ЗСФ КОМ

http://www.build.mk/forum/forum_posts.asp?TID=2870&PN=3
eve link od diskusiite za predhodniot objekt na ZSF
inaku proektov, kako i na toj na partizanska e na GMS proekt (San Marco-komercijalna banka, Bonimi, katna garaza Smilevski kongres, Kozara, Kino Karpos, DON, DM, Tetris i drugi)

Originally posted by ZSF KOM Dooel Секогаш сме останувале доследни на предвиденото и прикажаното. Најголем доказ за тоа е нашиот последен деловно-станбен објект "ПАРТИЗАНСКА", од 3D визуализација до финална изведба. "Skopje City Garden" e нов предизвик за нас, доста комплексен и истовремено современ со својата содржина, затоа максимално работиме за изведба која ќе биде доследна на прикажаното.

Па, скоро... Освен што на Партизанска се појави спрат плус и никна поткровјиште. Ситница.

Да не се лажиме, објектот не го прави само бојата на фасадата. За македонски услови е доста задоволителна сличноста со рендерот, но чудовишното поткровје и габаритот на зградата бегаат многу.

Без замерки, и онка не се ни надевам дека во МК ќе гледам добар проект повеќе од 1-2 пати годишно...

Originally posted by xnx edinstvena razlika so renderot se eden kat plus, tipot na ogradata i bojata na prozorcite. gabaritot i potkrovjeto se isti ko na renderot

јас што сум лаик, па гледам дека завршеното поткровје врска нема со рендерот...

Има доволна оддалеченост помеѓу објективе?

до него има уште еден објект ,моментално се градат темелите или првиот подземен кат...

Кај Мајчин дом на тревникот е пишана маркица од 30м п+8+пк ~85x25м...

Не се нормални, таа површина е идеална за паркче или некои други урбани содржини... наместо тоа они ќе опнат зграда на булевар...

А провинцијата да си остане во своите касаби? Нека носат урбанистички планови за Штип, Битола, Прилеп нека ги средат тамошните ругла. Доста е Македонија да се гради во 3-4 скопски општини !

Жалното е што почнува да им се случува и на Хром и на Влае, населби со индивидуални куќи.

„Масив констракшн“, подружница на „Камчев консалтинг“ е сопственик на една од парцелите за згради во Аеродром

Во општина Аеродром деновиве се актуелни измените на ДУП-овите со кои се отвора можност за изградба на објекти на потегот од Ново до Горно Лисиче, но и од Железничката станица до Мајчин дом. Најголемата локација за потенцијална градба, која наиде на низа реакции и веќе се собираат потписи од граѓани, се наоѓа токму паралелно со Мајчин дом. Таа парцела е во сопственост на „Масив констракшн“ и тука е можно да „никне“ зграда од 10-ина катови, заедно со околна гаража.



Имено, оваа парцела е покрај булеварот „Јане Сандански“, од црквичката „Св. Стефан“ накај „Три бисери“. Таа веќе десетина години е во приватна сопственост. Податоците од Агенцијата за катастар на недвижности велат дека се работи за парцела број 193/2. Имотниот лист број 45115 се води на Друштво за градежништво, производство, трговика и услуги „Масив констракшн ДОО СКОПЈЕ“.

Според Катастарот, „Масив констракшн“ е сопственик на неизградено земјиште со површина од 3.538 метри квадратни.

Ова друштво е со адреса на улица „Димитрие Чуповски“ број 23. Низ интернет просторот не се наоѓаат информации за „Масив констракшн“, единствено името се сретнува на консолидиран финансиски извештај на „Камчев консалтинг ДООЕЛ Скопје“ за 2014 година, каде ова Друштво е наведено како подружница.



Парцела 192/3 кај Мајчин дом (приказ од Агенција за катастар)

Поточно, таму стои дека Групата „Камчев консалтинг“, покрај матичното друштво за консултантски услуги, ја сочинува и подружницата „Масив констракшн“ заедно и со „Орка холдинг“, Клиничка болница „Аџибадем систина“, Фондација Камчев, „Кара“, потоа „АРХИ ДОО“, „ЕК-ОР ДООЕЛ“, придружното друштво „Графички центар ДОО СКОПЈЕ“... Не е тајна дека сите овие ги поврзува името на бизнисменот Јордан Камчев.

Прашања, недоумници и реакции за зградите во Аеродром

На големата парцела на „Масив констракшн“ покрај Мајчин дом во Аеродром има можност за објект од П+8+Пк. Таа е само дел од идејата за нов градежен налет во оваа урбана општина, каде деновиве во недостаток на поконкретни информации се шпекулира за број на потенцијални градби и станбени згради - 20, 30, над 40...?!

