Кино „Манаки“ - Битола

Погрдо нешто не сум видел.

Повеќе личи на циркуз него ли на кино, па уште и кино „Манаки“... Бруки.

Од напред ептен личи на копија, не ми е во склад со старите згради од околината. Задниот дел не го коментирам.

Не фотографии, туку детални архитектонски планови се сочувани од градбата, па не мора ни во архив да се оди за да се најдат, издадени се во една тенка монографија за Киното Манаки пред 10-тина години. Ама кој да побара, кој да прочита.

А гледам опозицијава многу ја заболе за состојбата на зградите по Широк Сокак, оштетениот стиропол што се гледа на сликите е во ваква состојба над година дена, ништо ново не се деси. Башка, какви црни атмосферски влијанија, од небо се гледа дека е механичко (со нога) оштетувањето.
Избори, и се е можно...

Edited by hcitrS - 16-Mar-2017 at 17:22

188 Bitola Wandelstraat by Koen VAN GELDER, on Flickr

НОВА ОПШТИНСКА УСТАНОВА ЗА КУЛТУРА ЌЕ УПРАВУВА СО ОФИЦЕРСКИОТ ДОМ И КИНОТО „МАНАКИ“ ВО БИТОЛА



Општина Битола ќе основа јавна општинска установа за култура која во иднина ќе управува со Офицерскиот дом и Киното „Манаки“. За одлуката, советниците ќе гласаат в четврток на седница на Советот.

„Со новата јавна установа за култура ќе отвориме простор за менаџирање на објектите кои ќе бидат ставени во функција, Киното ‘Манаки’ со опремата и сите зафати од над 200.000 евра што ги вложи оваа локална самоуправа и Офицерскиот дом кој се реставрира. Решивме дека најдобро ќе биде со поставување на менаџмент кој целосно ќе се грижи за објектите, заштитата, нивната самоодржливост, успешно функционирање, како и за нивниот придонес кон туризмот во Битола, бидејќи имаме голем потензијал, а за жал, со години тој не бил искористен“, изјави градоначалничката на Битола Наташа Петровска.

Реставрацијата на Офицерскиот дом е во тек и треба да се спроведе годинава, ако сè оди според планот. За реставрација и адаптација на Офицерскиот дом обезбедени се над милион евра од ИПА 2 програмата на ЕУ. Општината направи анализи, онлајн анкетни прашалници, средби со стопанственици и невладини организации за да го сондира мислењето на граѓаните за идната намена на Офицерскиот дом.

„Дефинитивно ќе биде центар за култура, место каде ќе има простор граѓаните да ги следат културните настани и вредности на градот, простор каде ќе може сето она што било оставено под завесата на времето низ годините да биде отворено со функционални поставки, тоа ќе биде еден мултифункционален културен комплекс“, рече Петровска.

Општината од Министерството за култура обезбеди 8,6 милиони денари (околу 140.000 евра) за ентериерно уредување на Киното „Манаки“ на Широк Сокак, кое четири години го градеше претходната локална власт, но го остави комплетно неопремено. Дел од опремата ќе се обезбеди и преку проектот „Кино култура“ кој го доби Општината во прекуграничната соработка со Грција

https://sdk.mk/index.php/dopisna-mrezha/nova-opshtinska-ustanova-za-kultura-ke-upravuva-so-ofitserskiot-dom-i-kinoto-manaki-vo-bitola/

Општина Битола што во своето тригодишна власт на новата градоначалничка (во која имав далеку повеќе очекувања од Шилегов) има остварено дури една реконструкција на улица, која траеше околу 2 години и имаше неколку феноменални отворања на сали (со стоење на глава), помошно црево, лежечки полицаец, шахти и слично револуционерни инфраструктурни објекти.

Па да, највероватно главниот поттик за основање на ново јавно претпријатие е за партиски награди. Ама пак, во градот нова културна институција не се има појавено 50 години. Освен Музејот, Театарот и Центарот за култура
нема друго ништо. Па би го зел скопско МКЦ за пример. Според мене несомнено најдобрата културна институција во државата со години наназад. Е сега, да не беше самостојна институција, и програмта и работата на МКЦ да беа координирана од некоја канцеларија во бараките на Град Скопје - се сомневам дека ќе имавме толку квалитетна понуда. Па во таа насока, не сум толку негативно настроен кон идејава за посебен менаџмент на Киното Манаки и Офицерски.

А Наташа и екипата се толку за греота што ми е дури и жал да ги критикувам. Добар пример за отсутвото на капацитет и креативност кај градските власти е новото претпријатие за управување на паркинг просоор (кое патем го основаја за да се стави паркингот под градска капа, а не како досега под контрола на локален шериф) го нарекоја ни повеќе ни помалку: „Јавното претријатие за изградба и одржување на јавен превоз и паркирање и уредување на јавен превоз во Општина Битола“, од што се изведува една многу едноставна и милозвучна кратенка „ЈППЈЛП – Битола“. А ако сакаш да им пишиш емаил, можеш да се послужиш со најинтуитивниата е-маил адреса за паркинг во Битола (Ве оставам да истражите; хинт: не е parking@bitola.gov.mk).

Ама, како за промена, не делувват на страсни лопови. Некои неопипливи потези кои ги прават можеби имаат поголемо влијание од тоа што може да се види. На пример на старт доста се фокусираа на раздолжување на училиштата - борчеле 4,3 милиони евра, ако се за верување. Колку беше аџеле тоа раздолжување - не можам да кажам, ама судејќи според сиромаштијата на општината звучат како многу да биле. Исто така, се реновираа санитарни јазли во 3-4 училишта, што е за поздрав. А од инфраструктурни проекти ја изградија скоро цела инфраструктура во касарната, нешто што беше ветено дека ќе биде веќе завршено пред неколку години. Бааги асфалт таму се тури, само пробелмот е што малку објекти и сообраќај има во тој реон па не дојде до израз “делото“. Исто, многу битна работа за Битолчани - конечно добивме полигон за полагање возачки испит, оти од веќе заборавени причини го немавме едно 5-6 години (тоа дека го поставија на сред нива во Пелагонија е друга приказна, можеби погоре споменатото именување на јавни претпријатија може делумно да ја објасни ваквата одлука).

Originally posted by Џоле

Јер, неспособност! ПВЦ дограма е брза и поефтина, наместно да се зафатиш со истражување и да констриураш автентични. На сликата се гледа и дека на краевите ги нема двата сегмента на оригиналот, двата потесни сегмента. Објектот оригинално е со 4 столба напред, ова БТ14 е со 6. По ниеден параметар објектов нема врска.