Урбанистички планови и парцели (општо)

Алатката е многу практична за прегледност, но ДУП-овите треба да ги качат во JPG или некој друг погоден формат.

Инаку засега им е хаос на страницата, најголем дел од линковите се погрешни и пренасочуваат кон еден единствен ДУП. Ваљда ќе средат бргу, чим се потрудиле да стасаат до овде, ваљда нема да го баталат

СДСМ: Нов скандал со градежни парцели зад трговскиот центар Рамстор

	Коментари (0)

29.08.2010 16:38

Јани Макрадули

Нов скандал со градежни парцели на територијата на општина Центар обелоденува СДСМ.

Опозициската партија предупредува дека Советот на општината на утрешната седница треба да гласа за измени на деталниот урбанистички план со кои јужниот булевар нема повеќе да постои, а на негово место и во околината на локацијата за изградба на хотел од светскиот бренд Радисон, ќе се вцртаат три нови градежни парцели со измени спротивни на генералниот урбанистички план.

Од СДСМ велат дека целата постапка е по налог на Груевски, а со новите измени ќе се добијат нови 300 илјади квадратни метри кои ќе се градат врз јужниот булевар зад трговскиот центар Рамстор.

Според СДСМ станува збор за бизнис тежок 600 милиони евра за чија реализација утре зелено светло треба да дадат советниците во општина Центар. Според СДСМ хотелската Окта зад Рамстор со ова прераснува во афера Вотергејт.

„Овие промени на деталниот урбанисти план на стара железничка, кои утре ќе се најдат на дневен ред пред советниците на општина Центар, се измени по нарачка на Груевски, кој со одлука на неговата Влада ја објавил во службен весник 96/31 во Јули 2009-та година.

- Овие промени ги прави во приоритетна постапка на идентичен начин и по иста процедура како и промените на деталниот урбанистички план Мал Ринг, кој Уставниот суд ги укина“, изјави Јани Макрадули - СДСМ.

http://www.time.mk/read/34f59281bd/082be1e5d2/index.html

Е сега ме влечат за јазик, априори алудираат дека мора по дифолт да биде некој криминал или некоја манипулација ако се работи за вакво хибриден државно-приватен, па морало да не се остави предвидениот дел од трасата под објектот. Господа не ова Тифани што загрози подземен вцртан булевар. Таму не беше ни предвидено, значи ниту предвидено. Буквално се стави на среде траса, ни срам ни перде. За јужен булевар тука е предвидено. Од друга страна, влада, градска власт и сите инволвирани сериозно да си го сватат јужен булевар како некој нареден проект во брзо време. Доста време е само на хартија. И како што многу пати сум кажал и сега пак ќе кажам дека јужен булевар е проект што очекувам во скоро време да го видам, барем почеток, а ова тука им е најчиста траса како за почеток. И јас сум загрижен и претпазлив околу евентуално загрозување на трасата на јужен булевар, но ова што до сега се случува со вцртување на маркици над трасата не алудира воопшто на никакво узурпирање, и не смее да се создава магла дека мора да биде нешто со задни намери.

Мој предлог, што незнам колку е возможно да се направи такво нешто е владата да биде доволно доблесна и да го изгради комплетно булеварот на оваа траса и да изгради половично објекти, односно подруми до основа. Па потоа да ги продаде основите така и нагоре приватни фирми да си ги доизградат катовите и зградите да ги довршат. Нормално, со повисока цена, одколку што би чинело земјиштето во пакет со обврска да се изгради неколку метра од трасата. Ова чисто како начин, како модус да се превенира оној страв за загрозување на трасата и можноста да се сее ваква магла на уште недонесен план како што еве гледаме дека веќе се почнува. Ова технички мислам дека е сосема изводливо, само што во тој случај архитектите на идните згради ќе имаат дополнителни зададени параметри, односно веќе одредени места за столбови и слично. Предлогов не дека е нешто којзнае колку прикладен за општество кон какво целиме, но ова како пружена рака кон сите оние што се заглавени со една нога неколку децении наназад па сеуште имаат предрасуди кон приватни инвеститори и како пружена рака кон други партии кои ете искажуваат сомнеж за узурпација. И да кажам уште еднаш, не се работи за никакво државно градење на приватни објекти, значи зборуваме за продавање на тие основи по повисока цена. Значи мала државна асистенција поради тоа што сеуште немаме некое големо искуство со приватни објекти со дополнителни државни обврски.


