не ми е јасно зошто, секогаш кога ќе се постават вистинските проблеми за кои треба да се дискутира, дозволувате темата се оддалечува во дискусии за стилови, општества, филозофии во празно кои не соодветствуваат на природата на форумов и најлошо, препукувања во празно?

„Објектот е македонско архитектонско-градежно наследство, толку е едноставно, се работи за елементарна етика дека истото треба да се сочува и да се негува а не со истото да се постапува како со статуите на буда, само затоа што на некој не му се допаѓа или зошто нема капацитет да го разбере.“

единствено нешто разумно што го прочитав  во последниве десет страни е ова, и не знам зошто е толку тешко да се разбере нешто толку едноставно

Фоткиве се направени буквално на 100 метри од владината зграда. Се надевам не е нејасно зошто ги постирам токму во оваа нишка...
Не навлегувајќи воопшто во потребноста и исправноста на потегот со новата „фасада“ на владата, уште помалку во нејзиниот изглед, еве како бонус добро е да се знае и дека приоритетите по обичај ни се баш правилно распоредени.

1


2


3


4


5


6


.
.
.
.
.
.
.
.
.
.
.

ovoj debilen proekt, kako i proektot na menuvanje na zgradata na postata(mepso) skapo ke gi cini kaj site onie koi znaat sto znaci avtorski prava i sto ne bi sakale eden den toa da im se sluci na nivnite dela.... 

Не сакам да отварам тема за политика но може да се разгледува како власта да е општествена институција, ако така ти викаш од каде надлежност за власта да поправа дупки и улички, епа зашто тогаш премиерот дојде на отварањето на Илинденска ?

Originally posted by Danielbtmk Originally posted by Cloverstack Фоткиве се направени буквално на 100 метри од владината зграда. Се надевам не е нејасно зошто ги постирам токму во оваа нишка... Не навлегувајќи воопшто во потребноста и исправноста на потегот со новата „фасада“ на владата, уште помалку во нејзиниот изглед, еве како бонус добро е да се знае и дека приоритетите по обичај ни се баш правилно распоредени. Од кога владата ја има надлежноста за поправање на дупки по малите ''улички''?! Тоа треба да е приоритет на општината, а не на владата.

а кој тука воопшто го спомна работењето на владата???
нешто погрешно сте го разбрале постот... еве сепак да објаснам, се работеше за тоа што всушност треба да е приоритет, кога веќе се интервенира на изгледот на градот
а и ако повеќе сакате да се дискутира за влада... од кога тоа обврска на владата била да менува фасади по градови?
најпрво не бидете контрадикторни сами на себе, а после тоа и убаво размислете што ви збори некој


Edited by zabegan - 23-Mar-2012 at 18:41

само ќошовите се различни,кај нас се од малтер,друго две е исто

Зградата на Владата ќе се шири?

петок, 18 мај 2012, 18:38   

Освен нова фасада зградата на Владата можеби ќе добие и проширување. Во новиот нацрт детален план кој го опфаќа седиштето на извршната Власт, градежната линија дозволува плус по барем неколку метри од секоја страна на објектот. Во оваа фаза сепак, велат од надлежната општина, не можат да одговорат на прашања врзани со планот.

- „Наша практика е да не ги коментираме деталните урбанистички планови во нацрт фаза, односно пред тие да бидат усвоени од Советот. Подетални објаснувања ќе може да дадат планерите и урбанистите при јавната презентација на деталниот план.“- изјави портпаролот на општина Центар, Јовица Ацковски

Конкретен одговор немаа и од надлежната служба за општи и заеднчки работи при Владата. Нејзиниот прв човек, Васе Доневски, одговори дека не е во тек со новиот Детален урбанистички план а се уште било во тек и проектирањето на зградата.

