Споменици и скулптури низ Македонија

Сликнав неколку фотографии од спомениците во Паркот Жена борец. Самиот парк посветен на Жената борец е во релативно добра состојба, има добро уредени тревници, се обновуваат сезонските цвеќиња, клупите се средени и обновени, има само неколку дрвја кои треба да се сменат, има неколку прекрасни и високи платони, одлично се вклопува со трговскиот центар, ја краси старата зграда на Собранието. Во него има неколку споменици и две фонтани. Има само една чешма со течна вода, му фали барем уште една. Големата фонтана е прескромно уредена, некојпат беше прекрасна со долги водени млазови кои многу подсетуваа на фонтаната која некојпат постоела во центар пред стоковна куќа Типо.

За спомениците. Ако ги гледаме спомениците низ останатите делови во градот, особено оние кои се наоѓаат во градскиот парк, овие неколку споменице кои се наоѓат во паркот Жена борец изгледаат во малку подобра состојба, иако и нивната состојба воопшто не може да се оцени како добра. Особено зачудува што нема плочки кој е автор на споменикот, кога е изграден и на кого му е посветен. За спомениците во централното подрачје и за оние во градскиот парк е битно да има такво обележје и на англиски јазик, за да знаат странците пред чив споменик се сликаат, секако и кој е авторот.
2.

Недозволиво е што фалат буквите од споменикот. Овој сопменик поради своето централно место и поради актуелноста на проблемот со името е многу посетуван и сликан од странските новинари. Исаѓаме смешни преде странците кога градиме грандиозни нови споменици во непосредна близина а стариве се запуштени или обезглавени. Избоени со графити на вандалите. Впрочем и овој споменик е вандализиран со еден сличен графит од задната страна.

Останатиот дел од постов погледнете го на овој линк Спомениците и фонтаните во Жена парк - Скопје.

Би го едитирал целиот пост тука, но не е возможно со едноставно копи пејст.