Фасади (општо)

овде стварно има и побитно работи па ако треба и за барок да зборуваме.ете им грди згради како кулите над гтц,а не оваа зграда која е реконструирана релативно бргу

зградата на ЕВН е уште еден објект кој треба да биде заштитен како културно наследство, а не да му се менува фасадата со неандарталски решенија
завршен во шеесетите, еден од највисоките во Скопје во свое време, еден од првите со стаклена фасада

ИЗМЕНЕТА ПРОГРАМАТА ЗА РЕKОНСТРУKЦИЈА И ЗА ДОГРАДБА НА ОБЈЕKТИ

ФАСАДАТА ГРАТИС, ДОГРАДБАТА ЌЕ СЕ ПЛАЌА

Планираната обнова на 41 фасада на згради во централното подрачје на Скопје ќе ја платат Градот и Министерството за култура, но доколку има потреба од доградба на некој објект и поради тоа некој стан биде проширен, станарот ќе треба да си ја плати новостекнатата вредност. Ова е дел од измените на Програмата за реконструкција и доградба на објекти, што беше усвоена на последната седница на Советот на Град Скопје.

Град Скопје планира да обнови фасади на 18 објекти на булевар Илинден и на 23 објекти на улиците Македонија, 11 Октомври, Димитрија Чуповски и Максим Горки. Повеќето од зградите на листата датираат од пред земјотресот во 1963 година, некои претрпеа штети и своевремено беа санирани, но сега според Програмата на градските власти е констатирана „итна потреба од реконструкција и доградба“. Фасадите ќе се менуваат во согласност со деталните урбанистички планови и основните проекти, парите ќе ги вложат институциите, а ако некој добие дополнителен квадрат станбен простор, поради, на пример, затворена тераса, ќе му плати на Град Скопје кога работата ќе биде завршена.

Договори меѓу Градот и станарите

- Доколку реконструкцијата на фасадите во согласност со урбанистичките план и усвоените основни проекти се реализира со делумна доградба на објектот, Градот Скопје и сопственикот ќе склучат договор, со кој ќе ги уредат правните и финансиските односи што ќе настанат од тоа. Со договорот подетаљно ќе се уредат прашањето на поврат на вложените средства од страна на Градот Скопје според утврдената градежна вредност на новоизградената површина, што ќе ја стекне сопственикот на објектот, начинот и рокот на враќањето на средствата, плаќањето на надоместокот за уредување градежно земјиште во согласност со прописите, како и други прашања што финансиски ќе го оптоварат зафатот, а произлегуваат од законите и од другите прописи во Република Македонија - се вели во Програмата.

Од градското одделение за односи со јавност не одговорија на прашањата дали граѓаните ќе може да плаќаат на рати и дали проектот ќе се откаже доколку некоја зграда е избрана за фасадирање, а притоа мнозинството од станарите не сакаат да платат евентуална доградба.

Kонкурсот за идејни решенија за зградите на „Илинденска“ трае до 16 септември, а по утврдувањето на цената, локалната власт ќе се договара со сопствениците. За 23-те згради на улицата Македонија и во околината на плоштадот веќе се избрани идејни решенија, склучени се договори со изведувачите и наскоро се очекува почетокот на работите.

Нега на старата архитектура

Правна основа за измените е Законот за локалната самоуправа, но исто така и Законот за заштита на културното наследство, со кој се определува дека единците на локалната самоуправа и нивните органи се одговорни за остварувањето на заштитата.

- Измената на оваа Програма е потребна и поради фактичката состојба на објектите, во случаи кога инвеститорот не е во можност веднаш да ги намири финансиските побарувања за реконструкција, санација или доградба - се вели во образложението на одлуката.

Обновата на фасадите на неколку децении стари згради во центарот се наметна поради потребата од зачувување, нега и заштита на старата градска архитектура во метрополата, особено на објектите на „Илинденска“.

Освен Градот, и општините Kарпош и Центар негуваат практика за санација на оштетените фасади на станбените згради. Неодамна градоначалникот на Центар, Андреј Жерновски, најави дека ќе го продолжи проектот на својот претходник Владимир Тодоровиќ за енергетско-ефикасни фасади на постојните објекти. Годинава вакви фасади ќе добијат 15 згради, кои без избрани на јавен повик, од вкупно пријавени 32 заедници на станари. За оваа намена од буџетот на Општина Центар ќе се потрошат 11 милиони денари, а станарите имаат обврска на сопствен трошок да ги заменат прозорците за што ќе користат заеми од организацијата „Хабитат“.
http://dnevnik.mk/?ItemID=2C74DBA27330C243B1DC5E1EA0993495

Тоа училиште е Браќа Миладиновци во Острово. Ѓорѓија Пулевски се наоѓа во Јане Сандански (лева страна) спроти Мајчин Дом. (кај старо Жан Мари)

Ќе се обновува фасадата на Ибни Пајко



Фасадата на еден од најстарите и најрепрезентативни објекти во Скопје, куќата на Ибни Пајко, беше обновена пред неколку години

Градот продолжува со обнова на фасадите на постојните објекти во централното градско подрачје кое е во негова надлежност. Вчера го избра идејното решение на Лазар Димов и Никола Стакинов по кое ќе се врши реконструкција на фасадата на првиот од објектите спроти црквата „Свети Димитрија“, зградата позната како Ибни Пајко, еден од најстарите објекти во Скопје.

Според известувањето на Бирото за јавни набавки, Град Скопје имаше распишано конкурс за избор на идејно решение за реконструкција на фасади на постојни објекти во централно градско подрачје на градот, на улицата „Црвена скопска општина“. Станува збор за објектите кои се во непосредна близина на новоизградениот плоштад „Карпошово востание“ каде што се наоѓа фонтаната во чиј центар е споменикот на Филип Втори. На конкурсот бил пријавен само еден учесник, поточно било поднесено само едно решение, чии автори се Димов и Стакинов, кои за идејата ќе бидат наградени со 150.000 денари.

„Со овој дел од постапката е избрано идејно решение за фасадата на првиот објект од Камениот мост кон Чаршијата, над кафеаната ’Пирин‘. Постапката е двофазна и во продолжение ќе се избере проектант за изведбеното решение. За сите детали околу конечниот изглед ќе може децидно да се одговори по завршувањето и на вториот дел од постапката“, велат од Град Скопје и појаснуваат дека двајцата автори настапиле со единствено идејно решение и под една шифра.

Од Градот засега не обелоденуваат на колку објекти ќе им се реконструира фасадата, ниту, пак, колку средства ќе бидат издвоени од градскиот буџет за таа намена.

http://www.utrinski.mk/?ItemID=8FA526BB01BB4F46902E4DE5175DE5E3

Ќе биде преоблечена во Барок или Неокласика, за тоа се работи претпоставувам.

Веќе неколку дена и хотелот Stone Bridge има поставено скелиња. Колку што можев да за бележам се менува фасадата, се поставуваат 'барокни' стиропорни елементи

вишокот во Слепче

Originally posted by zabegan јас мислам дека во целиот период на Комунизмот не биле соголени толку многу фасади, колку што се накитени во Скопје во последниве две години... навистина ова е брука за нашата сериозност, и во прва прилика све од политикава би стрпал директно во Бардовци...

А дали воопшто се менувале фасади во Комунизмот? ја баре не знам за таков пример?

Originally posted by gjoko Во Битола се префасадираа куќите од стара градба на Широк Сокак пред 13-14 години.Зошто вака пропаднале некои од нив?

Не станува збор за куќите на широк сокак, има многу повеќе - цело градско јадро не е реновирано, освен Широк Сокак....