Спoменик нa плoштaд Maкедoнијa

ВИСТИНА ИЛИ...

Александар Македонски не е во Скопје?

Фотографијата од споменикот на Александар Македонски, кој треба да биде поставен на плоштадот Македонија, со текст дека скулптурата е веќе пристигната од леарницата во Фиренца, вчера беше објавена на неколку интернет-страници. Социјалните мрежи Фејсбук и Твитер дури објавија дека наводно склуптурата треба да биде поставена на плоштадот Македонија пред изборите.

За да ја потврдиме информацијата се обративме до одговорните во Општина Центар кои го спроведуваат проектот "Скопје 2014", во чии рамки се прави и оваа скулптура, односно фонтаната на централното место на плоштадот.

Оттаму велат дека оваа вест е чиста дезинформација.
-Споменикот на Александар Македонски се уште се наоѓа во леарницата на Фернандо Маринели во Фиренца-Италија и се уште не е готов. Засега немаме никакви информации кога ќе биде завршен во целост и кога ќе се постави на плоштадот Македонија, тврди Јовица Ацковски, портпарол на општина Центар.

Споменикот ќе биде висок 22 метри и ќе доминира со центарот на Скопје.
За реализација на овој проект потрошени 4,5 милиони евра, а го изработи вајарката Валентина Стевановска.

http://vecer.com.mk/?ItemID=3B2B6F21A655DD45AE6999AADD319F8B

Валентина Стојанчевска

Споменикот на Александар Македонски е изработен и подготвен за транспорт од италијанската леарница „Фондерија артистика Фердинандо Маринели“ па наскоро се очекува да пристигне во Македонија. Дека коњаникот е подготвен да дојава сведочи фотографијата што циркулира на социјалната мрежа „фејсбук“, на која јасно се гледа дека неговата изработка е завршена, но, исто така, воочлива е и неговата импозантност бидејќи луѓето што се наоѓаат покрај него се минијатурни. Со ова се потврдува информацијата дека Александар Македонски, најверојатно, ќе се издигне на скопскиот плоштад непосредно пред изборите за да ја дополни предизборната приказна за „патриотизмот“ на Никола Груевски. И покрај очигледниот доказ, од Општина Центар ја игнорираат фотографијата и тврдат дека Александар се уште бил во изработка. - Споменикот се уште не е готов и се наоѓа во Италија. Сликата што ја имате не сакаме да ја коментираме - истакна Јовица Ацковски, портпарол на Општина Центар. Ацковски не сакаше да каже ниту кога е предвидено споменикот да биде транспортиран во Македонија. Спротивно на ова тврдење, неофицијално од италијанската леарница потврдија дека споменикот е готов и дека чекаат од Македонија да го организираат транспортот до Скопје. Според официјалните информации од Општина Центар, познато е дека Александар ќе биде висок дванаесет метри, а столбот на кој ќе биде поставен десет метри. Поради огромната големина, нејасно е како и со што ќе се транспортира споменикот повеќе од илјада километри за да стигне до Скопје. Исто така, очигледно е дека граѓаните нема да успеат во целост да го видат споменикот доколку стојат на плоштадот, па ќе треба да го сторат тоа од далечина, како, на пример, од Камениот мост. Со најавите за пристигнување на споменикот, се погласни се и шпекулациите дека столбот на кој треба да застане коњаникот нема да може да ја издржи неговата големина и тежина. Според неофицијалните информации, постои опасност веднаш по поставувањето коњаникот да падне. Неизвесноста дополнително ја зголемува и фактот што досега Владата побарала мислење од Институтот за земјотресно инженерство и инженерска сеизмологија само за стабилноста на столбот, но не и за целиот споменик. Од Институтот потврдија дека ја гарантираат стабилноста на столбот, но не и на коњот и на Александар бидејќи никој не побарал од нив да го испитаат целиот споменик, кој целосно ќе биде висок 22 метри. Познатата италијанска леарница, каде што е изработен споменикот, е основана во 1905 година од Фердинандо Маринели и е позната по квалитетно леење скулптури со користење на архаичниот метод со восок и рачна изработка каква што користеле ренесансните мајстори. Како едни од позначајните нивни изработки се оградата на монументалните скали во Музејот во Ватикан, портите во катедралата „Св. Павле“, исто така во Ватикан, скулптурата на Ајзенхауер во Лондон, реставрација на скулптурите во палатата Кремљ во Москва. Споменикот на Александар Македонски ќе биде збогатен со неговата фаланга и фонтана, за кои државата потроши 9,4 милиони евра. Проектот „Скопје 2014“ веќе одамна ја надмина сумата од 80 милиони евра, колку што Владата тврдеше дека ќе чини. Според процените на СДСМ, проектот ќе достигне неверојатни половина милијарда евра.


Половина милион евра за слики


За амбиенталните слики што треба да го красат Археолошкиот музеј, објект предвиден со проектот „Скопје 2014“, Управата за заштита на културното наследство ќе потроши речиси половина милион евра. Просечната вредност на овие слики е по 4.000 евра, а е познато дека ќе се набават стотина.
На веб-страницата на Бирото за јавни набавки веќе се објавени договорите за набавка на 14 вакви слики, од домашни и од странски автори. Од досега објавените договори, пет Управата склучила со авторот Коле Манев, кој треба да ги изработи делата „Опсадата на кастелот над Пчиња“, „Неолитско секојдневие“, „Гозба“, „Крзнари“ и „Повикување на предците“. Вредноста на овие слики е 16.600 евра. За сликите „Камена стела“ и „Во пештерата“, кои чинат околу седум илјади евра, пак, е ангажиран авторот Данчо Калчев.
Покрај двајцата домашни автори, Управата склучила договори и со неколку украински автори. Јарослав Логискиј е ангажиран за изработка на пет дела, во вредност од 22.600 евра, од кои најскапа е сликата „Претстава на римска ковачница за пари“, вредна 6.400 евра. Авторката Марија Чепелева, пак, изработила две слики со вредност околу пет илјади евра.
Сликите ќе ги претставуваат предметите што ќе бидат изложени во музејот и кои го претставуваат археолошкото богатство на Македонија.
Во истиот објект ќе се вдомат и Уставниот суд и Архивот на Македонија.

Originally posted by HugoGoulding Утрински и А1 правеа пропаганда и дека северната трибина ќе се срушела за натпреварот со Шпанија а после и дека целата арена не била сигурна...

Нема потреба да си го трошиме времето и да ја полниме нишкава со вакви изјави или како што велиш пропаганди.

МК и се е можно