Македонско (етно) село во Нерези

Дали, конечно, ќе почне да се гради етносело на Водно?

Пред два дена е распишан последниот тендер за избор на фирма што ќе го врши надзорот на изградбата

Сања Наумовска


Пролетва ќе почне да се гради македонско село на Водно, најавуваат од Министерството за економија. Речиси три години откако излезе како идеја за нова туристичка атракција со која ќе се промовираат македонските традиционални вредности и ќе се привлекуваат посетители, деновиве, со завршување на последните тендери, конечно, се отвора патот за реализација на проектот. Иако и минатата пролет имаше најави дека изградбата само што не почнала, пред два дена, конечно, е распишан последниот јавен повик за избор на фирма што ќе го врши надзорот на изградбата, што е краен услов за да може да почнат градежните работи. Вредно околу 4 милиони евра, етноселото ќе има 12 куќарки од 12 региони низ земјава. Ќе се гради спроти манастирот „Свети Пантелејмон“ во Горно Нерези, над Скопје на површина од 12.000 квадрати.

Покрај куќарките, во селото ќе има и други традиционални македонски градби со кои пред странските туристи ќе се промовира нашата историја. Ќе се гради ан во кој ќе се служат традиционални македонски специјалитети, музеј каде што ќе бидат изложени предмети од македонската историја и традиција, како и мал амфитеатар за одржување претстави. Проектот предвидува и изградба на трло и на бачило. Долните катови на секоја од куќите ќе претставуваат грнчарница, ковачница, ткајачница и други работилници за стари занаети. На горните катови ќе има спални соби, кои ќе им се издаваат на посетителите. Се размислува и за проширување на проектот со изградба на вештачко езерце во чија близина ќе се сместат и воденицата и валавницата. Влезот во селото ќе зафати дел од паркиралиштата спроти манастирот, куќите ќе бидат распослани на брдото, а ќе се зафати и блискиот дол, каде што е можната локација за езерцето.

Изградбата, според надлежните во Министерството за економија, би требало за трае од две до три години, во кои ќе се распределат и потребните финансии за изградбата.

„Тендерот за избор на изведувач завршува на крајот на март, пријавени се 8 домашни и мешовити фирми, а очекуваме за еден месец да ја избереме и фирмата што ќе врши надзор. Со тоа завршуваат сите процедури и ќе може по почнат градежните работи“, вели Зоран Николовски, раководител на Секторот за туризам во Министерството за економија. За проектот веќе е обезбедена и градежна дозвола од Општина Карпош, откако пред една година Советот на Општината го усвои Деталниот урбанистички план „Горно Нерези“, како еден од приоритетните планови на Владата. Целосно е завршена и постапката за заокружување на парцелата, од која еден дел беше државно земјиште, а дел во сопственост на Македонската православна црква, која и' го отстапи на Владата заради реализација на овој проект.

http://www.utrinski.com.mk/?ItemID=3A52C98053A3C34699BED54A1E374CD2

4.350.000 евра за градба на виртуелно село

вторник, 17 мај 2011, 17:44

Економскиот тим на владата излегува со уште еден капитален проект – деновиве треба да почне изградбата на македонското виртуелно село во подножјето на Водно. На просторот над скопско горно Нерези, тетовската „ Ак инвест„ за 3.550.000 евра ќе изгради дванаесет автентични селски куќи што, според економија, ќе придонесат да се зголеми туристичката понуда на Скопје.
За изготвување на проектот за куќите веќе се вложени 800.000 евра. Дополнителни пари ќе се трошат за надзор и за уредување на внатрешноста на куќите, што е и најскапиот дел од инвестицијата.
Од економија имаат оправдување зошто се брза изградбата на виртуелното село.

Според досегашните вложувања во туристичката атракција, до која ќе се доаѓа по тесен и полн со дупки пат, од буџетот се издвојуваат 4.350.000 евра. Заокружувањето на целата инвестиција во виртуелното село што треба да се изгради за две години ќе допре до пет милиони евра.
Реалните села пак, за ревитализација од буџетот за оваа година, ќе добијат само 32.000 евра.

http://www.vesti.alfa.mk/default.aspx?mId=36&eventId=37026

Originally posted by Denko Dodeka makedonskite ZIVI sela se davat vo kal, septicki jami, divi deponii i sto li uste ne Vladata frla milioni za ku.... zdravje!

За тоа што го напиша одговорни се ЕДИНИЦИТЕ НА ЛОКАЛНАТА САМОУПРАВА т.е. ОПШТИНИТЕ, а не централната власт.



