Јавен автобуски превоз (општо)

Originally posted by OCB Решенија кои би дискриминирале на полова основа не му звучат многу културно или пак нормално.

OK, роботски тогаш ...па и машки ако е гласот е дискриминаторско решение...

Originally posted by Dave Gahan Originally posted by OCB Решенија кои би дискриминирале на полова основа не му звучат многу културно или пак нормално. OK, роботски тогаш ...па и машки ако е гласот е дискриминаторско решение...

Stephen Hawking

Јас мислам дека доволен број од нараодот кој љуби да слуша музика додека патува од А до Б може финансиски да си приушти личен апарат со кој може да слуша музика, дали радио или мп3. Затоа целна „забава“ на патниците од страна на возачот или компанијата воопшто не е потребна и излишна. Останува звучниците да се користат за најава на следната станица (обично однапреднаправена стандардна снимка) и да се користи за обраќање на возачот кон патниците во непредвидени ситуации како: потреба од прекачување на патниците во друго возило ради дефект на даденото возило, или пак најава за поголемо каснење на наредната станица ради застои во сообраќајот.

Edited by mirakuliks - 21-Jul-2011 at 15:09

Neka pustat LIFE radio em najmalku go tupat so reklami em najdobro em multietnicko

Originally posted by Cloverstack Има некаква научна поткрепа дека генерално женскиот глас е подобар за вакви објави. Не памтам дали имаше врска со разбирливоста или нешто слично...

Ако е тогаш најверојатно станува збор за тонот на гласот кој кај понежниот поле е обично повисок и полесно одстапува од заднинскиот шум создаден од бучавата на возилото, околниот сообраќај и други шумови и разговори.

НОВИТЕ АВТОБУСИ СE ПОТЕШКИ ЗА ПРЕПОЗНАВАЊЕ

Реклами ја покрија црвената боја на автобусите



Новите автобуси наместо да бидат лесно препознатливи со својот нов изглед и со убавата црвена боја, почнаа да не личат на себе благодарение на рекламите со кои ги излепи Јавното сообраќајно претпријатие „Скопје“. Наместо црвени возила, сега на станиците застануваат комплетно бели, розови и зелени автобуси. Излепени се насекаде - од страна, на вратите, на прозорците. Нема реклами само на гумите и предната страна на возилото. И двокатниот автобус не личи на себе, односно неговиот автентичен ретро-изглед веќе и не се забележува од мноштвото налепници што прават да личи на новогодишен лампион.

Скопјани сакаат убав град

Од Министерството за транспорт кога ги купуваа автобусите во повеќе наврати истакнуваа дека со црвените двокатни автобуси, какви што сообраќале во 50-тите години, ќе се врати духот на старо Скопје. Дури отидоа дотаму што дизајнот на двокатните возила е уникат само за нашиот град и нема да се повтори никаде на друго место. И скопскиот градоначалник Коце Трајановски се залагаше автобусите на приватните превозници и оние на ЈСП да бидат изедначени според бојата за да се добие униформност во јавниот превоз. Но, наместо униформност, добивме шареноликост.

Граѓаните се збунети од промената на ликот на новите автобуси и велат дека не можат да ги препознаат на станиците.

- Чекав автобус со број 22. Застана еден зелен автобус, си помислив дека е приватен, па за малку ќе го пропуштев оти сега преферирам да се возам во новите разладени возила. Во последен момент видов дека е на ЈСП, и тоа уште од украинските. Се зачудив како можеа до толку да му го сменат ликот? Како граѓанин што секој ден се вози со ЈСП, сакам да го кажам своето мислење, а тоа е дека сакаме новите автобуси да ни останат црвени и да ни го разубавуваат градот. ЈСП нека си најде друг начин да заработува пари, нека става реклами внатре во автобусите, но однадвор нека не ги чепка оти сите граѓани плативме за да имаме убав превоз, но и поубав град - вели скопјанката Сања М.

Техничкиот директор на ЈСП, Ацо Стојановски, објаснува дека поставувањето реклами на автобусите е светска тенденција.

- Тоа се еден вид подвижни билборди чии реклами ќе можат да ги видат поголем број граѓани - и оние што влегуваат во автобусот и оние по улиците - вели Стојановски.

Дека автобусите ќе станат уште пошарени, говори фактот што добитникот на тендерот за инсталирање систем за електронска наплата и за автоматска локација на автобусите ќе има можност да поставува реклами во автобусот, однадвор и однатре. Според Стојановски, црвената боја ќе се познава бидејќи рекламите немало да се поставуваат на предниот и на задниот дел од автобусот ниту на покривот.


Надлежните без коментар

- Предниот и задниот дел на автобусот не се предмет на ставање реклами. На тој начин ќе се знае за кој превозник се работи. За двокатните автобуси тоа е однапред предвидено. На нив од страната каде што влегуваат патниците ќе бидат поставени два помали панела и од другата страна еден голем каде што ќе можат да се поставуваат реклами. Панелите се со мали димензии - вели Стојановски.