Сето ова започна пред две-три недели, откако на седница на Советот на општина Аеродром беа гласани точки за понатамошни измени на ДУП-овите. Уште од старт предизвика реакции кај опозициските советници, кои тврдеа дека нацртите за новиот ДУП за четврт И10, и за оној во Лисиче, биле вметати како дополнување на дневниот ред, а без комисиска расправа.



Просторот до „Неоком“ (принтскрин од мапите на „Гугл“)

„Според измените во ДУП-овите, на потегот од нова железничка станица и од зградата на ’Неоком’, па се до објектот ’Тинекс’, се предвидува изградба на нови 11 висококатници. Исто така, според втората нацрт одлука се предвидува изградба на триесетина високатници покрај реката Вардар, на потегот од Ново до Долно Лисиче. Со овие измени се предвидува натамошна безмилосна неодржлива градба на висококатници и натамошно уништување на зеленило, како и на секоја педа на слободно парче на земја“, реагираше прв советникот на ЛДП, Марјан Здравкоски.

Идејата за нови 40 згради низ Аеродром набрзо отвори недоумници, реакции и низа прашања и кај локалните жители - колку општината има капацитет да поднесе толкав број нови градби? Дали се работи за одговорно и хумано планирање? Дали ќе бидат уништени зелени површини и дали ќе се создаде дополнителен сообраќаен хаос, со оглед на тоа што станбените објекти ќе повлечат и потреба за нови инфраструктурни решенија, пристапни улици, паркинзи...

Граѓаните прашуваат колку сето ова ќе влијае врз загадувањето во општината, знаејќи дека во Аеродром, особено на оние со домови близу Вардар, во голем дел од годината им се на располагање три опции за нормален живот - да си набават гас-маски, да затворат прозорец за да „пролуфтираат“ просторија, или, пак, да се отселат на друга локација. Во спротивно, ги чека нова долга зимска и грејна сезона со неподнослива миризба, задушување од отровни честички и страв за своето и за здравјето на најблиските.



Дел од Острово

Ваквата закриженост се рефлектираше и низ социјалните мрежи, каде се активираа иницијативите „Сакаме Аеродром да дише“ и „Стоп за загадувањето во Аеродром и Лисиче“.

Низ нив се делат и шират информации, се споменуваат и петиции, собирање потписи против одредени градби. Дел бараат образоложение и подетелна анализа за просторното планирање, други прашуваат кои зелените површини би ги „голтнал“ ДУП-от... Се дискутира воопшто за целата еколошка димензија на потенцијалните зафати. Секој дава идеја, насока, нов момент, а напоредно граѓаните одат да приложуваат забелешки и предлози во просториите на урбаната заедница Острово во трговскиот центар „Скопјанка“. Сите забелешки за овој план таму се поднесуваат до 29 март.

Во „Скопјанка“ веќе се одржа јавна презентација за ДУП-от. Но, она што требаше да значи јавна расправа, се претвори во жестока расправија меѓу општинските службенички и локални граѓани, кои бурно реагираа на идејата да никнат десеттина нови згради во населбата Острово.

Што предвидува планот од Железничка станица до Мајчин дом?!   

Во фокусот на аеродромци деновиве како да беше локацијата со паркинг кај Мајчин дом, но ако се погледне изложениот нацрт-ДУП за четвртот И 10 (од Железничка до СЦ „Јане Сандански“), може да се забележи маркичка и кај зградата „Неоком“/„Оне“, на постоечкиот паркинг. Таму е вцртан објект од П+7.



Делот покрај Железничка (принтскрин од мапите на „Гугл“)

Понатаму, неколку објекти и училиште во стариот дел меѓу Железничката, новиот мост и сино-портокаловата зграда што веќе се подигнаа близу Вардар. Ова е потегот меѓу реката и улицата „Владимир Комаров“, каде има стари градби и вулканизер. Конкретно, до оваа улица има вцртано една зграда во облик на латинска буква „З“, со осум катови и поткровје, а подолу накај Вардар се две згради и училиштето.

Исто така, потенцијална зграда со осум ката и поткровје е впишана и кај рибниот ресторан, до училиштето „Браќа Миладиновци“. Со понатамошно усвојување на нацрт-планот би се овозможила и изградба на три големи локации на потегот од Фондот за пензиско осигурување до „Тинекс“, покрај текот на Вардар, каде исто така има стари куќи.

Од иницијативата „Сакаме Аеродром да дише“ велат дека планот го опфаќа детското игралиште помеѓу „Владимир Комаров“ 19 и 17, кое тврдат е едно од подобрите во овој дел од населбата и е изградено од поранешниот градоначалник на Скопје, Ристо Пенов. Преку него сметаат би поминувала улица, односно сервисна наменска улица која ќе се користи како паркинг.