Edited by lslcrew - 30-Aug-2010 at 00:27

Тодоровиќ го повлече Деталниот план за Дебар маало

Скопје

Градоначалникот на Центар, Владимир Тодоровиќ, без никакво објаснување го повлече донесувањето на Деталниот урбанистички план за Дебар маало.

На ова локација веќе неколку години жителите бараат на земјиштето да се изгради црквата „Света Ана”, наместо станбено-деловен објект.

Но, затоа се изгласа Деталниот урбанистички план за спортско рекреативниот центар “Кале” каде на површина од 1,18 хектари е предвидено да се изградат деловен објект од приземје и пет ката кој ќе биде деловно административна зграда за Јавното претпријатие “Водовод и канализација”, како и надградба и доградба на постојниот објект на царина.

Планирани се и новопроектирани улица, а предвидените објекти ќе се градат во современи архитектонски стилови, односно барок, класицизам, романтизам или неоромантизам кои ќе бидат по избор на инвеститорот.

Советникот на СДСМ, Јован Тагасовски, побара да се тргне од дневен ред точката за Деталниот план за Стара Железничка, бидејќи не бил во согласност со Генералниот урбанистички план. За ова точка да не биде на дневниот ред тој не доби “зелено светло” од останатите советници. Според планот, предвидено е конечно да се започне изградбата на подземниот булевар Македонија кој ќе ги спојува Сарај и Автокоманда.

„Изградбата на булеварот на ова локација за првпат е предвиден со ГУП-от во 1964 година, а потоа е потврден и со плановите во 1985 и 2002 година. Деталниот план е во согласност со Генералниот и на 16 парцели се предвидени објекти со мешовита намена. Предвидено е секој инвеститор кој ќе сака да гради на ова локација да треба да учествува изградбата на подземниот булевар”, објасни проектантката Лидија Андреевска.

Таа објасни дека на идејата за изградба на овој булевар се булевар се работи веќе 10 години. Андреевска додаде дека делот во Карпош каде ќе поминува овој булевар се штити со паркот на Тополите и затоа за тој дел не се носат Детални планови./крај/бс

http://www.makfax.com.mk/#115003;jsessionid=4F65FB4C47531C8F560577005875F27A

ГОЛЕМ ГРАДЕЖЕН ПЛАН НА ДРЖАВНО ЗЕМЈИШТЕ МЕЃУ ОПШТИНИТЕ КАРПОШ И БУТЕЛ
Зад касарната „Илинден“ ќе никнат облакодери

Роза Петкова

Станбени згради повисоки од 80 метри, трговски центри или хотели со 12 и со 23 ката и три петкатни амбасади ќе никнат во новата населба која што ќе зафаќа земја и од северниот дел од најголемата касарната во земјава, „Илинден“. Ова го предвидува новиот нацрт за детален урбанистички план, за северниот дел на локалитетот, за кој во моментот тече јавна анкета во Општина Карпош. Изградба на две амбасади, руската и кинеската, во овој дел на Скопје е на барање на Владата, која што со допис до Карпош и до Бутел побарала да предвидат локации во деталните урбанистички планови. Целиот градежен план го изработи државната Агенција за планирање на просторот, а нарачател е Министерството за транспорт и за врски. Дел од станбените згради ќе се искористат за становите за војници на АРМ, што е дел од проектот на Министерството за одбрана. Оттаму потврдија дека во новата населба ќе има место и за војниците, но не знаеле колку точно згради ќе се наменат за нив затоа што сега ги проектирале. Површината од 95 хектари во задниот дел на касарната е поделена на седум блока. Во првиот блок се вцртани шест објекти за комерцијална и за деловна намена, кои можат да бидат и трговски центри, угостителски објекти или хотелски комплекси. Тие ќе имаат висина до 80 метри односно 23 ката, а ќе зафаќаат различни површини, најголемите до 26.000 квадратни метри. Во овој блок ќе има и еден помала комерцијална градба од 12 ката, како и две станбени згради од 12 и од 23 ката. Во планот влегува и аквадуктот кој се наоѓа во посебен блок каде што е предвидено да се изгради и археолошки парк со музеј. До него се наоѓа блокот од амбасади, за кои се предвидени три парцели. Сите три згради за амбасади ќе имаат по пет ката, а ќе зафаќаат површини од 11, 25 и 15 илјади квадратни метри. Зад нив продолжуваат парцели за станбени згради, комерцијални и деловни објекти, а целиот план предвидува и изградба на неколку образовни институции и една здравствена установа. Во еден од блоковите, меѓу две комерцијални згради со по 23 ката, е вцртан и плоштад, а меѓу сите градби се предвидени и појаси од зеленило. Сегашната состојба покажува дека поголем дел од опфатот на планот е зелената површина, а дел се куќи, во кои има и дивоградби. За земјиштето се јавиле и сопственици кои, според информациите од општината, се согласуваат државата да им го откупи земјиштето.

