Метробус Скопје (Bus rapid transit / BRT)

Originally posted by Cloverstack Originally posted by skopskodete Тој тунел ќе биде од Џамбо до раскрсницата кај мостот „Гоце Делчев“. Тоа беше така планирано во проектот на Коце од пред 9 години. А тој проект вреди помалку од тоалетна хартија, употребена. Нивото на несериозност и нестручност при изработката на тој проект тешко е да се долови. Еве што беше предвидено: - Улица со по една лента во правец. - Изоставување на било каква форма форма на јавен превоз (немаше предвидено ниту шински превоз, ниту БРТ, ниту обична жолта линија...) - Врзување на К.Ј. Питу со Илинденска, иако е јасно како ден дека врската треба да биде со Партизанска. Денеска кога конечно се работи на пробивање на АСНОМ низ Ќерамидница, уште поочигледна станува апсурдноста на поврзување на Илинденска со К.Ј. Питу. - Ужасно лош, непроточен и опасен кружен тек кај мостот Гоце Делчев. Овој кружен тек, како и сите деформации на сообраќајните текови што ќе произлезеа од поврзувањето на подземната улица на оваа точка, ќе ги осакатеа перформансите и на другите околни булевари. Originally posted by skopskodete Поранешниот градоначалник на Скопје, Коце, во едно интервју има изјавено, колку што се сеќавам, дека не е пречка само Тифани (доколку тунелот би одел до Партизанска, а не Илинденска), туку и другите помали зградички што се иградени во тој дел, што е од Тифани до Плоштад. Коце ги кажуваше тие прикаски, затоа што неговиот проект предвидуваше најплиток можен тунел, Dig&Cover по целата должина, со максимална длабочина до 10 метри. Неговиот проект исто така предвидуваше и најкраток можен тунел (од Ново Маало до мостот Гоце Делчев), што би се копал исклучиво покрај кејот. А тие такви критериуми произлегоа затоа што тогаш приоритет беа Ск2014 тортите, па тунелов мораше да биде најефтин што може, занемарувајќи ги сите фактори освен цената. Затоа што на пример зградата на уставен суд достигна цена од 43 милиони евра, ама тунелот требаше да се гради со 30 милиони евра (поскапите разгледани опции беа отфрлени). На крај изгледа сепак решиле со тие пари наместо тунел да изградат една торта плус, па така се спасивме од таков сакат тунел. Originally posted by skopskodete А ова го има заклучено шпанска фирма која ја направила анализата. Фирмата се вика ИДОМ, и барем тука кај нас целосно се дискредитираа на се што работеа. Документите кои ги подготвуваа очигледно не беа базирани на стручност и наука, туку беа само амбалажа во која требаше да се сместат нечии глупи идеи. Не е прашање дали, туку каква криминална шема функционирала во позадина. На сајтот на ИДОМ се поставени референци од ширум светот, но не и од Скопје. Изгледа не се гордеат баш со среаботеното кај нас.

Јас само напишав што ми текнува од интервјуто, не сум ни малку стручен да коментирам за подземни тунели ниту пак сакам да навлегувам во размислувања дали претходната власт градела друга торта со одредени пари, па поради тоа, имало и можеби криминал итн.

Нејсе, се надевам набрзо дека и ќе се проектира соодветно решение, а искрено, да, пологично е да биде поврзувањето кон Партизанска отколку Илинденска.

Град Скопје објави тендер за идеен проект за „автобуско метро“ од Ѓорче Петров до Ново Лисиче




Автобуското метро“ за кое е распишан огласот, би ја поминувало трасата од Ѓорче Петров до Ново Лисиче за 35 минути. Во него ќе има електронски систем за наплата, а лентата по која би се движело предвидено е да биде одвоена од останатите ленти на булеварите
Град Скопје денеска објави тендер за изработка на идеен проект за изградба на брз автобуски систем – БРТ (автобуско метро) за трасата Ѓорче Петров – Ново Лисиче. Крајниот рок за поднесување на понуди е 3 септември
Цената и квалитетот ќе бидат подеднакво вреднувани, односно и за едниот и за другиот критериум се предвидени по максимални 50 бодови.

Просечната должина на оваа траса за автобуското метро е 12,81 километри, а во документацијата пишува дека приближниот број на патници кои ја користат оваа траса на дневно ниво е 65 000.

Проектантот треба да предвиди дека сообраќајната лента за движење на возилата на БРТ во однос на останатиот моторизиран сообраќај треба да биде одвоена со посебни разграничувачи, со исклучок на крстосниците каде што треба да остане можност за мешање со останатиот моторен сообраќај. Да се направи анализа што ќе се случи зимно време при чистење на снег и во зависност од резултатите да се даде мислење дали поставувањето на разграничувачи е неопходно или ќе биде доволно да се постави хоризонтална сигнализација. Ако се постават разграничувачи, истите по потреба да можат да се дислоцираат“,

пишува во проектната документација каде се наведува дека трасата треба да биде во третата односно крајната лева сообраќајна лента, а доколку тоа не е можно проектантот да достави предлог како е најизводливо.
Во таков случај, на средниот дел кој ги раздвојува двата правци на булеварите би се поставиле автобуските постојки.