Седиштето на Владата на Македонија беше актуелно во периодот околу Нова година. Причината беше изборот на ново идејно решение за излгедот при реконструкцијата на фасадата за објектот. Тендерската комисија одлучи зградата да добие нео- класичен лик, откако имаше и јавна интернет анкета за предложените решенија. Авторот на објектот, Петар Муличкоски, се спротиставуваше на идејата и поради авторските права но и поради наградите кои своевремено ги добил за објектот.

Александар Димитриевски

http://vesti.alfa.mk/default.aspx?mId=36&eventId=50074#.T7aCSVjkit0.facebook

Edited by N23 - 18-May-2012 at 19:37

ne sakam da mesam politika, no mislam deka ova so interpelacijata na vladata bese posledna sansa da se spasi ovoj objekt od toa sto go ceka (


http://www.dnevnik.com.mk/default.asp?ItemID=03D4657FFD5CE44E919580244CC94AD6

НОВА ФАСАДА, НО И ПРОСТОРИИ ЗА ИЗВРШНАТА ВЛАСТ

Владата ќе се проширува и доградува



Советот на Општина Центар на вчерашната седница ја ослободи Владата од комуналии во износ од околу 82.800 евра, додека за останатите 124.000 евра допрва ќе се изјасни градската власт

Новиот архитектонски облик на зградата на Владата нема да се однесува само на измена на надворешноста со барокна фасада, напротив, објектот ќе се прошири и догради и со нови канцеларии, работни простории, а можеби и сали за извршната власт. Тоа значи дека освен интервенција во надворешноста, зградата набрзо и ќе се реконструира.

Поради ваквата намера, на Владата ~ стасала сметка со вкупни трошоци за комуналии и тоа во износ од 207.000 евра. Од оваа сума 40 отсто треба да одат во касата на Општината Центар, а 60 отсто за Градот, но на вчерашната седница на Советот на Центар беше донесена одлука за ослободување од оваа давачка во износ од околу 82.800 евра. Согласно донесената одлука, тие трошоци паднаа на грбот на инвеститорот. Иако во образложението во материјалите за седницата немаше никакво објаснување за новопланираните делови на поранешна Це-ка, градена во современ стил, сепак од Министерството за транспорт и врски вчера потврдија - таа ќе се доградува во делот на приземјето.

- До Министерството за транспорт и врски е поднесено барање за издавање одобрение за градење од Службата за општи и заеднички работи при Владата. И тоа за „доградба на делови од приземјето и реконструкција на целата фасада на објектот на Владата на Македонија“ и во моментов стручните служби постапуваат по истото - одговорија од Министерството.

Поради нецелосното образложение во материјалите за седницата на Советот, забелешка на предлогот имаа советниците од СДСМ. Дончо Герасимовски од оваа советничка група рече дека за нејаснотиите реагирале уште на Kомисијата за урбанизам поради тоа што од нив била скриена вистинската намера за проширување на објектот.

Од Службата за општи и заеднички работи не можеа да кажат кога ќе почнат планираните активности.

- Откако ќе биде издадено одобрението за градба, ќе распишеме тендер, на кој ќе се избере фирма со најповолна понуда која ќе ја обнови фасадата - потенцира директорот Васе Доневски.

Новата фасада, во неокласичен стил, беше избрана како идејно решение пред неколку месеци. Автори се Жарко Чаушевски и Филип Богатинов. Изгледот, како што тогаш соопштија владините официјални извори, бил избран како најдобар со гласови од граѓаните од неколкуте пријавени автори на интернет-страницата на Владата. Исто така, и со одлука на владината Kомисија за избор на решение за реконструкција на надворешноста.

Kако главна причина за иницијативата за обнова на фасадата беа наведени застарената изолација и застарената дрвенарија. Обновата на надворешниот лик на објектот ќе биде прва интервенција откако е изграден објектот, во 70-тите години на минатиот век. Досега единствено се интервенирало во внатрешноста на владиниот дом.

