Спомен обележје ,,Карпалак" во Прилеп

Изгледот на споменикот ,,Карпалак"

Во Прилеп ќе биде поставено спомен обележје за десеттмината убиени прилепски резервисти кај месноста Карпалак во воениот конфликт во 2001 година.

Во спомен на херојското дело на десеттемина прилепски резервисти кои за време на воениот конфликт загинаа во кукавичко убиство кај месноста Карпалак на патот Скопје-Тетово, по 10 години ќе биде поставено споменично обележје во Прилеп. Деновиве во центарот на градот во средината на кружниот тек започна монтажата на споменикот кој симболично ќе го означи вечниот живот на загинатите резервисти.

Ова е челична конструкција од десет краци кои ги симболизираат паднатите бранители во немилите настани од 2001 година, која завршува со еден логичен завршеток во кружна форма односно топка која има одредена симболика. Симболиката на топката е вечниот живот и ќе свети постојано и постојано ќе пулсира во ритамот на чукањето на срцето

,,Ова е челична конструкција од десет краци кои ги симболизираат паднатите бранители во немилите настани од 2001 година, која завршува со еден логичен завршеток во кружна форма односно топка која има одредена симболика. Симболиката на топката е вечниот живот и ќе свети постојано и постојано ќе пулсира во

Градежните активности за поставување на споменикот во центарот на Прилеп

ритамот на чукањето на срцето."

Изјави Бранко Нешкоски, директор на Јавното претпријатие за просторни и урбанистички планови при Локалната самоуправа.
Челичните краци ќе бидат високи 15, а топката 3 метра, што значи дека вкупната височина на овој видиковец ќе биде 18 метри.
Автор на идејното решение на проектот е тим од архитекти на јавното претпријатие за просторни и урбанистички планови, кое во исто време и го изработи ова спомен обележје во вредност од 11 милиони денари. Видиковецот ќе биде осветлен целосно.

,,Целиот овој зафат, значи поставување на споменично обележје „Карпалак" партерно средување на опкружувањето околу него, сообраќајно решение и

Целиот овој зафат, значи поставување на споменично обележје „Карпалак" партерно средување на опкружувањето околу него, сообраќајно решение и финансиската конструкција изнесува 36 милиони денари од Локалната самоуправа и од Владата на Република Македонија

финансиската конструкција изнесува 36 милиони денари од Локалната самоуправа и од Владата на Република Македонија."

Споменичното обележје е дел од еден поголем проект на Локалната самоуправа, кој што придонесе за урбанизација на овој дел од градот, истакнува Нешкоски.

,,Со реализација на овој проект градот ќе добие една нова урбана димензија и се продолжува онаа долгорочната визија за средување на централното градско подрачје со почетокот на булеварот ,,Маршал Тито" до завршетокот, бидејќи се интензивирани активностите за средување на парковското уредување од спротивната страна на хотелот Липа, паркот кај судот како завршница и почетокот споменичното обележје „Карпалак". Така има една фина линија на движење и во секој момент има некаква динамика, некакво случување."

Акцентираше директорот Нешкоски. Според најавите најдоцна за еден месец целосно ќе завршат градежните работи и објектот свечено ќе биде пуштен во употреба.

Споменикот „Карпалак“ копија од Бахреин?

Паметникот во Манама е поставен на кружен тек и премногу личи со оној што се гради во центарот на Прилеп

Моника Талеска

Прилеп - Припадниците на безбедносните сили што загинаа кај Карпалак во конфликтната 2001 ќе добијат споменик што многу личи на споменик од главниот град на Бахреин во Персискиот Залив. Дали конструктивното решение за споменикот „Карпалак“, што се гради во центарот на Прилеп, е копирано или, пак, креативноста на прилепските архитекти коинцидирала со онаа на стручњаците во Бахреин? Ова се дилемите, сомнежите и се' почести коментари на прилепчани и на пошироката јавност откако неодамна на интернет се појавија видеоснимки од нередите во Манама, кога на плоштадот армијата го урна споменикот, симбол на бисерите, за да ги спречи собирите на демонстрантите.

Споменикот во Манама е поставен на кружен тек и е премногу сличен со оној во Прилеп, кој е лоциран во средината на идентично сообраќајно решение. Разликата е во тоа што прилепскиот е висок 14 метри и има 10 краци, додека оној во Бахреин има шест краци и височина од 90 метри.

Авторите на проектот „Карпалак“, тим архитекти од Јавното претпријатие за просторно и урбанистичко планирање, се изненадени од сличноста на двата објекта. Идејното решение, велат тие, е сублимат на понудените проекти на конкурс на сите инженери од јавното претпријатие.

„Не сакам да убедувам дека воопшто не знаевме ни јас ни моите инженери дека постои таков објект. Благодарение на нередите во Бахреин видов дека постои нешто слично. Можам да ви покажам најмалку 50 објекти во светот што почнуваат и завршуваат со некаков логичен завршеток. Тоа е архетипот, значи има почеток или базис, развој и крај“, изјави Бранко Нешкоски, директор на Јавното претпријатие за просторни и урбанистички планови.

Надлежните не размислуваат воопшто за измени на проектот, кој треба да биде завршен најдоцна за еден месец. Оваа сличност меѓу двата споменика не им пречи ниту на бранителите. Дел од нив немаат претстава каков бил споменикот во Бахреин, но и оние што ги регистрирале сличностите сметаат дека не треба да се вршат никакви корекции, зашто симболиката во Прилеп ќе биде друга.

„Не сум видел како ќе изгледа, но сметам дека не треба да има некакви измени. Споменикот е поставен на централно место, тука каде што помина конвојот и мораше да се означи тоа. Сега финансиските можности можеби на локалната самоуправа се ограничени“, смета Цане Тодороски, еден од бранителите, член на Здружението на резервни воени обврзници во настаните од 2001/2002 година.

Блаже Мицкоски, бранител од истото здружение, вели дека првичниот план бил да се направи малку поимпозантен споменик. „Но, финансиските состојби се такви, па и ова што се направи е многу добро“, оценува тој. Идејата за изградба на споменик посветен на десеттемина бранители е стара неколку години. Градоначалникот на Прилеп, Марјан Ристески, повеќепати најавуваше импозантен споменик со свое енергетско напојување, видиковец каков што досега не е изграден на овие простори. Но, наместо таков објект, прифатено е друго, многу поскромно решение, кое е далеку од првопромовираното.

Споменикот го сочинуваат 10 челични краци што ги симболизираат животите на бранителите кои загинаа на 8 август 2001 година на патот Скопје - Тетово кај месноста Карпалак. На врвот од краците како во грст ќе биде ставено срце кое ќе пулсира, означувајќи го вечниот живот на прилепските бранители. За изградба на споменикот и кружниот тек околу него, како ново сообраќајно решение во овој дел од градот, ќе бидат потрошени 36 милиони денари или повеќе од половина милион евра, што се обезбедени од општинскиот и од државниот буџет.