„Предлогот на Градот Скопје е автобуските настрешници да се постават на средишното зеленило и истите да се користат за двете насоки на движење. Во зависност од водењето на трасата на БРТ, проектантот да има предвид отворен и/или затворен систем на организација на автобуските настрешници“,

На оваа траса е предвидено „автобуското метро“ да застанува на 21 станица во еден правец плус два терминала.

Според анализите на Секторот за сообраќај на Град Скопје, кои се наведени во документите, оддалеченоста помеѓу автобуските би била помеѓу 500 и 900 метри. Вкупното време кое би било потребно да се помине оваа траса е 35 минути. Сепак, се нагласува во тендерската документација, проектантот може да предложи нова микролокација на автобуските стојалишта.

Во објавените документи со огласот може да се види дека се предвидува и затворање на строгиот центар на градот за сообраќај, односно делот кај „Рекорд“ каде би поминувале само возилата од јавниот превоз.

„Во моментов се предвидува улицата „Димитрие Чуповски“ да биде пешачка зона и трасата да биде наменета исклучило за возила од јавен превоз кои ќе се движат со брзината на движење на пешак. Начинот на одделување на БРТ мора се проучи во оваа пешачка зона со цел сообраќајот да може да циркулира со намалена брзина“,

Ова е само прва фаза во која се очекува да се избере идеен проект во кој проектантот треба да понуди неколку поединечни проекти, како сообраќаен, архитектонски, градежен, хидротехнички, анализа на ризици.

https://360stepeni.mk/grad-skopje-objavi-tender-za-ideen-proekt-za-avtobusko-metro-od-gorche-petrov-do-novo-lisiche/

Идејата е на оваа траса да се укинат обичните автобуси?

ГРАД СКОПЈЕ ОБЈАВИ ТЕНДЕР ЗА АВТОБУСКО МЕТРО ОД ЃОРЧЕ ПЕТРОВ ДО НОВО ЛИСИЧЕ, ЌЕ СЕ ДВИЖИ ПО КРАЈНАТА ЛЕВА ЛЕНТА, СТАНИЦИТЕ ДА БИДАТ ВО СРЕДИШНОТО ЗЕЛЕНИЛО

Град Скопје објави тендер за изработка на проект за воведување брз автобуски систем или т. н. автобуско метро за трасата од Ѓорче Петров до Ново Лисиче. Со тоа Градот и официјално ја почнува постапката за воведување нов концепт на јавен провоз, кој уште пред година и половина го најави градоначалникот Петре Шилегов. Понудите треба да се достават до 3 септември по што, како што вели градоначалникот Шилегов, ќе биде потпишат договорот за заем со Европската банка за обнова и развој (ЕБОР) и објавен тендерот за набавка и воведување на новиот јавен превоз во Скопје.

„Ова е првата фаза од реализацијата на овој значаен проект за градот и основа за да го потпишеме договорот со ЕБОР за заем. Очекувам дека до крајот на оваа година ќе ги завршиме постапките за добивање на заемот и распишување на тендерот за избор на фирма за набавка на возилата и изведба на целокупниот систем. Наредната година би стартувале со имплементацијата“, вели Шилегов.

Според тендерската документација, трасата од Ѓорче Петров до Ново Лисиче ќе биде со должина од 12,81 километри во една насока, ќе има 21 автобуска постојка и 2 терминали, во индустриската зона во Ѓорче Петров и во населбата Ново Лисиче. Првата станица ќе биде кај Поликлиниката Ѓорче Петров, ќе се движи долж булеварот Партизански одреди. За приклучок во центарот на градот кај Соборниот храм ќе врти на булеварот Климент Охридски, па кон улицата Димитрие Чуповски. Потоа по булеварите Кочо Рацин, Кузман Јосифовски-Питу и Јане Сандански до улицата Февруарски поход во Ново Лисиче, каде ќе биде последната станица.

Во тендарската документација се бара возилата да се движат по крајната лева лента и таа да биде одвоена од другите ленти, за да не може по неа да возат други возила или да се паркираат.

„Проектантот треба да предвиди дека сообраќајната лента за движење на возилата на ‘Бас рапид транзит‘ (БРТ) во однос на останатиот моторизиран сообраќај треба да биде одвоена со посебни разграничувачи, со исклучок на крстосниците каде што треба да остане можност за мешање со останатиот моторен сообраќај. Да се направи анализа што ќе се случи зимно време при чистење на снег и во зависност од резултатите да се даде мислење дали поставувањето на разграничувачи е неопходно или ќе биде доволно да се постави хоризонтална сигнализација. Ако се постават разграничувачи, истите по потреба да можат да се дислоцираат. Доколку не може да се постави на крајната лева лента, да се достави предлог на која лента е тоа најизводливо“, стои во тендерската документација.

Ако возилата се движат по крајната лева лента, тогаш автобуските станици ќе се постават во средишното зеленило и истите да се користат за двете насоки на движење. Во зависност од водењето на трасата на БРТ, проектантот да има предвид отворен или затворен систем на организација на автобуските настрешници.

