Железници (општо)

Не верувам. Schenker скоро се ребрендираше во DB Schenker. Но колку што знам во Македонија се бави единствено со шпедиција. Еднашка беше споменат во контекст на приватизација на МЖ Транспорт но ништо повеќе од тоа.

Владимир да не случајно имаш некои познавања од сигнализиацијата што се користи во железници. Колку што сум приметил кај нас некако по стари мтедо работат и сеуште по станиците ги има едни стари зелени кутии со милијарда сијалички на нив и отцртани перони. Да не имаш некои матерјали од светските трендови или па од нашиве станици?!

И дали знаеш нешто повеќе како се употребувал тој т.н. жетон (token) кога се работи за единечна пруга како кај нас?!


Edited by lslcrew - 26-Apr-2009 at 08:44

Владимир баш не ја контам логикава на семафорите, а и не сваќам што улога би имале тие пултови на железничките станици и како се исповрзани со семафориве или користат само за мониторинг, а не за контрола. Очигледно чим постојат пултовите значи имаме некој децентрализиран систем на контрола, а не како овј на сликата (ваљда некој централизиран).

Со исклучок на статистичкиот податок во последната реченица, текстов единствено успеа да ми створи забуна...

МАКЕДОНСКА ЖЕЛЕЗНИЦА ГУБИ ЗДЕЛКИ Западните транспортери ја заобиколија нашата пруга Транспортните патишта ја заобиколуваат Македонија поради што македонска железница трпи огромни загуби. Неофицијално дознаваме дека речиси сите контејнери со стока што доаѓаат од западноевропските земји, поради застој на македонските граници се пренасочени кон Бугарија. Се работи за контејнери со стока, кои преку патничкиот или железничкиот сообраќај стигнуваат до македонско-српската граница од каде што ги преземаат вагоните на македонска железница, кои треба да ги префрлат кон Грција. Во Царина велат дека нема застој на границите, но можна причина за пренасочување на вагоните е засилената контрола на цариниците. - Повеќе пати се случува при контрола на граница да фатиме непријавена стока. Место бисквити или хартија се пренесува тутун, прехранбени производи и алкохол. Ако некој сака да пренесува нерегуларна стока ќе ја избегнува нашата граница. Можеби, ќе од преку Бугарија, ако таму дозволуваат - вели Ванчо Каргов, директор на Царинската управа. Во „Македонска железница “ Транспорт“ велат дека од март транспортот повторно се враќа преку македонската територија. - Проблемот беше актуелен минатата година зашто транспортните компании имале проблем со Македонска царина, велат во „МЖ - Транспорт“. Поради економската криза Македонски железници имаат големи загуби во товарниот сообраќај. Во „МЖ - Транспорт“ велат дека намалувањето на товарниот сообраќај најмногу се должи на намалениот обем на работа на компаниите во металната индустрија. Според статистика за минатата година, количеството на превезената стока во железничкиот превоз е намален за 26,3 проценти во споредба со 2007 година.

http://www.vreme.com.mk/DesktopDefault.aspx?tabindex=8&tabid=1&EditionID=1692&ArticleID=112903

... Се работи за контејнери со стока, кои преку патничкиот или железничкиот сообраќај стигнуваат до македонско-српската граница од каде што ги преземаат вагоните на македонска железница, кои треба да ги префрлат кон Грција. ...

Од целиот имешан текст ова е најголема глупост напишана на новинарот.
МЖ само тие вагони со контејнери ги царини, потоа се сортираат, и се приклучува едино наша локомотива да ги одвлече до следната дестинација.

Ма човеков е „сакам кажам, незнам речам“

Кој вели дека македонската железница ни е за никаде

Токму написот во денешниот весник внесува уште поголема конфузија за состојбата во Македонски железници.

Не навлегувам во анализа на податоците, но некои работи ме збунуваат.
Имено ме радува ако нашите соседи ги возат товарните возови со бзина од 120 км/час, ама не е така.
До кога со јалови новинарски анализи ќе градиме ставови.