http://www.vreme.com.mk/DesktopDefault.aspx?tabindex=1&tabid=1&EditionID=2110&ArticleID=147646

ДУП „Стара железничка“ не смее да ја наруши работата на Музејот

 

Градоначалникот Трајановски нема да дозволи зафати што би го нарушиле изгледот на заштитениот објект

Сања Наумовска

Пристап до Музејот на Град Скопје, задржување на потребните услови за работа, големината и функционалноста на депото, како и автентичноста на околината, се услови што мора да се испочитуваат при реализацијата на Деталниот урбанистички план „Стара железничка станица“. Според одговорните во градскиот Музеј, институцијата, која чува и изложува многу вредни предмети, не смее да не биде консултирана при какви било промени на зградата во која веќе неколку децении успешно функционира.

И Градот Скопје нема да дозволи зафати што би го нарушиле изгледот на заштитениот објект. Според градоначалникот Коце Трајановски, градската власт дала согласност за ДУП „Стара железничка станица“, бидејќи смета дека во него нема ништо спорно. Сепак, Трајановски е подготвен да интервенира со можностите што му се на располагање доколку се наруши автентичноста на објектот и на околината.

„Според моите сознанија, ДУП-от не предвидува ништо спорно во врска со заштитената зграда на старата железничка станица. Градот Скопје, согласно со законите, дава одобренија на плановите и овој план помина без забелешки. Сепак, доколку во текот на реализацијата се случат непредвидени ситуации, Градот, секако, ќе интервенира“, рече Трајановски.

Зголемувањето на фреквенцијата на луѓе што ќе ја предизвика изградбата на деловни објекти во околината е предност кон која, според музејските работници, се стремат сите музеи во светот. Но, сепак, ниту една изградба не смее да значи дека Музејот ќе биде ставен во подредена положба или, пак, ќе му бидат нарушени условите за работа.

„Убеден сум дека пред што било да почне да се гради во околината на Музејот, ќе бидеме консултирани како институција. Условите во кои се работи се, секако, несоодветни и за изложување и за чување на вредните предмети, но Музејот добро функционира. Сепак, нашите потреби се специфични и прецизни и мора да се почитуваат“, вели директорот на Музејот на Град Скопје, Јован Шурбановски.

Тој потенцираше дека во досегашниот тек на донесувањето на ДУП „Стара железничка станица“ не е запознат со деталите на планот ниту, пак, со тоа што тој предвидува за оваа институција. Според него, прашањето што ќе се случува со остатокот од зградата на Старата железничка станица не е директно прашање на Музејот се' додека не го загрозува неговото нормално функционирање.

Евего дуп-от  "Индустриска зона- Расадник" кој се простира во Бутел до обиколницата.

Слика од локацијата сега:

Со планот заедно:

Целиот ДУП можете да го преземете тука -> http://www.opstinabutel.gov.mk/images/stories/DUP/SEA-rasadnik-Butel.pdf

E сеа проблем е што и тие куќите покрај бутелска се вметнати во индустриската зона.