Според првичните проценки, приближниот број на патници кои ќе ја користат оваа траса ќе биде околу 65.000 на ден. Со имплементција на првата фаза се очекува времето на патување од сегашните 70 минути да се намали за повеќе од 50 отсто, да се зголеми фрекфенцијата на автобуси на 3-4 минути. Автобусите да бидат со хибриден погон и со должина од 18 метри. Времето потребно едно возило да ја помине трасата од Ѓорче Петров до Ново Лисиче или обратно ќе биде 35 минути.

Улицата Димитрие Чуповски по воведувањето на автобуското метро ќе треба да се пренамени во пешачка зона, со дозволено движење само на возилата од јавниот превоз, кои би се движење со брзина на пешак.

Воведување на новиот концепт на јавен превоз ќе чини 70 милиони евра.

https://sdk.mk/index.php/dopisna-mrezha/grad-skopje-objavi-tender-za-avtobusko-metro-od-gorche-petrov-do-novo-lisiche-ke-se-dvizhi-po-krajnata-leva-lenta-stanitsite-da-bidat-vo-sredishnoto-zelenilo/

разбра некој како мислат да го решат сегментот кај Железничка?

а ова спинов, хм, може паметно е да го сторат тро реалност, доколку се има Волја или се стори Притисок од Јавност, да БРТ-трасата е вкопана средишно, додека одозгора да се покрие модуларно со Бетонски Плочи а понив да се пуштат Урбани Вело Автопати ...

Originally posted by Zelenikovo во однос мојана досетка за површински тунели, ајде канали за BRT кои евентуално подоцна би се пренамениле за LRT, чинам интерсна идеја за думање би било истите бидејќи сме трусно подрачје да се паркираат и странично подземно (полесно би се одржувале) иако незнам колку тоа е паметно, Но бар одозгора можат да бидат покривани со Бетонски Блокови онака модуларно во фабриката Карпош по потреба да се лејат нови, а кои со некакви дампери асеизмички би се ределе одозгора при евентуални подигрувања на тлото, конечно одозгора ако врват само точаци ова нема да биде никаква фрка, хм, слична дума ко што едно време верглав за плоштад кај НУБ [1]

Властите рекоа дека долж трасата на БРТ нема да сообраќаат автобуси.

Дали вцртувањето на железничката мрежа значи дека се планира некакво комбинирање на БРТ со железничкиот превоз? Испрекинатите линии веројатно значат можност за продолжување во иднина (по нов мост кај последна 5ка кон Маџари и по бул. Црна Гора до ЖС Даме Груев).

Не гледам каков проблем се столбовите, таман си има место за лента БРТ од двете страни.

Еве ги отприлика трасата и постојките според документот погоре:


Мала моја корекција на постојките:

Под услов да мислат оваа идеја да ја спроведат, а да не е мамка за локалните избори 2021, како што беше железничкиот прстен и градскиот воз на Шилегов кој од Драчево до Скопје Север ќе поминува за 10 минути, од 2017 (https://skopjeinfo.mk/kakvi-soobrakjajni-reshenija-veti-shilegov-za-skopje),
тогаш проектов уште на старт има сериозни недостатоци и тоа:

1. Крајната станица му завршува во Ново Лисиче. Треба да се премости Вардар и крајната станица да му биде Хиподром каде ќе се направи хаб, кој ќе биде почетна и завршна станица за сите автобуси што ќе доаѓаат откај Илинден и Петровец. Плус, со ваквото решение ќе се растовари сообраќајниот метеж кај Бит Пазар.

2. Крајната станица во Ѓорче Петров треба да биде на место каде ќе се направи уште еден хаб кој ќе биде почетна и крајна станица за приградските автобуси што
ќе доаѓаат од запад.

3. На трасата на БРТ и во склоп на БРТ системот да има неколку комуторски точки кои ќе ги опслужуваат комуторски автобуси, кои ќе бидат во склоп на претпријатието кое ќе стопанисува со БРТ, а кои ќе се разгрануваат од Карпош III кон Индустриската Зона Визбегово, од Транспортен Центар кон Кисела Вода, од ТЦ Бисер кон Првомајска и тамошните фабрики, од ТЦ Бисер кон Автокоманда итн.

За да го забрзаме овој проект, имам предлог до администраторите и модераторите на форумот, да ги запознаеме странските амбасадори со нашиов предлог, зашто нашите отепани политикантчиња кога ќе отидат кај нив на бацикара, не БРТ, туку и коњски трамвај како во Даглас да им побараат, ќе го направат.

Edited by phenomenon - 01-Aug-2020 at 18:27

За половина час од Ново Лисиче до Ѓорче Петров со автобуско метро



https://telma.com.mk/2020/08/01/за-половина-час-од-ново-лисиче-до-ѓорче/

Приказ на булевар со БРТ лента:

извор

Приказ на булевар со велосипедска и БРТ лента:

извор

Физички одвоени БРТ ленти во Кито. Можно решение за булеварите без средишно зеленило:

извор