Ме чуди што директорот на агенцијата за железници Никола Димитров така лаконски ги решава проблемите во железничкиот транспорт.
Но не ме чуди што излезот се бара во конкуренција, само незнам кој ќе биде конкурентниот транспортер на МЖ Транспорт.

Мојот став е дека само со вложување во железничката инфраструктура може да се створат услови за конкуренција во железничкиот транспорт.

За жал таквите вложувања сега се минимални, па кој ќе се стрча да биде втор или трет железнички транспортер на пругите на МЖ Инфраструктура само ќе ниже катастрофални загуби.

Застојот на вагоните е од другата страна на границата Автор:  Александар С. Димковски Железницата не го подјадува стопанството ако тоа не се подјадува самото себеси. Тоа што не работи стопанството пак ја подјадува железницата, велат од „МЖ-транспорт“ како реакција на тврдењата на големите индустриски компании за неефикасност и високи цени на товарниот железнички сообраќај во државава. - Ние сме мала железница и доста сме ефикасни. Кога возот ќе се натовари, за еден час го носиме до станицата Табановце, каде што го презема српската железница. Кај странските компании треба да се бара вината за бавниот обрт на вагоните и губењето денови - вели Благоја Крстевски, генерален директор на „МЖ-транспорт“ АД-Скопје. Упатените во оваа проблематика се согласуваат со констатацијата дека дел од вината за застојот на вагоните и бавниот обрт е токму од другата страна на границата. Србите немаат доволно вагони за претовар. Проблемот со Грција, пак, е што таму многу често има штрајкови на железницата и на солунското пристаниште, што го отежнува сообраќајот. - Грчките железници годишно имаат 230 дена штрајковни ограничувања, Дали сме ние одговорни и за транспортот надвор од територијата на државата - прашуваат од „МЖ-транспорт“. Иако отпремувањето на вагоните кај нас оди брзо, сосема друго е прашањето што од Сплит, Пула или од Солун тие се враќаат за 13, 14 или 15 дена. Според познавачите на состојбите, еден од проблемите е и тоа што Македонија има едноколосечни пруги и треба возовите да се чекаат, за разлика од двоколосечните пруги, каде што во еден правец се движат едни возови, а во друг правец други возови. Од „МЖ-транспорт“ истакнуваат дека имале тендер за набавка на 25 нови вагони, а очекуваат да пристигнат и нови локомотиви. За зголемување на ефикасноста на железничкиот сообраќај големите компании од металната индустрија предлагаат зголемување на бројот на вагони и локомотиви, ревидирање на постојните цени на железницата, како и довршување на пругата кон Бугарија, односно коридорот 8. Како што дознаваме, токму доизградбата на пругата кон Бугарија е клучниот проект на „МЖ-инфраструктура“, кој треба да се официјализира до крајот на неделава. Во однос на либерализација на железничкиот транспорт, Крстевски вели дека државата треба да го најде својот интерес. Никола Димитровски, директор на Агенцијата за регулирање на пазарот на железнички услуги, смета дека е потребна либерализација на пазарот бидејќи само на тој начин ќе се пиздигне квалитетот на услугите и тие ќе бидат поевтини. - Кога ќе се појават и други транспортери во железницата, на оние што им е скапо ќе отидат кај нив - нагласува Димитровски. http://www.novamakedonija.com.mk/DesktopDefault.aspx?tabindex=3&tabid=2&fCat=1&top=1&EditionID=386&ArticleID=23931

Грчките железници годишно имаат 230 дена штрајковни ограничувања

Не, ова не е нормално! Дали ние барем се обидуваме да истераме правда за ова, затоа што не верувам дека било која меѓународна инстанца би поверувала во вакви штрајкови...

Како што дознаваме, токму доизградбата на пругата кон Бугарија е клучниот проект на „МЖ-инфраструктура“, кој треба да се официјализира до крајот на неделава.

Ова вистина ли е? Дали е можно дека конечно го дочекавме тој ден???