Леарите од Фиренца пристигнуваат во почетокот на април

Спомениците мора да се склопуваат на отворено, поради нивната висина и проблеми со транспортот кај ниските подвозници

Доаѓањето на леарите од леарницата „Фернандо Маринели“ од Фиренца со која општината Центар има потпишано договор за леење на спомениците е најавено за почетокот на идниот месец. Тие се ангажирани за склопување на спомениците на Гоце Делчев и Даме Груев што треба да се постават на Камени мост. Постаментите на плоштадот „Македонија“ се веќе готови, а деловите на спомениците се чуваат во посебни хангари во околината на градот. Во хангарите спомениците ќе се склопуваат во неколку дела, по што ќе следува нивното транспортирање до плоштадот, каде што ќе биде финалното составување. Слична ќе е и постапката за склопување на лавовите што ќе стојат на мостот „Гоце Делчев“.

Владимир Тодоровиќ, градоначалникот на општината Центар, објасни дека спомениците мора да се склопуваат на отворено, поради нивната висина и проблеми со транспортот кај ниските подвозници.

Според првичниот договор што го направија општината и леарницата, леарите требаа да дојдат до 25 март, но поради одредени проблеми тие го одложија своето доаѓање за почетокот на април.

- Спомениците најверојатно ќе се склопуваат под најлони, затоа што, како што ни објаснија од леарницата, не смее да има никакво струење на воздухот, додека тие се составуваат - објасни Тодоровиќ.

Тој најави и дека наскоро ќе пристигнат спомениците на Карпош, Методија Андонов-Ченто, свети Климент и Наум, како и на Кирил и Методиј. Прв ќе пристигне споменикот на Карпош, а веднаш по него и оној на Ченто, кој е еден од ретките што се прави од мермер. Иако постаментите за другите два лава за мостот „Гоце Делчев“ се направени, сé уште не се знае кога тие ќе пристигнат во земјава. Тодоровиќ кажа дека одлучиле одеднаш да ги направат и двата постаменти, за мостот да не се раскопува два пати.

Градоначалникот на Центар во понеделникот вети и дека до крајот на неделава сите документи од договорите за спомениците ќе се испратат до Бирото за јавни набавки за да се стават на увид на нивната интернет-страница, но на страницата сé уште нема објавено ништо. Од општината велат дека правната служба сé уште ги подготвува документите и поради тоа тие не се објавени.

- При крај сме со средувањето на документите, очекуваме до понеделник тие да бидат прикажани на сајтот на Бирото за јавни набавки - ни изјави Јовица Ацковски, портпаролот на општината Центар.

ВО БИТОЛА

Бисти на народни херои две години чекаат локација

Бис­ти­те на народниот херој Вангел Нечевски - Тунело и на првоборецот Ко­ле Лачето повеќе од две години чекаат локација во Алејата на хероите во Битола. Борците ги направија, но поради недоразбирањата на екс­прет­се­да­те­лот Гавро Пановски со локалната власт, место во Алејата кај градското шеталиште, седат во канцелариите на Сојузот на борци.
"Без разбирање и помош од градоначалникот Владимир Талески и без одоб­ре­ние од Советот на Битола не можеме да ги поставиме бистите", ве­ли новиот претседател на борците Илија Малевски. "Не само што сме заг­ри­же­ни ние како организација туку и нивните семејства прашуваат зош­то народни херои не можат да добијат локација за споменик".
Ма­лев­ски потенцира дека во изминатиот период малку се работело за по­доб­ру­ва­ње на соработката со градоначалникот, но сега борците по­да­ле рака за помирување.
"По­да­де­на­та рака, во секој случај, ја прифаќаме. Поставувањето на спо­ме­ни­ци­те е во надлежност на Советот. Мислам дека ќе се најде ре­ше­ние", изјави Талески. (С.Та.)                                                                                                                                                  http://www.vest.com.mk/?ItemID=2DDD15715A300949B8F4B3F6A5846AE6 

Ќе се премести Споменикот на стреланите скопјани

Споменикот посветен на скопјаните што Германците ги стрелале кај Камениот мост при нивното повлекување од Скопје на крајот од Втората светска војна, наскоро ќе биде преместен, но во близина на сегашната локација. Причина за поместувањето е тоа што обележјето ќе биде скриено од споменикот на просветителите свети Кирил и Методиј, кој треба да биде поставен на почетокот на Камениот мост.

Загрижени жители деновиве реагираа на обидот да се дислоцира паметникот на паднатите жртви на фашизмот. Тие сметаат дека ваков споменик не заслужува да биде омаловажуван за сметка на поставување на новите споменици од проектот „Скопје 2014“.

- Прво се обидоа да го откопаат. Сега веднаш до него поплочуваат за да поставуваат нешто друго. На тој начин овој споменик, кој со години стои тука, ќе го изгуби своето значење и ќе остане незабележан. Зар оние што биле жртва за слободен и поубав живот не заслужиле никаква почит - реагираше една скопјанка што живее во близина на споменикот и набљудува се' што се случува.

Од Општина Центар, во чија надлежност се наоѓа овој споменик, рекоа дека за преместувањето на споменикот согласност дале Градскиот и Општинскиот одбор на Сојузот на борците од НОБ.

- Споменикот на паднатите жртви на фашизмот ќе биде преместен само неколку метри од сегашната локација. Новото место ќе биде посоодветно од сегашното. Обележјето се наоѓа во лоша состојба, па затоа ќе биде обновено - вели Јовица Ацковски, портпарол на Општина Центар.

Од Општинскиот одбор на Сојузот на борците потврдија дека дале согласност за дислокацијата.

- Тој ќе биде поместен за 10 до 15 метри од сегашната локација, со тоа што во записник беше ставено да не се губи видикот и значењето на споменикот - велат во Сојузот. (А.П.)

Наскоро нови споменици во Центар

По идејното решение на академикот Томе Серафимовски ќе се гради спомен-обележјето на Крсте Петков Мисирков
Конкурсот за избор на идејното решение е распишан на крајот на минатата година, заедно со оние за спомениците на Димитрие Чуповски и Ѓорѓија Пулевски. Споменикот на Димитрие Чуповски ќе се прави по идејното решение на Мирослав Станковиќ, а на Ѓорѓија Пулевски, според Сретко Јовановски.