Дополнителни 2.000 квадрати простор

Ако се земе предвид дека пресметката за комуналии за реконструкцијата на Владата изнесува околу 207.000 евра, а изграден квадрат во Центар е 100 евра, тогаш простата математика зборува дека Владата со новиот зафат планира да добие нови 2.000 квадратни метри простор.

Од Министерството за транспорт и врски, од каде што ќе го издадат одобрението за градба, изјавија дека поранешна Це-ка ќе се проширува во делот на приземјето, без да појаснат во кои делови точно, имајќи предвид дека Владата се состои од шест поврзани објекти - приземје и кат.

Анела Петрова

Владината фасада ќе стаса по изборите

Четири фирми се подготвени да ја реконструираат зградата на Владата и сите се домашни компании

Владината зграда ќе почне да го менува ликот во стилот на „Скопје 2014“ набрзо по изборите. Проектот ќе продолжи со ваква динамика доколку овој пат биде успешен актуелниот тендер за избор на изведувач. Владината служба деновиве ги разгледува стасаните понуди и очекува за најмногу еден месец постапката да биде комплетно завршена. Надлежните веќе ја имаат потребната градежна дозвола, а наводно, обезбедени се и парите.

„Овој пат пристигнаа четири понуди, сите од македонски компании. Деновиве ги отвораме и наскоро ќе се одржи аукција. И во случај да има жалби, очекуваме целата постапка да заврши за еден месец и да се продолжи со конкретни теренски работи“, вели Васе Доневски, директор на владината Служба за општи и заеднички работи.

Тој не открива колку пари се издвоени за оваа намена, ниту, пак, може да прецизира дали при реконструкцијата на зградата владините административците ќе треба привремено да работат на друга адреса.

„Дали ќе има потреба од привремена дислокација на вработените, ќе зависи од фирмата која ќе биде ангажирана да ја реконструира зградата, од тоа како таа ќе го организира градилиштето, а ќе зависи и од динамиката и фазите на изведба“, дополнува Доневски, кој потврди дека владината служба уште пред неколку месеци ја добила потребната дозвола која во случајов ја издава Министерството за транспорт и врски.

Инаку, ова е втор обид на надлежните да изберат фирма што ќе ја реконструира препознатливата зграда од „Илинденска“. Во првиот обид тендерот беше неуспешен бидејќи понудените цени и услови беа понеповолни од актуелните на пазарот.

Владиниот објект ќе добие стилски изглед по предлог на авторите Жарко Чаушевски и Филип Богатинов, чие идејно решение беше избрано по пат на онлајн-анкета. Главната причина за промена на фасадата на зградата на Владата, како што тврдеа надлежните, е застареноста и недоволната функционалност. (Дс.Т.)

Izvor: Utrinski vesnik, http://www.utrinski.com.mk/default.asp?ItemID=FBBA7670B4F481418F518AD2FDED3A20

R.I.P. za avtorskite prava

Владата со нов изглед - започна реконструкцијата на фасадата
Македонија 23. април 2013 - 15:07


Започна реконструкцијата на фасадата на Владата на Република Македонија.

Проектот ќе опфати целосна реконструкција на старата и дотраена фасада, и очекувањата се дека во зависност од временските прилики ќе се реализира во наредниот едногодишен период.

-„Реализацијата на целиот проект ќе се одвива во три фази, првата која ќе биде конструктивниот дел, втората е нанесувањето на фасадата и третиот дел е самата илуминација, односно осветлување на објектот. Целокупните градежни активности ќе чинат 9 299 052 евра, со вклучен ДДВ“, стои во соопштението од Владата.

- „Фирмата изведувач е избрана на тендер распишан на 04.01.2013 година, а отворен на 22.02.2013 година. Во тендерската постапка се пријавија 4 фирми, по што следуваше електронска аукција која се одржа на 14.03.2013 година. Одлуката за избор на најповолниот понудувач беше направена на 27.03.2013 година“, се додава во соопштението.

http://maxim.mk/vladata-so-nov-izgled-zapochna-rekonstrukcijata-na-fasadata