Originally posted by Baze    Ова е дуп-от на Судска Палата и во овој дуп е внесена трасата на Крушевска Република која поминува позади МТВ и го спојува Јужен булевар со Александар Македонски.

Две катни гаражи пикнати во слепи улици

Планот за „Дебар Маало 1“, на барање на граѓаните, е повлечен од градоначалникот на Центар, Тодоровиќ, поради смалување на површината за црква кај старото кино „Карпош“

Жителите од урбаната заедница „Дане Крапчев“ најмиле адвокат и имаат намера да побараат времено стопирање на планот „Дебар Маало 1“, се' додека Општина Центар не ги отстрани лошите урбанистички решенија. Станува збор за реонот кај „Апче“, опкружен од улиците Рузвелтова и Илинденска. Проблематични нови решенија за жителите се смалувањето на маркичката за црквата кај старото кино „Карпош“ на сметка на 18-метарска зграда-седумкатница и две нови згради на Јавното претпријатие за станбен и деловен простор (ЈПСДП), на местото на сегашните нивни бараки, како и две катни гаражи на сметка на парковското зеленило.

- Со овој план и последната педа тревник во Дебар Маало се претвора во бетон. Се зголемува и густината на населението, зашто на постојните објекти им се дозволува уште еден кат повеќе - револтирани се граѓаните од урбаната заедница „Дане Крапчев“.

Тие објаснуваат дека планот „Дебар Маало 1“ веќе една година е проблематичен, не само поради катни гаражи, туку и поради маркичката за седумкатница кај старото кино „Карпош“. Велат дека оние што го цртале планот во Центар направиле нејзината зафатнина да влегува и во државното земјиште, каде што со важечкиот план од 2002 година е предвидена црква. Веројатно со цел зградата да може да добие во катност. Дебармаалци решенијата ги нарекоа катастрофални и решени се да издејствуваат целосна преработка на овој план. Преставници од одборот за изградба на црквата Света Ана велат дека по ова барање на граѓаните, на последната седница на Центар, градоначалникот Владимир Тодоровиќ го повлекол планот од дневен ред.

Во постојниот план за овој реон, кој датира од 2002 година, на државното земјиште кај кино „Карпош“ е предвидена црква. Пред неколку години беше формиран и одбор од граѓани, кои бараат донации и имаат благослов од МПЦ за изградба на црква. Градоначалничката Виолета Аларова претходно им ветуваше дека и Општината ќе им помогне, но не остана на зборот.

Револтот на граѓаните е поради тоа што маркичката за црквата е значително смалена на сметка на станбена зграда. По нивната средба со Тодоровиќ и со преставници од МПЦ од Центар сега велат дека ќе ја зголемат зафатнината на црквата, а седумкатница ќе ја намалат на пет ката.

- Градоначалникот го повлече планот заради смалување на димензиите на маркицата на станбената зграда, која ќе биде со помали димензии, односно П+5, како на останатите објекти што се во непосредна близина. Ќе ја почитува желбата на граѓаните од една страна и приватната сопственост од друга страна, согласно Генералниот план, кој на тоа место предвидува колективни станбени згради - изјави портпаролот Јовица Ацкоски.

Во врска со катните гаражи, од Центар предвиделе изградба на два вакви објекта, и тоа меѓу згради, зад улицата Рузвелтова. Од Центар не кажаа со колкава висина ќе бидат, но за граѓаните е сомнителна намената, бидејќи станува збор за реон со колективно домување.

- Не можеме да разбереме зошто ќе ни ги уништат парковите со две катни гаражи, и тоа во тесни „слепи улици“? Кому му треба катна гаража во реон каде што нема комерцијални објекти, туку колективно домување. Се сомневаме во добрите намери на Општината и претпоставуваме дека тие катни гаражи всушност ќе бидат деловни згради, од кои некој добро ќе ќари - вели жител од оваа населба.

Од 1 јануари 2011 година државното земјиште преоѓа во рацете на градоначалниците, така што се очекува надлежна за продажба да биде Општината.

http://www.dnevnik.com.mk/?ItemID=21C9B4C78041E344ADC5898D335DCDB9