Edited by Cloverstack - 18-May-2011 at 21:27

Се рамни земјишето за градба на виртуелното село на Водно

Работници веќе три дена го рамнат земјиштето во подножјето на Водно, на просторот над скопско Горно Нерези каде власта ќе гради виртуелно село. Oд фирмата Ак Инвест уверуваaт дека ќе биде загарантирана безбедноста на куќите кои ќе се градат на планинскиот простор, но и на старите градби.

Луѓето кои спортуваат на падините на Водно се разочарани, од изградбата на виртуеното село. Стравуваат дека во Скопје има се помалку просторот за рекреација.

Власта за виртуелното село ќе потроши 4.350.000 евра, а рокот на изградба е година ипол. Освен автентични куќи од делчевскиот, беровскиот, гостиварско -реканскиот, струшкиот, прилепскиот, битолски како и куќа од регионот на Скопска Црна Гора. На просторот ќе има и штала, трло, рибник, воденица, вајалница, меана и амфитеатар.


Вероника Мароска Леова

Video:

http://www.vesti.alfa.mk/default.aspx?mId=36&egId=6&eventId=37621

Интересно е што почетокот на изградбата на етно селото коинцидира со пуштањето во употреба на жичарницата. Очигледно некому многу му се допаднале жичарницата и шпанското село во Барселона. Можеби е штета што оној кој бил инспириран од овие проекти не го почуствувал футуристичкиот дух на Гауди, инспирација која можеше да се материјализира во проектот Скопје 2014.

Футуристички (придавка)
1. од, или се однесува на иднината (пр. футуристички поглед на светот).
2. пред своето време (пр. футуристички дизајн)


Футуризам (именка)
1. правец во уметностa, музиката и литературата настанат во почетокот на 20 век.

Се надевам сега разбираш што сакав да кажам.

Originally posted by zabegan не се работи само за реновација на куќи, туку општо за нивна целосна ревитализација на начин на живот и култура, а и плус, доколку селаните се вратат во своите краишта и таму има туристички промет, логично е да инвестираат во реновирање и привлечноста етно-селово иако на прв поглед ми делува нелогично и неприфатливо, сепак има свои квалитетни страни, а тоа е што промовира, доволно би било за развојот на туризмот преку ова село туристите да се заинтересираат за сите региони во Македонија и притоа истите да се развијатно за се треба темелна организација, а мене ме плаши што тоа кај нас е непознат збор, не смее инвестицијата во туризмот да се сведе на изградба на едно село, бидејќи ќе биде на некој начин пропадната инвестиција со минимално влијание врз туризмот и развојот на државата, се работи за функционирање на цел еден систем, кој за жал кај нас е оставен да функционира неконтролирано

Има многу примери низ цел свет каде селата функционираат чисто како туристички дестинации, добра инфрастурктура, сите куќи се реновирани и изнајмуваат на туристи, и економијата во селото е исклучиво врзана околу туризмот, како продавници, винарии, фарми каде децата може да си играат и запознаат со животни, бањи, водени спортови и слично. Сум посетил многу вакви места низ Шпанија, Австралија, Франција. Инаку си во право треба многу повеќе организација и системот трба да функционира од многу аспекти, инфрастркутура, лесен пристап, редовен превоз, гостопримливост, интернет промоција, патокази. Етно селото ке направи можеби почетен интерес, али долгорочно нашите села треба им се пристапи со појака стратегија.

makonix мислам генерално премногу конзервативно се приоѓа на проблемите, ретко кога некоја прогресивна идеја може да пркне.

Originally posted by mirakuliks makonix мислам генерално премногу конзервативно се приоѓа на проблемите, ретко кога некоја прогресивна идеја може да пркне.

Нас ни е потребен еден Гауди, човек кој има уметничка дарба и го познава македонскиот дух на детали и традиции, а притоа да има и слух за модерното време

јас лично шпанските и австриските архитекти многу ги ценам. Ако јас се прашам би најмил некои интернационални архитекти кои би помогнале да се створи една школа која би негувала модерен дизајн со шмек на македонските традиции. И тоа би го понудил јавно, граѓаните да можат да даваат мислења, на крај краишта објектите се за луѓе не за архитектите да си ги празнат егата. Така би имале еден конзесус

Originally posted by makonix Нас ни е потребен еден Гауди, човек кој има уметничка дарба и го познава македонскиот дух на детали и традиции, а притоа да има и слух за модерното време јас лично шпанските и австриските архитекти многу ги ценам. Ако јас се прашам би најмил некои интернационални архитекти кои би помогнале да се створи една школа која би негувала модерен дизајн со шмек на македонските традиции. И тоа би го понудил јавно, граѓаните да можат да даваат мислења, на крај краишта објектите се за луѓе не за архитектите да си ги празнат егата. Така би имале еден конзесус

Тоа е тоа!