ЈСП бара партнер за уредување на автобуските

Неделава ќе биде распишан тендер, а концесионерот ќе ги добие постојките на 35 години

Сања Наумовска

Јавното сообраќајно претпријатие „Скопје“ неделава ќе распише тендер за избор на партнер што би ги уредил автобуските станици. Долгонајавуваниот проект, конечно, влегува во завршна фаза, бидејќи во јавното претпријатие се надеваат дека лесно ќе најдат инвеститор. На повикот за заинтересираност се јавиле многу компании, од кои четири странски, што за ЈСП е значи дека скопските автобуски станици наскоро ќе заличат на европските.

Советот на Скопје на последната седница ги утврди конечните локации на над 300 постојки што ќе треба темелно да се преуредат. На нив ќе има рекламни паноа што ќе ги користи приватниот партнер, а за возврат ќе треба да постави урбана опрема. Што ќе има на автобуските станици, ќе зависи од проектот на компаниите што ќе се јават на тендерот. Во секој случај, коментираат од Јавното претпријатие, моменталната очајна состојба ќе се промени на подобро, а корист од проектот ќе имаат, пред се', граѓаните, но и ЈСП и приватниот партнер.

Во ЈСП очекуваат свое место на автобуските станици, покрај стандардните елементи, како што се натстрешници и канти за отпадоци, во иднина да има и клупи, информативни табли, фонтани или чешми, киосци, различни штандови и друга опрема, во зависност од големината на станицата.

„Колку побогата понуда за опрема, толку повеќе поени“, вели директорот на

ЈСП, Мишо Николов, за условите на тендерот. Ќе се бодува и квалитетот на материјалите, како и понудата за висината на надоместокот што ќе треба да го плаќа приватниот партнер на ЈСП за користењето на постојките. Концесијата може да трае најмногу 35 години.

„Во зависност од фреквентноста на станицата, е одредена и нејзината големина. Има големи, средни и мали постојки што ќе се разликуваат по просторот одреден за реклами, како и по видот на урбана опрема. Во конечниот број на автобуски станици овој пат ги додаваме и локациите на новите сообраќајници, како што е ’Илинденска’“, вели Николов.

Тој објаснува дека заинтересирани, пред се', се компании од областа на рекламирањето, но и неколку градежни фирми. На повикот за искажување заинтересираност се појавиле и две француски, една шпанска и една фирма од Австралија. Една од овие компании работи исклучиво со уредување на станици и веќе има искуство во повеќе европски градови.

http://www.utrinski.com.mk/?ItemID=AACA3CEB7AA931439758CDED456434C6

ОТВОРЕН ТЕНДЕРОТ ШТО ГО ОБЈАВИ ЈСП ЗА ИЗБОР НА ПРИВАТЕН ПАРТНЕР

Четири компании во трка за уредување на автобуските постојки

Кераванос Атина, Вија Сигнал, Лазов Груп и М-6 се заинтересирани да инвестираат во стојалиштата, да ги уредат и да стопанисуваат со нив, а за возврат да го користат рекламниот простор

Една грчка компанија и три домашни фирми влегуваат во трка за уредување на автобуските постојки во Град Скопје. Кераванос Атина, Вија Сигнал, Лазов Груп и М-6 учествуваа на меѓународниот тендер што во јули годинава го објави ЈСП Скопје за избор на концесионер којшто е заинтересиран по принципот јавно-приватно партнерство - ЈПП да инвестира во стојалиштата, да ги уреди и да стопанисува со нив, а за возврат да го користи рекламниот простор. Комисијата што ги отвори понудите има задача во следниот период на направи евалуација и по принципот бодување да ја избере најприфатливата понуда. Најмногу поени, вкупно 35 носи, времетраењето на експлоатацијата (за помалку години се даваат повеќе бодови), по 30 бода носат рокот на изработка на постојките и идејното решение со дизајнот, а само 5 бода тежи понудата за месечен надомест што е подготвена фирмата да му го плати на ЈСП. Естетскиот изглед на постојките и за квалитетот на материјали којшто ќе биде употребен за изработка на настрешниците ќе го разгледуваат двајца архитекти.

Најкус рок за стопанисување понуди Вија сигнал, на која ќе и бидат доволни само пет години ЈПП за да си ја поврати инвестицијата. Оваа фирма е согласна за три месеци, по добивањето на сите потребни дозволи, да ги уреди постојките и уште за концесијата да плаќа по 20 илјади евра годишно.

Лазов Груп, пак, е подготвен да инвестира нешто помалку од четири милиони евра во уредување на постојките и понуди три идејни решенија од кои едното има добиено прва награда за дизајн на светско ниво. Кое од трите ќе биде избрано, оставаат да избере ЈСП. Времето што им е потребно за инсталирање на конструкциите е од 4 до 6 месеци, а до 2012 би ги поставиле сигналните табли. Лазов груп ќе плаќа 6.000 евра годишно, а за возврат бараат концесионерство во рок од 25 години.

Грчката Керавнос понуди 18-годишно јавно-приватно партнерство и девет месеци рок за уредување на постојките кое би се реализирало во три фази. Керавнос за концесијата е подготвена да издвојува 4.500 евра годишно.

Понудата на М6 - Светлана д.о.о. важи за 10 години јавно-приватно партнерство, период во којшто се подготвени да плаќаат по 36.000 евра годишно. Тие нудат постојки од сопствено производство кои би ги инсталирале во рок од 12 месеци.

Директорот на ЈСП, Мишо Николов, којшто беше присутен на отаворањето на понудите истакна дека се надева дека уредувањето на стојалиштата ќе се реализира многу бргу, што за скопјани ќе значи чекор напред во подобрувањето на условите во јавниот сообраќај, а истовремено и подобрување на општиот имиџ на градов.

На автобуските станици, покрај стандардните елементи, треба да има и клупи, информативни табли, фонтани, киосци, различни штандови и друга опрема, во зависност од големината на станицата.

Еве моја анализа... кој би бил фаворит?

Но има некои работи кои треба да се земат во предвид....

0. Не знаеме какви се искуствата на секој пеодинично и дали можат да се споредуваат. Познато ми е Лазов Груп.... ама што има тоа врска... условите се тие

1. Не знаеме како изгледаат.

2. Не знаеме каков квалитет и каква изработка ќе добиеме за рокот кој е предвиден.

3. Не знаеме дали има фаворит и пред да се отвори тендерот (интереси)

4. Валидноста на тендерот (читај корупција)? Се сомневам дека би имало но да се има во предвид. Се надевам дека нема да се поништува по неколку пати

И тоа би било се...

Вија Сигнал е најповолна.