„Заедно со игралиштето ќе настрадаат и голем број на дрвја постари од 35 години“, соопштија од „Сакаме Аеродром да дише“ преку социјалните мрежи.

Потоа, велат дека преку 20 дрва исто така стари преку 35 години, околу зградата на „Владимир Комаров“ 23. Тие, според иницијативата, ќе бидат исечени со цел да се поврзат паркинзите од сите згради околу во правец на ОУ „Браќа Миладиновци“.

„Притоа оваа зграда ќе остане буквално на остров заобиколена од сервисна улица и асфалт. Како би можеле да се паркираат, станарите нема да можат да влегуваат од досегашниот влез во паркингот, кој ќе биде затворен, туку ќе требаат да вртат од кај ’Комаров’ 19 како би се паркирале. Исто така, опфатен ќе биде и зелениот појас позади ТЦ ’Три бисери’. За да се направи паркинг простор за новиот 10-катен блок кај Мајчин дом, предвидено е копање на дел од ова зеленило, пробивање на мала улица и градење на подземни гаражи“, соопштија од „Сакаме Аеродром да дише“.



Нацрт-ДУП за градска четврт И10 (црни кругови објекти, црвени паркинзи и улици)

Од сето ова, општинарите од Аеродром велат дека измените на ДУП-от се однесуваат само на нови потенцијални градби на само три локации. Останатите не ги карактеризираат како „нови“, бидејќи тврдат објекти биле предвидени уште кога овој дел се водеше под Кисела Вода, во која спаѓаше денешен и Аеродром, па сега единствено се „препишуваат“ во планот.

Истовремено, тврдат дека согласно најновиот Генерален урбанистички план, зелените парковски површини се целосно заштитени и не постои каква и да е законска можност тие да бидат уништени.

„Измените на ДУП-от се однесуваат на нови објекти на само три локации. Две од нив се во непосредна близина на железничката станица, на местото каде во моментов има трошни куќи и граѓаните живеат во нехумани услови. На новите објекти им се дозволува изградба на три ката, за да можат граѓаните да најдат заинтересирани инвеститори. Училиштето, пак, што претходно беше зацртано во зелена површина, со измените е преместено до трошните куќи, со цел да се зачува што поголема зелена површина. Третата локација, која се наоѓа покрај булеварот ’Јане Сандански’, во непосредна близина на Мајчин дом, парцела што се наоѓа во градежна зона во линија на ТЦ ’Капитол’ , ’Скопски пазар’, ’Веро’, Рударски институт... е во приватна сопственост десетина години наназад, а не е јавна површина, односно парк, како што неосновано се тврди“, стои во последното соопштение од Аеродром.

Од Аеродром велат дека со ДУП-от урбанистите предвиделе изградба на подземна гаража, но не како што се шпекулирало таа да биде „катна“.

„Таа беше неопходна заради изменетите нормативи за паркинг-места по станбена единица, за разлика од времето кога се создавала населбата. Општината не планира да ја гради, но дури и некој да реши да ја гради во иднина, бидејќи тоа го овозможува Предлог-деталниот урбанистички план, зеленилото од јавната површина ќе остане нечепнато, од едноставна причина што гаражата би била под земја, а при тоа ќе можат да ја користат токму жителите на постојните згради во Острово“, велат од Аеродром, тврдејќи дека изразувањето незадоволство за уништување зеленило станува беспредметно.

Во однос на потегот од Ново кон Горно Лисиче, претходно рекоа дека се предвидени 30 згради на четири ката, како и изградба на ново основно училиште, градинки, нови улици, паркиралишта, ново осветвлување, паркови, дом на култура, старечки дом и „други содржини неопходни за граѓаните“.

Ова беа соопштенија на општината презентирани главно преку својот сајт, но не одговорија на нашите прашања за „Масив Констракшн“, за катноста на предвидената зграда, дали се обмислени сообраќајни решенија и на останатите локации... Чекаме одговори од Аеродром за тоа што ќе се случува, кој ќе ги разгледува и дали ќе се земат в предвид забелешките и предлозите на аеродромци. Истовремено, со оглед дека измените станаа доста актуелни и се работи за зафати од јавен интерес, дали постои и можност да се продолжи рокот за јавна анкета, како што беше случај со други општини.

Бојан Шашевски

http://www.mkd.mk/makedonija/skopje/masiv-konstrakshn-podruzhnica-na-kamchev-konsalting-e-sopstvenik-na-parcela-za#1