските власти. Оштетен бил уште еден сончев колектор и акумулатор од светилките, а крадците искршиле и три светилки на видиковецот, додека комплетно се оштетени и две канделабри.

„Светилките што ги осветлуваат двата видиковца во парк-шумата Водно се сопственост на Град Скопје, а направената штета се проценува на над 110.000 денари. Градот ја пријави извршената кражба во полиција, која трага по сторителите“, информираат надлежните.

Од Градот апелираат граѓаните да ја чуваат поставената урбана опрема на јавните површини и да го почитуваат комуналниот ред.

http://www.utrinski.mk/?ItemID=AA94ED46BE7313478A64A34C83D53EFF

Се краде, се крши и уништува, се фрла ѓубре кој кај стигне... то е.
Еве сабајле на автобуска чупе едно пушеше, оп пикавецо на земја, а на метар од нејзе имаше канта (со дел за гасење цигари). Око не и трепна ко ја прекорив.

Да, тоа е вистина. И никој ништо не кажува за тоа што се уништени столпчиња кои се сигурно доста скапи у експресен рок. Језиво..

А во исто време со толку гаражи, во сред центар огромни диви пааркиралишта на зелени површини..Логика во тоа??

Мислам дека кога би можеле ваквите ликови би се качиле и на дрво да паркираат...

Бакојани во едно ја подржувам-кога беше градоначалник на Атина забрани влез на СУВ-ови и џипови во централното јадро на градот.рече трошеле многу гориво и го загадувале воздухот(чаламењето е капак на све)

policija samo za vikendi raboti koga se nerviozni zosto togas se na smena