Споменици и скулптури (општо)

suprise suprise  

 

Набрзо ќе почнат геомеханички испитувања на земјиштето

Деспина Трајковска


Се' поизвесно е дека летово на плоштадот „Македонија“ ќе се отвори уште едно градилиште. Ќе се гради портата „Македонија“, еден од најозборуваните проекти од „Скопје2014“. За овој објект, или скулптура, како што ја карактеризираат од Министерството за култура, веќе се во тек интензивни подготвителни работи за започнување на активностите на терен. Министерството, кое е носител на проектот, има поведено постапка за добивање одобрение за градба, а веќе бара и субјект што ќе ги изврши геомеханичките испитувања на земјиштето каде што таа ќе се постави. Истовремено тече и изработката на релјефите за објектот.

Од Министерството за култура ги кријат димензиите на портата, иако од анимацијата на владиниот проект е видливо дека таа ќе биде габаритна и ќе ја „засени“ околината. Надлежните не откриваат ниту каде се изработува таа. Единствено велат дека најверојатно нејзината основа ќе биде бетонска, додека релјефите на портата се мермерни.

„Во тек е изработката на сите поединечни релјефи и се обезбедува целокупната потребна документација согласно со законските и подзаконските акти за ваков вид работи. Во надлежната единица на локалната самоуправа во тек е постапка за обезбедување одобрение за градење согласно со прописите за уредување на просторот и за градење“, изјави Анита Јовановска, портпарол во Министерството за култура.

Таа вели дека се' уште не може да се прецизира колку вкупно ќе чини изградбата на портата, бидејќи не се завршени сите потребни работи за нејзината изградба. Не се открива ниту кога ќе се постави, иако во текстуалното објаснување на проектот „Скопје 2014“ е наведено дека таа ќе се гради истовремено со фонтаната на Александар Македонски, чија изградба, пак, се очекува да започне летово.

Автор на репликата на Триумфалната капија е Валентина Стефановска, според чие идејно решение се работи и споменикот на Александар Македонски, како и оној на Филип Втори што треба да се постави на плоштадот во Автокоманда.

Инаку, портата, која се' уште нема дефинирано име, но затоа има три работни наслови во владиниот проект „Скопје 2014“(порта „Македонија“, „Македонска борба“ или „Порта на македонска независност“), всушност, како што велат од Министерството за култура, е дел од програмата за работа на Министерството во периодот од 2008 до 2012 година и делото не претставува посебен проект.

„Во програмата е предвидено изработка и поставување скулптури во централното градско подрачје на Скопје. Министерството за култура во 2008 година распиша јавен конкурс за избор на скулптури, во кој, покрај останатите, беше избрана и оваа скулптурата. Тоа значи дека ова не е посебен проект“, велат од ресорното Министерство.

Ќе се постават спомениците на просветителите