Објаснува дека на украинските автобуси рекламите ќе се поставуваат на истиот принцип како и досега, со лепење. Оштетувањата на бојата на автобусите, откако рекламата ќе биде извадена, според Стојановски, зависат од квалитетот на лепило.

- На некои автобуси можат да се видат траги од порано лепени реклами затоа што е користено неквалитетно лепило. За лепилото што сега се поставува имаме гаранција дека е со добар квалитет - вели Стојановски.

На забелешката дека не се почитува правилото дека предниот и задниот дел од автобусот не смеат да бидат излепени со реклами, тој одговара дека тоа било дозволено привремено за период три месеци, само при промоцијата на автобусите, а потоа рекламите ќе бидат извадени.

Од Министерството за транспорт велат дека немаат никакви ингеренции за рекламите на автобусите.

- Новопроизведените автобуси се предадени на стопанисување на Градот Скопје и на ЈСП. Како претставници на централната власт не коментираме одлуки на локалната самоуправа - велат од Министерството за транспорт.

И од Градот се оградуваат од надлежноста за ова прашање упатувајќи на одговор во ЈСП.

http://dnevnik.com.mk/?ItemID=39519FA9D37DAB428EB3F3F2572611A3


Edited by leonid23 - 09-Aug-2011 at 00:12

Да се присетиме на некои случувања во изминативе 6 години:
зададена е просечна приближна цена на чинење на нафтата; цената за билетите е за едно возење

1. 2005, барел нафта - $50, билет - 20 денари.
2. 2006, барел нафта - $60, билет - 25 денари.
3. 2007, барел нафта - $65, билет - 25 денари.
4. 2008, барел нафта - $90, билет - 25 денари.
- Трифун Костовски предлага поскапување на билетот за 10 денари, Советот на Град Скопје го одбива предлогот.
- Министерството за образование го субвенционира превозот на околу 100.000 средношколци.
5. 2009, барел нафта - $55, билет - 25 денари.
6. 2010, барел нафта - $70, билет - 25 денари.
- бесплатен превоз за пензионерите секој петок во неделата.
7. 2011, барел нафта - $85, билет - 25 денари.
- пристигнаа околу 50 украински автобуси, потрошувачката на нафта е зголемена. Трошоците ќе бидат дополнително зголемени со очекуваното пристигнување на уште околу 100 нови автобуси (кинески + украински).
- бесплатен превоз за пензионерите и во вторник (во Македонија има околу 270.000 пензионери).
- намалени се платите на возачите на градските автобуси.

Според некои „социјалниот мир“, според други „популизмот“ мора од некаде да се финансира. Очигледно придонесите од даноци (кои во најголема мера паѓаат на плешките на вработените граѓани) повеќе не се доволни за одржливостта на ЈСП како јавно претпријатие. Излезот се бара во дополнителни приходи за ЈСП преку реклами на новите автобуси кои се подалеку атрактивни за маркетинг од старите. Билбордманијата, како една од најразвиените гранки на македонската економија, придонесува за жестока конкуренција во сферата на уличниот маркетинг. Во такви услови ЈСП од една страна мора да ги намали цените за реклами на своите автобуси, а од друга страна да понуди рекламна површина која би им парирала на билбордите.

Кучињата ќе си лаат, билборд-караванот на ЈСП ќе си врви...

една исправка OCB за цените на нафтата на светските берзи.погорните цени се за америчката лесна нафта,а не за Брент лондонската цена према која ние а и сите на Балканов и пошироко ја формираме цената на бензинот.Брент нафтата е поскапа околу 20 долар и не е воопшто тоа малу.Во четвртокот пред ударот на берзите Брент нафтата се продаваше по 118 долари која е цена веќе подолго време

линк за берза

Ме интересира, дали возачите имаат поим од тоа како да го поправат автобусот, барем да знаат што му е? Чекав 40 минути на почетна станица на 2-ка во Сарај за на крај од техничката служба на ЈСП да кажат дека ништо не му е на истиот и дека сме требало да го бутнеме малку. Нормално, друг автобус немаше уште дојдено. Стариот си тргна по 40 минути,а автомеханичарите го искараа возачот.

 
Требало механичарите да ги бутнат, па можеби ќе им влезел памет во главите откако ќе паднеле на земја, како на пример фактот дека нивната работа е да ги сервисираат и одржуваат тие возила, а не да го обвинуваат возачот бидејќи не му текнало (???) дека треба да го турка автобусот.
 
Значи по кој знае кој пат уште еднаш на дело ЈСП Скопје покажа и докажа дека дефинитивно знае само како да го менува влакното, а истовремено карактерот да му остане ист.