Нова фасада и ограда на објектот на Владата

До каде е стигната работата по објектов?

Од страната на паркот, на една од зградите можат да се забележат одредени железни елементи, барем колку што можев да видам пред некој ден.

Бидејќи моментално работам во близина и секој ден поминувам од тука ќе кажам дека работата иде полека, но проблемот е не дека не се работи туку бидејќи сите ламели на кој се работи прво се обвиваат со скелет од железо а тој процес оди споро, скелетот е околу еден метар одалечен од постојната фасада. Други подетални информации немам бидејќи не се гледа воопшто од заштитната фолија која е поставена.

Барокниот изглед на Владата досега-9,3 милиони евра

Планираниот изглед на седиштето на македонската влада досега чини над 9,3 милиони евра, а допрва ќе треба да се потпишуваат договори и за изведба на идното ентериерно уредување.

Проектантското биро „Архитектоника“ од Скопје е избрано да го подготви основниот и идејниот проект за адаптација на дел од содржините и ентериерно уредување на просториите во Владата, објавува Скопје инфо.

Бирото „Архитектоника“ во порфолиото ја има изработката на основниот проект за неокласичната фасада на владата, но и по неколку победнички решенија за изградба на нови и реконструкција на постоечки зданија во духот на „Скопје 2014“.

За реализација на проектантските услуги од државниот буџет таа ќе наплати 5.310.000 денари или над 85 илјади евра.

Според објавените информации на веб – страницата на Бирото за јавни набавки, времетраењето на договорот за изработка на основниот проект изнесува 150 денови.

Kомпанијата „Бауер БГ“ работи на изведбата на новиот надворешен изглед на владиниот објект. На целото здание се поставени скелиња, додека дел од конструкцијата врз која ќе се изведува неокласичната фасада веќе е монтирана.

Авторот на старото архитектонско решение на Владата, еден од великаните на македонската архитектура, Петар Муличковски, во неколку наврати, меѓу кои и во интервју за НОВА во мај револтирано протестираше за реконструкцијата на неговото дело.

Тој за НОВА изјави дека ја отфрла идејата за барокен стил не само на Владата, туку и на целот владин проект Скопје 2014:

-Мене ми беше понудено да земам учество како консултант околу новите идејни решенија за фасадата на Владата. Јас имам авторски права и не се согласувам со тоа, да се менува сега фасадата во некаков барокен стил. Таа фасада своевремено од врвни експерти беше оценета како ремек – дело. Тогаш јас на конкурсот добив прва награда и тоа тогаш беше прва награда со право на изведба на авторот.

-Нон сенс е ова што се прави, да се гради нешто од пред 300 години. Современотот творештво во архитектурата и урабнизмот оди напред. Компонентата треба да биде врвна техологија на изведба и уметност, а не идеологија. Невозможно е ова што се прави овде, изјави во интервјуто за НОВА во мај оваа година, Муличковски.

http://novatv.mk/index.php?navig=8&cat=2&vest=8409

Елементите со кои ќе ја „облепуваат“ фасадата на Владата. Веројатно се „античките“ столбови.

Од што се направени овие коруби, т.е. фолирантски столбови?

Edited by Bojan10 - 13-Dec-2013 at 21:01

Како да не, најубавата зграда, ако си сигурен во тоа што го говориш тогаш сме ужасно грда држава...

Со ова малку пари, и со двојно платените згради, и двојно платениот пластелин за фасадите низ центар ништо не правиме, да ги имаме парите на Емиратите па да правиме муабет. МНОООООГУ пари се потребни Скопје да се разубави. Воопшто не ми се допаѓаше ни како изгледаше пред да почне проектот СК2014 ниту па сега ми се допаѓа. Некои работи се симпатични, ама со големи пропусти. Некои се скроз промашени.

Зградава нема да биде поубава од тоа што беше, нема да биде погрда од тоа што беше, само ќе биде различна, проектов е само фрлање пари...

Јас реков неколку пати, нема шанси да застанам во одбрана на ремек делата од комунизмот кои го "красат" Скопје, ама, сум апсолутно против неразумното и нерационално трошење државни пари.

Originally posted by Bojan10 Како да не, најубавата зграда, ако си сигурен во тоа што го говориш тогаш сме ужасно грда држава... Со ова малку пари, и со двојно платените згради, и двојно платениот пластелин за фасадите низ центар ништо не правиме, да ги имаме парите на Емиратите па да правиме муабет. МНОООООГУ пари се потребни Скопје да се разубави. Воопшто не ми се допаѓаше ни како изгледаше пред да почне проектот СК2014 ниту па сега ми се допаѓа. Некои работи се симпатични, ама со големи пропусти. Некои се скроз промашени. Зградава нема да биде поубава од тоа што беше, нема да биде погрда од тоа што беше, само ќе биде различна, проектов е само фрлање пари... Јас реков неколку пати, нема шанси да застанам во одбрана на ремек делата од комунизмот кои го "красат" Скопје, ама, сум апсолутно против неразумното и нерационално трошење државни пари.

најпогрешно нешто е што мерна единица за квалитет, исплатливост и општа вредност ни е убавината, нешто што не се ни мери и нема никаква врска со уметностите и науките, како што е на пример архитектурата
мене на пример, објектот на владата воопто не ми се допаѓа и совпаѓа со личните вкусови, ама го почитувам како архитектонска оставштина, како историја, и како уникатно архитектонско дело (под уникатно се мисли на тоа што нема такво друго, а не на специјално)... што има погрешно во таквото цивилизирано размислување?
мора ли фронтови да се отвараат на база на личен вкус секој пат кога на некој не му се допаѓа нешто?
проблемот никогаш не беше во архитектонските стилови, проблемот беше во дилетантскиот и незрел однос кон сопствена култура и наследство... што ако утре некој дојде на власт и му прдне да нареди стаклени фасади по секоја зграда?

ednata kocka od renoviranata fasada e veke gotova i osvetlena navecer 

Edited by marko.kostoff - 29-Jan-2014 at 19:58