Спомен куќа на Тоше Проески - Крушево

Ако ви е вас фино, ОК. Мене по тоа што го правеше Тоше, ама воопшто не ми се совпаѓа да му се прават вакви кичерајски пост-хумни храмови. Македонија можеше да одаде почит на многу посветски начин (на пример за принцезата Дијана беше направена фонтана, и детски парк во нејзина чест - е тоа е веќе светски и културно и без кичерај). Ова е израз на малограѓанштина, па и куќата на Мајка Тереза не е многу полоша.

Избрано идејното решение за меморијалниот комплекс на Проески Одборот за подигнување на меморијалниот комплекс на Тоше Проески во Крушево го избра идејниот проект изработен од „Архитектоника“ ДООЕЛ Скопје. Во меморијалниот комплекс ќе се наоѓаат гробот на Тоше, негов споменик и црква. Споменикот ќе биде во вид на бронзена скулптура на Тоше, налик на фотографијата од албумот „Божилак“. - Одборот за подигање на меморијалниот комплекс на Тодор Проески во Крушево го избра идејниот проект, кој во согласност со законските одредби јавно ќе биде изложен на официјалната страна на Собранието на Република Македонија - н` информираа од одборот. Меморијалниот комплекс требаше да почне да се гради пред три години, но од повеќе причини не беше реализиран. Како што дознаваме, тој треба да почне да се гради по три месеци. (С.А.Н.

http://dnevnik.com.mk/?ItemID=14DB19C3F3989E4A99F6899C97698267


-надополнето-





Извор.

Edited by theMac3donian - 14-Apr-2011 at 03:03

Планирам да одам на отварање. Мислам дека има и организиран превоз од Струмица.

Се работеше на хортикултурното уредување и колку што можев да забележам и надворешно довршување (бојадисување) на некои ѕидови.

Отворена спомен куќата на Тоше

Дарко Штаргоски	Коментари (0)

25.04.2011 15:55

Пред илјадници посетители од земјава и странство денеска во Крушево беше отворена спомен куќата на Тоше Проески на Гумење.

Музејот се простира на површина од 870 метри квадратни и е во форма на крст, изграден е од стакло и бетон, а околу него се направени базени низ кои постојано тече вода. Во куќата се сместени сите негови лични работи од детството, па се до денот кога трагично замина од овој свет.

Тука се неговиот мотор и омилениот автомобил Буба, првата гитара, облеката, сувенирите. На ЛЦД монитори постојано се пуштаат неговите песни и концерти, а на еден од ѕидовите на над 100 светски јазици е напишана познатата реченица од Тоше „Сите ве сакам“.

„Каде што сега се наоѓа спомен куќата Тоше сакаше на тоа место да направи свое музичко студио. Спомен куќата сега е во форма на крст каков што Тоше носеше на градите, но сега насочен нагоре кон небото, кон рајот, од каде Тоше најубаво ќе може да го види“, изјави Анастас Проески, чичко на Тоше.

„Со отворањето на оваа Спомен куќа на Гумење на светот уште еднаш му ја отвораме душата на Тоше, одново и несебично. Онака како што тој не учеше и како што постојано се даваше, бескрајно и несебично“, рече Андреј Николоски, извршен директор на „Фондација Тоше Проески“.

Карактеристични се и двете восочни фигури на Тоше кои даваат чувство дека тој и денес е тука присутен во музејот. Во еден дел од Спомен куќата се наоѓа и студиото каде што Тоше ги компонираше своите мелодии.

„Имаме во куќата околу 20-тина витрини со експонати од Тоше, тие се секоја за себе посебна приказна и покажуваат посебен дел од животот на Тоше“, вели Дејан Спасеноски, архитект на објектот.

Денеска во Крушево беа присутни и неговите фанови од сите простори на поранешна Југославија.

„Оваа Спомен куќа го кажува тоа дека Тоше не беше некој кој само постоеше и потоа почина. Зад него останаа сите добри дела кои ги правеше, сите држави од поранешна Југославија добија по некој дел од тоше“, Индира Фазлија, Интернационален „Тоше фан клуб форум“.

Во чест на Тоше, неговиот бенд заедно со Влатко Стефановски и актерот Раде Шербеџија промотивно ја изведоа песната „Крушево“ која е компонирана од Тоше, а текстот е на Мирослав Рус.

http://a1.com.mk/vesti/default.aspx?VestID=137124

Edited by Cloverstack - 26-Apr-2011 at 12:18

Мене ми се свиѓа објектов, баш ја доловува приказната за Тоше, неговата верба во Бога, сместен во неговото Крушево. Особено за оваа спомен куќа, многу е поважен сегментот дека таа постои, дека ја истакнува љубовта на фановите кон Тоше, отколку нејзиниот изглед, кој рака на срце е убав и ме потсеќа на некоја личност која оставила белег на овие простори.

Edited by N23 - 25-Apr-2011 at 20:57

Споредбата со куќата на Мајка Тереза не е на место, Тоше беше пред се музичка ѕвезда и веќе аман со правењето на светец од него. Објектов ми се допаѓа, модерен е, добро е што не ставиле рефлектирачки стакла како што обично ставаат. Не мораа само во облик на крст да ја направат зградата.. а што се однесува до традиционалната средина, не гледам ниедна таква куќа во позадина (а да го спомнеме и Македониумот а?) така да и тоа не држи вода.

едит: проектов со меморијалниов комплекс ми е, во ситуација кога веќе ја имаме спомен куќата, непотребен вишок.     

Edited by fichot - 25-Apr-2011 at 23:35

За ова сте двајцата во право.Симпатично момче беше,Бог да го прости,многу луѓе го сакаа,меѓутоа врзувањето на Тошка со приказни за светец е едноставно невкусно.Малку ја претераа работата во тој поглед...

Не. НЕ се битни само фановите.

Битно е и Крушево. Битно е и сочувувањето на автентичен и уникатен изглед на Крушево.

На крајот на краиштата, битен е и Тоше и неговото дело. Па тек тогаш се битни фановите.

и мене не ми се допаѓа инсистирањето на религијата при оддавањето почит кон Тоше, но морам да признаам објектот испадна ок
муабети за автентичност не држат вода, модерната архитектура знае многу добро да се вклопи во традиционалната, а како што спомна fichot, во Крушево има и модерна архитектура
тоа дали фановите го сметале Тоше за светец е непотребно, треба да се долови животното дело на човекот, не чувствата на неговите фанови, и всушност, еве за мене и Јими Хендрикс е светец, но што има врска тоа со било каква религија и крстови? и меморијалниот дом не е направен само за фамови, туку за целиот човечки свет

сепак за наши стандарди објектов е прекрасен, штета што не размислуваа вака и за Мајка Тереза, дури и овој објект ми е далеку поприкладно решение за личност како Мајка Тереза, одколку за Тоше, но сепак, задоволен сум и вака